Ingichkabarmoq qoʻshoyoq

Ingichkabarmoq qoʻshoyoq (Spermophilopsis leptodactylus) — tiyinsimonlar oilasiga mansub kemiruvchi hayvon. Urugʻning yagona turi. Tanasining uz. 30 sm gacha, dumi 10 sm gacha. Juni oqish-qum rangida, dumi pastdan qora. Tirnoutri, ayniqsa oldingi oyogʻida uzun. Oʻrta Osiyo va Qozogʻistonda, Eron va Afgʻonistonning shim. qismida tarqalgan, qum tuproqli va soz tuproqli qumliklarda uchraydi. Yil davomida faol, yakka yashaydi. Oʻsimliklarning turli qismlari bilan oziqlanadi. Bir marta (baʼzan 2 marta) 3—7 tadan bolalaydi. Terisi uchun ovlanadi. Oʻlat va b. yuqumli kasallik qoʻzgʻatuvchilarini tarqatadi.