Istixora namozi

Istixora (baʼzan istihora ham deyiladi; arabcha: الاستخارة) — ikki rakaatdan iborat namoz. Ushbu namozdan so'ng musulmon kishi Allohdan maʼlum bir masala boʻyicha toʻgʻri qaror qabul qilishda yordam berishini soʻraydi.

Tartibi

Istixora ikki rakat nafl namoz kabi oʻqiladi va uyidagi duo bilan tugaydi:

Allohim, Sening ilming bilan Sendan yaxshilik soʻrayman. Sening qudrating bilan Sendan qodirlik va ulugʻ fazlingni soʻrayman. Sen (har narsaga) qodirsan, men qodir emasman. Sen (har narsani) biluvchisan, men bilmayman. Sen gʻaybni biluvchisan.

Ey Robbim, agar mana shu qilayotgan ishim (hojatining nomini aytadi) dinimda, yashashimda, ishlarimning oqibatida, dunyo va oxiratimda men uchun yaxshi boʻlsa, uni menga nasib et va oson qil. Soʻng uni menga barakotli qil.

Agar mana shu ishim (hojatining nomini aytadi) dinimda, yashashimda, ishlarimning oqibatida, dunyo va oxiratimda men uchun yomon boʻlsa, mendan uni uzoqlashtir, (undan meni uzoqlashtir) qayerda boʻlsa ham, men uchun yaxshilikni taqdir qil va meni undan rozi et.)

Oʻzbekcha tranksipsiyasi 

Allohumma inniy astaxiyruka biʼilmika va astaqdiruka biqudrotika va as‘aluka min fazlikal ʼaziym. Fainnaka taqdiru va la aqdiru va taʼlamu va la aʼlamu va anta ʼallamul g‘uyub.
Allohumma in kunta taʼlamu anna hazal amro xoyrun liy fiy diyniy va maʼashiy va ʼaqibati amriy, ʼajili amriy va ojilihi, faqdurhu liy va yassirhu liy, summa barik liy fiyhi

Va in kunta taʼlamu anna hazal amro sharrun liy fiy diyniy va maʼashiy va ʼaqibati amriy, ʼajili amriy va ojilihi fasrifhu ʼanniy vaqdurlil xoyro haysu kana summa rozziniy bih

Orginal matn ^(ar.)  

اللهم إني أستخيرك بعلمك وأستقدرك بقدرتك وأسألك من فضلك العظيم فإنك تقدر ولا أقدر وتعلم ولا أعلم وأنت علام الغيوب
اللهم إن كنت تعلم أن هذا الأمر خير لي في ديني ومعاشي وعاقبة أمري فاقدره لي ويسره لي ثم بارك لي فيه
وإن كنت تعلم أن هذا الأمر شر في ديني ومعاشي وعاقبة أمري فاصرفه عني واصرفني عنه واقدر لي الخير حيث كان ثم ارضني به

Istixoro namozining tavsifi Jobir ibn Abdulloh as-Salamiydan al-Buxoriy, at-Termiziy, an-Nasoiy, Abu Dovud, Ibn Moja va Ahmad ibn Hanbal kabi hadisshunoslar rivoyat qilgan

Adabiyotlar

• "Encyclopaedia of Islam (12 vols.)" (2nd nashri). Leiden: E. J. Brill. 1960–2005. https://referenceworks.brillonline.com/search?s.q=&s.f.s2_parent=s.f.book.encyclopaedia-of-islam-2&search-go=Search.