Kaliforniya vodiysi

Kaliforniya vodiysi -AKSH ning jan.-gʻarbidagi botiq. Sharkda Syerra-Nevada va gʻarbda Qirgʻoqboʻyi tizmalari bilan chegaralangan. Uz. 800 km, kengligi 80 km gacha. Mayd. 47 ming km². Kelib chiqishiga koʻra, tektonik bukilma. Yer yuzasi tekis, bal. 20–160 m. Kalin choʻkindi jinslar bilan qoplangan. Asosiy daryolari — Sakramento va San-Xoakin. Bahorda toʻlib oqadi. Iqlimi subtropik, oʻrta dengiz tipli, kontinental. Yillik oʻrtacha yogʻin 150 mm dan (shim.da) 1000 mm gacha (jan.da). Subtropik dasht va chala choʻl landshafti ustun. Sugʻorish kanali koʻp. Mevachilik va tokchilik, dehqonchilik r-ni. Jan.da chorvachilik rivojlangan. Yirik shaharlari — Sakramento, Stokton, Fresno. Jan.da katta neft konlari bor (1860 y.dan neft olinadi).