Jahon iqtisodiyoti va diplomatiya universiteti

Jahon Iqtisodiyoti va Diplomatiya Universiteti
(JIDU)
Jahon Iqtisodiyoti va Diplomatiya Universiteti ; (JIDU)
	Fayl:JIDU O'zbekiston Respublikasida joylashgan eng sifatli ta'lim beruvchi universitetlardan biri bo'lish bilan bir qatorda, unga kirishdagi raqobat jarayoni bilan va bakalavrga kirish imtihonlari 2 bosqichdan iborat ekanligi bilan ajralib turadi.
Xalqaro nomi	The university of World Economy and Diplomacy
Asos solingan	1992-yil
Oʻquv yurti turi	Universitet
Sohasi	Universitet asosan iqtisodiyot, huquq va siyosat yo'nalishiga ixtisoslashgan kadrlarni tayyorlashga ixtisoslashgandir
Rektori	Sodiq Safoyev
Talabalari	1300
Fakultetlar	3
Bakalavriat	4 yil
Magistratura	1 yil
Akademiklar	2 ta
Fan doktorlari	20 ta
Manzili	Mustaqillik shoh koʻchasi 54, Toshkent shahri 100077, Oʻzbekiston
Vebsayti	www.uwed.uz

Koordinatalari: 41°19′26.399999999993″N 69°19′15.599999999993″E / 41.32399999999999807°N 69.32099999999999795°E^G O

Jahon iqtisodiyoti va diplomatiya universiteti — xalqaro iqtisodiy munosabatlar, xalqaro huquq, xalqaro munosabatlar sohasida mutaxassislar tayyorlaydigan Oʻzbekistondagi oliy oʻquv yurti va yirik ilmiy markaz. Oʻzbekiston Respublikasi Tashqi ishlar vazirligiga qaraydi. Toshkent shahrida joylashgan. 1992-yil 23-sentabrda tashkil etilgan. Tarkibida xalqaro iqtisodiy munosabatlar, xalqaro huquq, xalqaro munosabatlar fakultetlari, 25 kafedra, til markazi (jahon tillari, fransuz tili, nemis tili, oʻzbek tili kafedralari bilan), kompyuter; testlar; „Maʼnaviyat va maʼrifat“ markazlari; boshqaruv instituti; tahrir va nashriyot boʻlimi; „Biznes olami“ va „Ziyokor“ oʻquv markazlari, „Internet“ klubi va yuridik klinika faoliyat yuritadi. Jahon iqtisodiyoti, xalqaro iqtisodiy munosabatlar, xalqaro huquq sohalari, siyosiy va ijtimoiy muammolar, diplomatiya va boshqa ixtisosliklar boʻyicha mutaxassislar tayyorlaydi. Universitet ilmiy kutubxonaga ega (300 ming asar). Universitetda oʻquv ishlariga xorijiy mamlakatlardan professorlar, amaliyotchi mutaxassislar taklif qilinadi, zamonaviy kompyuter texnologiyasidan keng foydalaniladi. Universitetda BMT, UNESCO, TASISning Toshkentdagi vakolatxonasi xodimlari, xorijiy davlat arboblari, diplomatlari, Oʻzbekistondagi chet mamlakatlar elchixonalari vakillari bilan uchrashuvlar oʻtkaziladi. Oʻquv qoʻllanmalari, dasturlar, ilmiy va uslubiy qoʻllanmalar chop etadi, „Xalqaro munosabatlar“ jurnali nashr etiladi.^[1]

Rektorlar[tahrir | manbasini tahrirlash]

1992-1998 — Saidmuxtor Saidqosimov^[2]
1998-2003 — Abdulaziz Komilov
2003-2005 — Sodiq Safoyev
2005-2009 — Hamidulla Karomatov
2009-2011 — Rustam Qosimov
2011-2014 — Nodir Jumayev
2014-2017 — Abdumalik Jumanov
2017-2020 — Abdujabbor Abduvohidov
2020-2021 — Komiljon Karimov
2021-yildan — Sodiq Safoyev

Bakalavriat yoʻnalishlari[tahrir | manbasini tahrirlash]

#	Shifr	Taʼlim yoʻnalishi nomi
1	5233500	Xalqaro iqtisodiyot va menejment (mintaqalar va faoliyat yoʻnalishlari boʻyicha)
2	5210300	Siyosatshunoslik^[3]
3	5240107	Yurisprudensiya (xalqaro huquqiy faoliyat)

Magistratura yoʻnalishlari[tahrir | manbasini tahrirlash]

#	Shifr	Taʼlim yoʻnalishi nomi
1	5A121102	Xalqaro munosabatlar va jahon siyosati
2	5A210301	Amaliy siyosatshunoslik
3	5A231102	Tashqi iqtisodiy faoliyat (tarmoqlar va faoliyat yoʻnalishlari boʻyicha)
4	5A233501	Xalqaro iqtisodiyot va menejment (mintaqalar va faoliyat yoʻnalishlari boʻyicha)
5	5A240105	Xalqaro huquq (sohalar boʻyicha)
6	5A240111	Xalqaro biznes huquqi
7	5A611501	Gid hamrohligi va tarjimonlik faoliyati (tillar boʻyicha)^[4]