KXDR fuqarolik pasporti

Vikipediya, ochiq ensiklopediya
Koreya Xalq Demokratik Respublikasi fuqarolik pasporti
Turi pasport
Kim tomonidan berilgan KXDR bayrogʻi Immigratsiya byurosi, Tashqi ishlar vazirligi
Yaponiya bayrogʻi Yaponiyadagi Koreya fuqarolarining Yaponiya umumiy assotsiatsiyasi
Ilk chiqishi 1950-yillarda
Maqsad shaxsni tasdiqlash
Muvofiqligi KXDR fuqaroligi
Yaroqlilik muddati turiga bogʻliq

KXDR fuqarolik pasporti Koreya Xalq Demokratik Respublikasining ayrim fuqarolariga beriladigan rasmiy hujjatdir. Shimoliy koreyaliklarning aksariyati oʻz mamlakatini tark etish imkoniyatiga ega boʻlmagani uchun KXDR pasportlari kamdan-kam hollarda beriladi[1].

Tarixi[tahrir | manbasini tahrirlash]

The Korean Empireʼs travel passport issued in 1905.

Koreya yarim orolining eng qadimgi pasportlari 1902-yilda Koreya imperiyasi tomonidan ikki xil, savdo pasporti va sayohat pasporti bilan chiqarilgan. Pasportlarda xitoycha matn, shuningdek ingliz va fransuz tarjimalari mavjud.

Shimoliy Koreya pasportlari birinchi marta 1950-yillarda koreys, rus va xitoy tillarida chiqarilgan, hozirgi pasportida faqat koreys va ingliz tillari mavjud[2].

Ustki koʻrinishi[tahrir | manbasini tahrirlash]

KXDR pasporti muqovalari toʻq koʻk rangda, markazida Koreya Xalq Demokratik Respublikasi Davlat gerbi tasvirlangan. Gerbning tepasida „조선민주주의인민공화국“ (koreyscha) va „DEMOCRATIC PEOPLEʼS REPUBLIC OF KOREA“ (inglizcha) soʻzlari, quyida „려권“ va „PASSPORT“ soʻzlari yozilgan. 려권 (ryŏgwon) soʻzi „pasport“ degan maʼnoni anglatadi, Janubiy Koreya pasportida esa 여권 (yŏgwon) deb yozilgan boʻlib, u ham „pasport“ maʼnosini bildiradi. Har ikki soʻz ham hanjada 旅券 sifatida yozilgan xitoy-koreys soʻzlaridir, lekin faqat Janubiy Koreyada mavjud boʻlgan dastlabki tovush qoidasi tufayli ular boshqacha yoziladi.

KXDR fuqarolik pasportlarining turlari[tahrir | manbasini tahrirlash]

  • Oddiy pasport — KXDR fuqarosiga rasmiy sabablarga koʻra chet elga chiqish yoki kasbiy, sport va akademik musobaqalarda qatnashish yoki xizmat safari uchun beriladigan pasport. KXDRga qaytgach, pasport Tashqi ishlar vazirligi tomonidan musodara qilinadi.
  • Xizmat pasporti — savdo va mansabdor shaxslarga xorijga chiqish uchun boshqa xoʻjalik ishlari uchun beriladi.
  • Diplomatik pasport — KXDR Tashqi ishlar vazirligi, Koreya Mehnat partiyasi va unga boʻysunuvchi boshqa xizmatlarning yuqori mansabdor shaxslariga beriladi. Boshqa mansabdor shaxslardan faqat vazir oʻrinbosarlari va yuqori mansabdagi shaxslar diplomatik pasport olishlari mumkin.

Xizmat va diplomatik pasportlar qaytarib berilishi va pasport idorasida qolishi kerak, chet elga keyingi safarlar uchun uni qayta rasmiylashtirishi mumkin. Oddiy pasport hech qachon maxsus ruxsatisiz berilmaydi va barcha egalari chet elga chiqish uchun chiqish vizasiga murojaat qilishlari kerak.

Tarkibi[tahrir | manbasini tahrirlash]

KXDR fuqarosining pasportida qoʻlda yozilgan ikkita shaxsiy sahifa mavjud. Birinchi sahifa pasport egasining shaxsini belgilaydi va quyidagi maʼlumotlarni oʻz ichiga oladi:

  1. Pasport raqami.
  2. Toʻliq ism (koreys va ingliz tillarida).
  3. Tugʻilgan sana (YY-MM-DD).
  4. Tugʻilgan joyi.
  5. Millati.
  6. Pasportning amal qilish muddati (5 yil).
  7. Yaroqlilik muddati (YY-MM-DD).
  8. Chiqarilgan sana (YY-MM-DD).

Ikkinchi sahifa rasmiy tasdiqlash uchun.

Pasportdagi yozuvlar[tahrir | manbasini tahrirlash]

Pasportda quyidagi yozuv mavjud:

Koreys tilida:

이 려권소지자는 조선민주주의인민공화국의 보호를 받습니다. 이 려권소지자를 지장없이 통과시켜 주며 그에게 필요한 편의와 보호를 베풀어 줄것을 모든 관계자들에게 요청하는 바입니다.

Inzgliz tilida:

The holder of this passport is under protection of the Democratic Peopleʼs Republic of Korea. All those whom it may concern are hereby requested to allow the holder to pass freely without let or hindrance, and to afford the holder with assistance and protection as may be necessary.

Tarjimasi:

Ushbu pasport egasi Koreya Xalq Demokratik Respublikasi himoyasida. Barcha shaxslardan pasport egasining hech qanday toʻsiqlarsiz erkin harakatlanishiga ruxsat berishlari, zarur hollarda unga yordam va himoya bilan taʼminlashlari soʻraladi.
Shimoliy Koreya fuqarolari uchun viza talablari
  Shimoliy Koreya
  Vizasiz kirishga ruxsat
  Kelgandan keyin olinadigan viza
  eVisa
  Viza kelganda ham, onlayn rejimida ham mavjud
  Viza talab qilinadi

Galereya[tahrir | manbasini tahrirlash]

Manbalar[tahrir | manbasini tahrirlash]

  1. Fyodor Tertitskiy. „North Korea's passports, and how they use them“. NK News (29-dekabr 2014-yil).
  2. „North Korea's passports, and how they use them“. North Korea News (29-dekabr 2014-yil).