Interpol (guruh)

Vikipediya, ochiq ensiklopediya
Interpolning Las Vegasdagi konsert dasturi. 2005-yil 19-sentabr

Interpol — indie-rok va post-pank uslublarida qoʻshiq kuylovchi guruh hisoblanadi. 1997-yilda Nyu-Yorkda tashkil etilgan guruh toʻrtta musiqachidan iborat edi: Pol Banks (vokal, gitara), Daniel Kessler (gitara), Karlos Dengler (bas gitara, klaviatura) va Sem Fogarino (baraban). 2000-yilda Sem Fogarino kelguniga qadar guruhning barabanchisi Greg Drudi edi. Karlos Dengler oʻz faoliyati bilan 2010-yilda xayrlashganidan beri guruh hozirgacha uch kishidan iborat.

Interpol koʻpincha Joy Division, shuningdek, „The Strokes“ va „The Chameleons“ va ularning 2002 yilda chiqarilgan „Turn on the Bright Lights“ debyut albomi bilan 2000-yillarning „Rolling Stone“ ning 100 ta eng yaxshi albomi bilan taqqoslangan[1][2]. Quyidagi albomlar „Antics“ (2004) va „Our Love to Admire“ (2007) ham Interpolning muvaffaqiyatini qoʻllab-quvvatladi. 2010-yilda guruhning oʻz nomi bilan atalgan toʻrtinchi albom chiqqan. „El Pintor“ nomli beshinchi albomi 2014-yilning kuzida chiqqan.

Guruh tarixi[tahrir | manbasini tahrirlash]

1997-1998 yillar: shakllanishi[tahrir | manbasini tahrirlash]

Interpol tarixi gitarachi Daniel Kessler bilan boshlangan — aynan u Angliyada tugʻilgan, ammo umrining koʻp qismini Nyu-Yorkda oʻtkazgan guruh asoschisi hisoblanadi. „Men jasorat boʻlmagan joydan keldim. Agar men musiqaga qadam qoʻymasam va oʻzimga qoʻshiladigan guruhni topmasam, bu men uchun juda achinarli yakunlanishini tushunishim uchun uzoq vaqt kerak boʻldi. Menda hech qachon megalomaniya boʻlmagan, lekin qoʻshiqlar yozayotganimda, ular juda shaxsiy boʻlsa-da va hech kim eshitmagan boʻlsa ham, men buni qilishga harakat qilishim kerakligini bilardim“- deb taʼkidlab oʻtadi oʻzining intervyusida[3]. Interpol guruhi 1998-yilda ish boshlaganiga qaramay, Daniel Kesslerning fikricha, u bir yil oldin tuzilgan. Uning fikricha, musiqachilar umumiy manfaatlar tufayli emas, balki shunchaki oʻz xohishiga koʻra guruh yigʻish uchun yigʻilishgan. Nyu-York universitetida oʻqiyotganda Daniel barabanchi Greg Drudi bilan allaqachon doʻst edi, ular yotoqxonada birga boʻlishgan hamda birga oʻynashni yaxshi koʻrishgan edi. Falsafa boʻyicha maʼruzalaridan birida Daniel Karlos Dengler bilan uchrashdi va u bir muncha vaqt gitara chalayotganini bilib olgan.

2000-2005: „Matador Records“ bilan hamkorligi[tahrir | manbasini tahrirlash]

Pol Banks, 2005-yilda Daniyada. Interpol kontsertida bosh vokalchi va gitarachi

2000-yilda guruh oʻzining birinchi studiyaviy nashrini — Chemikal Underground musiqiy yorligʻida yozilgan „Fukd ID # 3“ mini-albomini chiqardi. „Fukd ID № 3“ ning chiqarilishidan keyin, barabanchi Greg Drudining Interpolni tark etganidan soʻng guruh boʻlinib ketgan[4]. Musiqachilarning soʻzlariga koʻra, oʻshandan beri Greg nafaqat ular bilan yomon munosabatda boʻlib qolgan — ular shunchaki yoʻllaridan ajralishgan[5]. Guruhga yangi barabanchi kerak edi, lekin u tezda topildi: Daniel Kessler Interpol bir necha marta tashrif buyurgan rekordlar doʻkoni xodimi Sem Fogarinoga qoʻngʻiroq qildi va muammono hal qildi[6].

2003-yil oxirida muvaffaqiyatli Interpol guruhi ikkinchi albomini yozish uchun „Matador Records“ bilan birlashdi. „Antics“ deb nomlangan va 2004-yil 28-sentabrda chiqarilgan ushbu albom guruhning mashhurligini qoʻllab-quvvatladi hamda Qoʻshma Shtatlarda taxminan 488 000 000 nusxada sotilgan edi[7][8]. „Antics“ chiqqandan keyin, Interpol jahon kontsert gastrollariga chiqdi. Gastrol davomiyligi taxminan 18 oyni tashkil etdi, uning davomida Interpol musiqachilari „U2“ va „The Cure“ guruhlari bilan sahnada oʻynash, shuningdek, serial uchun „Direction“ nomli sountrekni yozish imkoniyatiga ega boʻldilar.

2006-2007-yillar: Capitol Records va uchinchi albomi[tahrir | manbasini tahrirlash]

Soʻngi, uchinchi Interpol albomi birinchi marta vokalist Pol Benks tomonidan guruhning rasmiy veb-saytida eʼlon qilindi. Ammo, ularning „Matador Records“ bilan shartnomasi tugadi va guruh uchinchi albomi uchun yangi nashriyot topishga majbur boʻldi. 2006-yil 14-avgustda guruh oʻzining rasmiy veb-saytida yangi albomi „Capitol Records yirik yorligʻi tomonidan chiqarilishini eʼlon qildi. 1-sentabr kuni bu xabar avvalgi nashriyot „Matador Records“ tomonidan tasdiqlangan.

2008-2010: Toʻrtinchi albom va Karlos Denglerning ketishi[tahrir | manbasini tahrirlash]

„Our Love to Admire“ kontsert gastrolidan keyin musiqachilar tanaffus olib, boshqa loyihalarga murojaat qilishd. 2009-yil 6-mart kuni Interpol oʻzining rasmiy veb-saytida musiqiy faoliyatini davom ettirayotganliklarini eʼlon qildi va keyingi albomi uchun qoʻshiqlar ustida ishlayotganliklarini taʼkidlab oʻtdi. Musiqachilarning soʻzlariga koʻra, ularning yangi ijodlari juda „hayotiy“ boʻlib chiqdi hamda ular oʻzlarini „yangi guruh“ kabi his qilishdi[9].

2014-yil: El Pintor[tahrir | manbasini tahrirlash]

2014-yil 9-sentabrda Interpol „El Pintor“ nomli beshinchi studiyaviy albomini chiqarishga muvaffaq boʻldi[10]. 2014-yil noyabr oyida boʻlib oʻtgan kontsert gastroli chogʻida Interpol musiqachilari Buffaloda Shimoliy Amerikadagi qattiq sovuqlarga duchor boʻlgan koʻpchilik orasida boʻlgan edilar[11].

Guruh aʼzolari[tahrir | manbasini tahrirlash]

Hozirgi aʼzolari[tahrir | manbasini tahrirlash]

  • Pol Banks — vokal, gitara, bas, soʻzlar (1997-yildan beri)
  • Daniel Kessler — gitara, vokal (1997-yildan)
  • Sem Fogarino — barabanlar (2000-yildan beri)

Sobiq aʼzolar[tahrir | manbasini tahrirlash]

  • Greg Drudy — barabanlar (1997-2000)
  • Karlos Dengler — bas gitara, klaviatura (1997-2010)

Sessiya aʼzolari[tahrir | manbasini tahrirlash]

  • Erik Altesleben — klaviatura, vokal (2002-2003)
  • Frederik Blasko — klaviatura, vokal (2004-2005)
  • Devid „Farmer Deyv“ Cher — klaviatura, vokal (2007-2008)
  • Devid Payo — bas gitara (2010-2011)
  • Brandon Curtis — klaviatura, vokal (2010-yildan beri)
  • Bred Truax — bas gitara, bek-vokal (2011-yildan beri)

Diskografiya[tahrir | manbasini tahrirlash]

  • „Turn on the Bright lights“ (2002)
  • „Antics“ (2004)
  • „Our love to admire“ (2007)
  • „Interpol“ (2010)
  • „El Pintor“ (2014)
  • „Marauder“ (2018)
  • „The Other side of Make-Believe“ (2022)

Manbalar[tahrir | manbasini tahrirlash]

  1. ↑ David Everly „Our Love to Admire“.(ingl.) Statya v jurnale Q, iyul 2007.
  2. ↑ Interpol i Joy Division:
  3. ↑ Craig Mathieson. „Interpol's Apart“ (en). The Age (2008-yil 22-fevral). 2015-yil 25-mayda asl nusxadan arxivlangan. Qaraldi: 2015-yil 25-may.
  4. ↑ Мила Кравчук. „Interpol“ (ru). Music Library. 2015-yil 25-mayda asl nusxadan arxivlangan. Qaraldi: 2015-yil 25-may.
  5. ↑ Gordon Downs. „An Interview with Interpol“ (en). Impose Magazine (2007-yil 30-iyul). 2015-yil 25-mayda asl nusxadan arxivlangan. Qaraldi: 2015-yil 25-may.
  6. ↑ „Band Info“ (en). Interpol Online. 2012-yil 18-fevralda asl nusxadan arxivlangan. Qaraldi: 2012-yil 19-fevral.
  7. ↑ „Interpol“ (en). 2015-yil 25-mayda asl nusxadan arxivlangan. Qaraldi: 2015-yil 25-may.
  8. ↑ Gary Trust. „Ask Billboard: Roxette, Whitney Houston, Interpol“ (en). Billboard (2009-yil 16-yanvar). 2010-yil 10-yanvarda asl nusxadan arxivlangan. Qaraldi: 2010-yil 10-yanvar.
  9. ↑ „Interpol Begin Work On «Vital» Fourth Album“ (en) (2009-yil 9-mart). 2015-yil 26-mayda asl nusxadan arxivlangan. Qaraldi: 2015-yil 26-may.
  10. ↑ „El Pintor“ (en). 2015-yil 26-mayda asl nusxadan arxivlangan. Qaraldi: 2015-yil 26-may.
  11. ↑ Michelle Geslani. „Interpol have been Stranded On Buffalo Highway for 50 Hours Due to Record-breaking Snowstorm“ (en) (2014-yil 20-noyabr). 2015-yil 26-mayda asl nusxadan arxivlangan. Qaraldi: 2015-yil 26-may. 
"https://uz.wikipedia.org/w/index.php?title=Interpol_(guruh)&oldid=2828966" dan olindi