Isabel Newstead

Isabel Newstead
Medal soni
GBR Buyuk Britaniya vakili
Paralimpiya oʻyinlari
Ayollar para suzish
Ayollar otish para sporti
Ayollar yengil atletika para sporti

Isabel Newstead
Isabel Newstead
Shaxsiy maʼlumotlari
Jinsi	Ayol
Tavallud paytidagi ismi	Isabel Barr
Tavallud sanasi	1955-yil 3-may; Glazgo, Shotlandiya
Vafot sanasi	2007-yil 18-yanvar
Mukofotlar	Buyuk Britaniya Imperiyasi ordeni aʼzosi
Sport
Qaysi sport	para-suzish; yengil atletika; oʻq otish
Medallar
Medal soni
GBR Buyuk Britaniya vakili
Paralimpiya oʻyinlari
Ayollar para suzish
Ayollar otish para sporti
Ayollar yengil atletika para sporti

Isabel Newstead, (qizlik familyasi: Barr; 1955-yil 3-may – 2007-yil 18-yanvar) - 1980-yildan 2004-yilgacha ketma-ket yettita Paralimpiya oʻyinlarida qatnashgan britaniyalik paralimpiya sportchisi edi. Isabel Newstead uch xil sport turi boʻyicha umumiy hisobda oʻnta oltin, toʻrtta kumush va toʻrtta bronza medalini qoʻlga kiritgan^[1]. U 2008-yilda Shotlandiya sport shon-shuhrat zaliga kiritilgan^[2].

Faoliyati

Isabel Barr Glazgoda (Shotlandiya) tugʻilgan^[3]. Oʻn toʻqqiz yoshida gripp virusi uning orqa miyasiga zarar yetgan va bu oxir-oqibat tetraplegiyaga, yaʼni toʻrt aʼzoning qisman yoki toʻliq falaj boʻlishiga olib kelgan^[1]^[3]. Kasallanishidan oldin Isabel Newstead mintaqaviy miqyosda musobaqalarda qatnashgan va reabilitatsiyasining bir qismi sifatida suzishni davom ettirgan^[4]. Port Glazgo Otters suzish klubida qatnashayotganda uning faoliyatini Britaniya paraplegik suzish jamoasi payqaydi^[3]. Isabel Newstead 70-yillarning oxirlarida tizimlar tahlilchisi sifatida ishlash uchun Essexdagi Harlowga koʻchib oʻtadi^[1].

Oʻzining birinchi 1980-yili Arnhemda boʻlib oʻtgan Yozgi Paralimpiya oʻyinlarida Isabel Newstead suzish havzasida uchta oltin medalni qoʻlga kiritdi^[2]. 1984-yili Stock Mandevilleda boʻlib oʻtgan Yozgi Paralimpiya oʻyinlarida u havzada uchta oltin va bitta kumush medalni qoʻlga kiritdi^[2]. Shuningdek, Isabel Newstead pnevmatik miltiqdan otish musobaqasida oltin medalni, shuningdek, yadro uloqtirish va disk uloqtirish musobaqalarida kumush medallarga sazovor boʻlgan^[2].

Isabel Newstead sogʻligʻi bilan bogʻliq muammolar tufayli 1988-yili Seulda boʻlib oʻtgan Yozgi Paralimpiya oʻyinlaridagi suzish musobaqalarida qatnashmadi^[3]. Biroq, u yadro uloqtirish musobaqasida kumush medalni va pnevmatik miltiqdan otish va nayza uloqtirish musobaqalarida ikkita bronza medalni qoʻlga kiritdi^[2]. U Seul oʻyinlaridan keyin John Newsteadga turmushga chiqdi va undan oldin Isabel Barr nomi bilan musobaqalarda qatnashgan edi^[4].

Isabel Newstead 1992-yili Barselonada va 1996-yili Atlantada boʻlib oʻtgan Yozgi Paralimpiya oʻyinlarida qatnashgan, ammo hech qanday medal qoʻlga kirita olmagan^[4]. Barselonada uning murabbiyining xatosi tufayli u dastlabki bosqichlardan keyin yetakchilik qilayotgan bir musobaqaning finalini oʻtkazib yuboradi. Atlantada ochilish marosimi arafasida Isabel Newstead nogironlar aravachasidan yiqilib tushib, sonini sindirib oladi va jarrohlik amaliyoti oʻtkazishga toʻgʻri keladi^[4]. Shu sababli u musobaqalarda qatnasha olmaydi va Pralimpiyani medallarsiz yakunlaydi^[4].

2000-yili Sidneyda boʻlib oʻtgan Yozgi Paralimpiya oʻyinlarida Isabel Newstead pnevmatik miltiqdan otish SH1 toifasida oltin medalni qoʻlga kiritgan^[4]. U toʻrt yildan soʻng 2004-yili Afinada boʻlib oʻtgan Yozgi Paralimpiya oʻyinlarida oʻz unvonini himoya qildi va jahon rekordini oʻrnatdi^[1]^[4]. 2001-yilgi Yangi yil mukofotlarida Isabel Newstead „nogironlar sportiga qoʻshgan hissasi uchun“ Buyuk Britaniya Imperiyasi ordeni aʼzosi etib tayinlandi^[5].

2006-yilda Isabel Newsteadga saraton kasalligi tashxisi qoʻyildi va 2007-yil yanvar oyida vafot etdi^[4]. U oʻsha vaqtda Pekindagi oʻyinlarda ishtirok etish uchun tayyorlanayotgan va xitoy tilini oʻrganish bilan mashgʻul edi^[4].

Mukofotlari

Isabel Newstead 2018-yilda Shotlandiyalik ayollar sport shon-shuhrat zaliga kiritilgan^[6].

Yana qarang

Manbalar

↑ ^1,0 ^1,1 ^1,2 ^1,3 „Isabel Newstead“. The Scotsman (2007-yil 26-yanvar). 2013-yil 24-iyulda asl nusxadan arxivlangan. Qaraldi: 2013-yil 24-iyul.
↑ ^2,0 ^2,1 ^2,2 ^2,3 ^2,4 „Isabel Newstead“. Scottish Sports Hall of Fame (2008). 2013-yil 24-iyulda asl nusxadan arxivlangan. Qaraldi: 2013-yil 24-iyul.
↑ ^3,0 ^3,1 ^3,2 ^3,3 „Isabel Newstead“. Scottish Disability Sport (2007). 2013-yil 25-iyulda asl nusxadan arxivlangan. Qaraldi: 2013-yil 24-iyul.
↑ ^4,0 ^4,1 ^4,2 ^4,3 ^4,4 ^4,5 ^4,6 ^4,7 ^4,8 „Isabel Newstead“. British Paralympic Association. 2014-yil 8-yanvarda asl nusxadan arxivlangan. Qaraldi: 2016-yil 13-sentyabr.
↑ Andoza:London Gazette
↑ „Scottish Women in Sport Hall of Fame gets 8 new inductees“ (en). The National (2018-yil 13-may). 2023-yil 24-avgustda asl nusxadan arxivlangan. Qaraldi: 2021-yil 23-sentyabr.

Havolalar

[scotsman-1] 1,0 ^1,1 ^1,2 ^1,3 „Isabel Newstead“. The Scotsman (2007-yil 26-yanvar). 2013-yil 24-iyulda asl nusxadan arxivlangan. Qaraldi: 2013-yil 24-iyul.

[sshf-2] 2,0 ^2,1 ^2,2 ^2,3 ^2,4 „Isabel Newstead“. Scottish Sports Hall of Fame (2008). 2013-yil 24-iyulda asl nusxadan arxivlangan. Qaraldi: 2013-yil 24-iyul.

[SDS-3] 3,0 ^3,1 ^3,2 ^3,3 „Isabel Newstead“. Scottish Disability Sport (2007). 2013-yil 25-iyulda asl nusxadan arxivlangan. Qaraldi: 2013-yil 24-iyul.

[BPA-4] 4,0 ^4,1 ^4,2 ^4,3 ^4,4 ^4,5 ^4,6 ^4,7 ^4,8 „Isabel Newstead“. British Paralympic Association. 2014-yil 8-yanvarda asl nusxadan arxivlangan. Qaraldi: 2016-yil 13-sentyabr.

[5] Andoza:London Gazette

[6] „Scottish Women in Sport Hall of Fame gets 8 new inductees“ (en). The National (2018-yil 13-may). 2023-yil 24-avgustda asl nusxadan arxivlangan. Qaraldi: 2021-yil 23-sentyabr.

[1]

[2]

[3]

[4]

[5]

[6]