John Maynard Keynes

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish

KEYNS (Keynes) Jon Meynard (1883.5.6, Kembrij - 1946.21.4, Suseks grafligi, Tilton qishlogʻi) — ingliz iqtisodchisi, davlat arbobi, keynechilik asoschisi. Kembrij universitetini tugatgan (1906). 1908-yildan to umrining oxirigacha shu universitetda dars berdi (1920-yildan professor), ayni paytda bir qator maʼmuriy lavozimlarda ishladi. Britaniya xazinasi xodimi (1915—19), Angliya banki direktorlaridan biri (1942-yildan), Bretton—Vuds konferensiyasida (qarang Bretton—Vuds bitimi) Angliyaning bosh vakili (1944). 1912-yildan nazariy "Economic journal" ("Iqtisodiyot jurnali") muharriri boʻlgan.

Pul muomalasi va moliya, iqtisodiy oʻsish, bandlik sohalarida bir qator asarlar yaratdi ("Versal shartnomasining iqtisodiy oqibatlari", 1919; "Mister Cherchill siyosatining iqtisodiy oqibatlari", 1925; "Pul toʻgʻrisida risola", 1930 va boshqalar). K.ning asosiy gʻoyalari "Bandlik, foiz va pulning umumiy nazariyasi" (1936) asarida bayon etilgan. K. bozor iqtisodiyotini davlat tomonidan tartibga solishning zarurligi I va davlat iqtisodiy siyosatining asosiy tamoyillarini asoslab berdi. K. qarashlari 2-jahon I urushi va undan keyingi davrda koʻpgina Gʻarb mamlakatlari (ayniqsa, AQSH va Buyuk Britaniya)da davlat iqtisodiy siyosatining nazariy asosiga aylandi (qarang Keynechilik, Neokeynschilik).[1]

Manbalar[tahrir | manbasini tahrirlash]

  1. OʻzME. Birinchi jild. Toshkent, 2000-yil