Kim Yo-jong

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish
Kim Yo Chjon
koreyscha: 김여정
Kim Yo-jong at Blue House.jpg
WPK Emblem.svg
 KMP MQ Tarğibot va Tashviqot boʻlimi direktori oʻrinbosari
Flag of North Korea.svg
 
Mansab davri
8-oktabr 2017-yil — 11-aprel 2020-yil
Bosh Kotib Kim Chen In
WPK Emblem.svg
 KMP Siyosiybyurosi aʼzoligiga nomzod
Flag of North Korea.svg
 
Bosh Kotib Kim Chen In
Flag of North Korea.svg
 KXDR Oliy Xalq Kengashi aʼzosi 
Mansab davri
9-mart 2014-yil — h.v.
Prezidium Raisi Chxve Ryon Xe
Rais Pak Txe Son
WPK Emblem.svg
 KMP MQ Tarğibot va Tashviqot boʻlimi direktori birinchi oʻrinbosari
Flag of North Korea.svg
 
Mansab davri
28-noyabr 2014-yil — 10-yanvar 2021-yil
Oʻtmishdoshi Ri Chje Il
Bosh Kotib Kim Chen In
Direktor Kim Gi Nam
Pak Kvan Xo
Ri Il Xvan
Shaxsiy maʼlumotlari
Tavalludi 26-sentyabr 1987-yil (1987-09-26) (35 yosh)
Pxenyan, KXDR
Fuqaroligi Shimoliy Koreya bayrogʻi Shimoliy Koreya
Millati koreys
Siyosiy partiyasi Korea Mehnat Partiyasi
Turmush oʻrtogʻi Chxve Son
Onasi Ko Yon Xi
Otasi Kim Chen Ir
Qarindoshlari akasi: Kim Chen In
Taʼlim Pxenyan universiteti,
Kim Ir Sen nomidagi harbiy universitet
Dini ateist
Imzosi

Kim Yo Chjon (koreyscha: 김여정, kontsevichga koʻra — Kim Yeojon yoki Kim Yeo Jong ; 26-sentabr 1987-yil, Pxenyan, KXDR) — Shimoliy Koreya siyosiy, davlat va partiya yetakchisi, 2021-yildan Koreya Mehnat partiyasi (KMP) Markaziy qoʻmitasining tashviqot va tarğibot departamenti direktori oʻrinbosari.[manba?], 2015—2021-yillarda u KMP Markaziy Qoʻmitasining tashviqot va tarğibot boʻlimi mudirining birinchi oʻrinbosari, 2017-yildan KMP Markaziy Qoʻmitasi Siyosiy byurosi aʼzoligiga nomzod boʻlgan. 2019-yil, keyin esa 2020-yildan 2021-yilgacha. KXDR oliy rahbari Kim Chen Inning singlisi, KXDR sobiq rahbari Kim Chen Irning qizi va KXDR asoschisi va abadiy prezidenti Kim Ir Senning nabirasi.

Biografiya[tahrir | manbasini tahrirlash]

Shaxsiy hayot[tahrir | manbasini tahrirlash]

Koreya Respublikasi Birlashish vazirligi maʼlumotlariga koʻra, Kim Yo Chjon 1988-yilda Pxenyanda tugʻilgan[1], Janubiy Koreyaning boshqa manbalariga koʻra, 1987-yil 26-sentabrda[2][3]. AQSh Moliya vazirligi tugʻilgan sanani 1989-yil 26-sentabrda deb koʻrsatadi.[4] Akasi Kim Chen In bilan yaqin munosabatlarga ega, hamda u bilan 1996-yildan 2000-yilgacha Shveytsariya va Shimoliy Koreyada birga oʻqigan[5]. Vataniga qaytgach Kim Ir Sen nomidagi Harbiy universitetda tahsil olgan.[2] U Kim Ir Sen universitetida informatika boʻyicha tahsil olgan, mish-mishlarga koʻra, u yerda kichikligida Shimoliy Koreya rasmiylari tomonidan oʻgʻirlab ketilgan Megumi Yokotaning[6] qizi ham oʻqigan.

2015-yil yanvar oyida u hukumat amaldori Chxve Ryong Xening[7] ikkinchi oʻğli Chxve Songa turmushga chiqqan[8]. Biroq, Janubiy Koreya manbalari bu maʼlumotlar notoʻgʻri ekanligini tan olishadi. Kim Yo Chjon 2015-yilning may oyida farzand koʻrishini kutayotgan edi. Jamoatchilikka nomaʼlum boʻlgan ota Kim Ir Sen universiteti bitiruvchilaridan biri yoki partiyaning 39-byurosining amaldori yoki mamlakat rahbarini himoya qilish uchun masʼul boʻlgan harbiy qismda ishlaydi[9]

Karyera[tahrir | manbasini tahrirlash]

2018-yilgi Qishki Olimpiya oʻyinlarining ochilish marosimida Kim Yo Chjon, Koreya Respublikasi Prezidenti Mun Chje In va Amerika Qoʻshma Shtatlari vitse-prezidenti Mayk Pens

2010-yil sentabr oyida Koreya mehnat partiyasining uchinchi konferensiyasida u tasodifan kamera obyektiviga tushib qolgan.

U 2011-yil dekabr oyida Kim Chen Irning dafn marosimida, u akasi Kim Chen In yoki markaziy amaldorlarning yonida bir necha bor paydo boʻlganida, hatto dafn qoʻmitasi aʼzosi boʻlmaganiga qaramay, ommaga tanilgan edi va uni hech qachon ommaviy axborot vositalarida nomi tilga olinmagan edi. 2012-yil boshida u Milliy Mudofaa Komissiyasiga turizm boʻyicha menejer lavozimiga tayinlanadi, biroq bu haqda ommaviy axborot vositalarida xabar qilinmaydi, faqat 2012-yil noyabr oyida Koreya markaziy televideniyasi uni Kim Chen Inni harbiy maydonda kuzatib borayotganini koʻrsatgan[10]. Kim Yo Chjon haqida ilk marta 2014-yil 9-mart kuni u akasi bilan KXDR Oliy xalq assambleyasida ovoz berishda ishtirok etganida rasman tilga olingan edi. Keyin Kim Yo Chjon KMP Markaziy Qoʻmitasining „yuqori martabali amaldori“ sifatida tanildi.

2014-yil yanvar oyida u KMPning 54-boʻlimi boshligʻi boʻldi, uning vazifalari qurolli kuchlarni moddiy taʼminlashni oʻz ichiga olardi. Xuddi shu yili u Oliy xalq majlisi deputati etib saylandi[11].

Kim Yo Chjon 2018-yildagi Tinchlik uyidagi muzokaralarda

2014-yil oktabr oyida, ommaviy axborot vositalarining xabarlariga koʻra, u bir oydan koʻproq vaqt davomida jamoatchilikka koʻrinmagan va davolanayotgan kasal akasining davlat vazifalarini oʻz zimmasiga olgan[12][13].

2014-yil 27-noyabrda u KMP Markaziy Qoʻmitasining tashviqot va tarğibot boʻlimi direktorining birinchi oʻrinbosari etib tayinlandi. 2015-yil iyul oyida xabarlarga koʻra, u amalda boʻlim boshligʻi, Kim Ki Nam esa nomzod direktor boʻlgan. U, shuningdek, vazir oʻrinbosari lavozimini egallaydi va muntazam ravishda Kim Chen Inga safarlarida hamrohlik qiladi.[14] Aytishlaricha, u mamlakatda bobosi Kim Ir Senga taqlid qilingan holda akasining shaxsiga sigʻinishning rivojlanishiga hissa qoʻshgan. KXDRdan qochgan va sobiq diplomat Tae Yunxo 2017-yilda Kim Yo Chjon mamlakatdagi barcha yirik ommaviy tadbirlarni uyushtirishini maʼlum qilgan[15][16]

2017-yil yanvar oyida u KXDRda inson huquqlari buzilgani uchun AQSh moliya vazirligining „qora roʻyxati“ga kiritilgan[17]

2017-yilda u KMP Markaziy Qoʻmitasi Siyosiy byurosi aʼzoligiga nomzod etib tayinlandi. U ushbu lavozimga tayinlangan ikkinchi ayol boʻldi[18].

Kim Yo Chjon 2018-yilgi qishki Olimpiya oʻyinlarining ochilish marosimida

2018-yil 9-fevral kuni Kim Yo Chjon Koreya Respublikasining Pxyonchxan shahrida 2018-yilgi Qishki Olimpiya oʻyinlarining ochilish marosimida ishtirok etdi. Bu Koreya urushidan keyin hukmron Kim sulolasi vakilining Janubiy Koreyaga birinchi marta tashrif buyurishi edi[19]. U 10-fevral kuni Janubiy Koreya prezidenti Mun Chje In bilan uchrashuvda qatnashdi va unga Kim Chen Inning maxsus elchisi sifatida akasining shaxsiy maktubini topshirdi[20]. U Kim Chen Inga 2018-yil iyun va 2019-yil fevral oylarida KXDR-AQSh sammitida[21] hamroxlik qildi. 2020-yil mart oyida u rasmiy bayonot bilan chiqib, unda janubning harbiy mashgʻulotlar oʻtkazilishidan xavotir bildirayotganini maʼlum qildi.[22]

Seuldagi Dongguk universitetining Shimoliy Koreya boʻyicha professori Kim Yon Xyonning soʻzlariga koʻra, Kim Yo Chjon va boshqalarning lavozimga tayinlanishi „Kim Chen In rejimi avvalgi Kim Chen Irdan qolgan amaldorlari bilan aloqalarni uzganidan dalolatdir va partiyadagi asosiy lavozimlarda avlodlarni almashtirish sodir boʻlmoqda“[23].

Kim Yo Chjon 2019-yilgi parlament saylovlarida Oliy xalq majlisi deputati etib saylanadi. Biroq, u 2019-yilgi saylovlardan biroz oldin, ehtimol, kimningdir oʻlimi bilan bogʻliq ravishda eʼlon qilinmagan qoʻshimcha saylovlar natijasida Assambleyaga kirgazilgan boʻlishi mjmkin.[24][25] Oʻsha yilning aprel oyida u qisqa muddatga partiya Siyosiy byurosidan chiqarib yuboriladi, keyin esa 2020-yil aprel oyida qayta tiklanadi[26].

2020-yil 21-aprelda CNN va Daily NK telekanallari AQSh va Koreya Respublikasidagi razvedka manbalariga tayanib, Kim Chen Inning sogʻligʻi yomonlashgani haqida xabar berishdi. 22-aprel kuni Yaponiyaning Asahi gazetasi Kim Yo Chjon 2019-yil oxirida Kim Chen In tashabbusi bilan va KXDRning ogʻir kasalligi fonida mamlakatning ikkinchi shaxsi lavozimiga nomzodi ilgari surilgani va u rahbar sifatida davlatni boshqarishi mumkinligi[27] haqida xabar berdi.

Manbalar[tahrir | manbasini tahrirlash]

  1. „김여정(여성)“ (ko). 통일부. Qaraldi: 6-mart 2021-yil.
  2. 2,0 2,1 Kim Yo Jong
  3. „Impact Player: Kim Yo-Jong“ (en). Center for Strategic and International Studies (25-mart 2014-yil). Qaraldi: 2-may 2020-yil.
  4. Specially Designated Nationals and Blocked Persons List. Office of Foreign Assets Control, 2021 — 756 bet. 
  5. North Koreaʼs New Propagandist?
  6. Abducteeʼs daughter is favorite of Kim’s sister
  7. Kim Jong Unʼs Little Sister Married Son of Top Regime Official, Report Says
  8. NK leader’s sister weds son of Choe Ryong-hae: sources
  9. Kim Jong-unʼs Sister to Have Baby in May
  10. NORTH KOREA NEWSLETTER NO. 237 (22-Nov. 2012-yil)
  11. Semeyniy podryad: chto izvestno o sestre Kim Chen Ina i eyo novom gosudarstvennom naznachenii
  12. Has Kim Yo-Jong Taken Over For Kim Jong Un? Sister Assumes North Korea State Duties While Brother Undergoes Medical Treatment
  13. KNDR pod vlastyu jenщini: chego jdat ot Kim Yo Chjon
  14. N. Koreaʼs Kim Jong-Un executed 15 top officials: S. Korea spy agency
  15. Sister helps Kim strut his stuff as key missile test looms
  16. Meet Kim Yo-jong, the sister who is the brains behind Kim Jong-unʼs image
  17. U.S. blacklists North Korean officials over rights abuses
  18. Kim Jong Un praises nuclear program, promotes sister
  19. Pence skips Olympics dinner in snub to North Korean officials
  20. South Korean president invited to North Korea
  21. Kim Jong Un meets PM Lee ahead of Trump-Kim summit, archived from the original on 2019-09-10, https://web.archive.org/web/20190910140826/https://www.channelnewsasia.com/news/singapore/kim-jong-un-meets-pm-lee-ahead-of-trump-kim-summit-10414948, qaraldi: 2021-12-20 Kim Yo-jong]]
  22. Kim Jong Un sister’s first official remarks hint at higher status
  23. Kim Jong-unʼs sister sits just yards from the North Korean leader during speech in latest sign of her rise in status as dictator tightens his family’s grip on power
  24. North Korea election: Surprise as leader Kim Jong-un 'not on ballot
  25. 북 김정은, 최고인민회의 대의원 처음 빠져
  26. (3rd LD) N.K. leader holds politburo meeting to discuss anti-virus measures
  27. SMI: sestra Kim Chen Ina vidvinulas na rol „cheloveka nomer dva“ v KNDR