Ibrohim ibn al-Ashtar
| Ibrahim ibn al-Ashtar إبراهيم بن الأشتر | |
|---|---|
| Tavalludi |
tax. 642 Yaman, Arabiston |
| Vafoti |
691 (yoshi 48–49), oktyabr Dayr al-Jataliq |
| Fuqaroligi |
Roshidun xalifaligi (656–661) Al-Muxtor as-Saqafiy (685–687) Abdulloh ibn az-Zubayr (687–691) |
| Xizmatdagi yillari | 657–691 |
| Jang/urush | |
| Aloqa |
Molik al-Ashtar (otasi) Nu’man (oʻgʻli) Abdurahmon ibn Abdulloh al-Naxaʼiy (ona bir ukasi) |
| Isteʼfoda | Mosul hokimi (686–691) |
Ibrohim ibn Molik al-Ashtar ibn al-Horis an-Naxaʼiy (arabcha: إبراهيم بن مالك الأشتر بن الحارث النخعي; 691-yil oktyabrda vafot etgan), Ibrohim ibn al-Ashtar nomi bilan mashhur (arabcha: إبراهيم بن الأشتر) – arab qoʻmondoni, xalifa Ali (h. 656–661) xizmatida janglarda ishtirok etgan, keyinchalik Aliylar tarafdori al-Muxtor at-Saqafiyga xizmat qilgan. 686-yilda boʻlib oʻtgan Xazir jangida al-Muxtor qoʻshini boshchiligida Umaviylarga qarshi hal qiluvchi gʻalabaga erishgan va shu jangda Umaviy qoʻshini sarkardasi Ubaydulloh ibn Ziyod shaxsan Ibn al-Ashtar tomonidan oʻldirilgan.
Oilasi va yoshlik davri
[tahrir | manbasini tahrirlash]Ibrohim ibn al-Ashtar Molik al-Ashtar ibn al-Horisning oʻgʻli boʻlgan. Otasi Roshidun xalifaligi davrida xalifa Alining (h. 656–661) sodiq tarafdorlaridan boʻlgan[1]. Ularning oilasi Banu Naxa qabilasiga mansub boʻlgan, shu sababli ularning nomida „an-Naxaʼiy“ nisbası qoʻllanadi[2]. Banu Naxa esa oʻz navbatida yirik Madhhij qabilasining bir boʻlagi edi[2]. Ibrohimning onasi bir, otasi boshqa Abdurahmon ibn Abdulloh an-Naxaʼiy ismli ukasi boʻlib, u ham jangchi boʻlgan[2]. Ibrohim ham otasi kabi 657-yilda Siffin jangida Banu Umayyaga qarshi Ali bilan birga jang qilgani haqida maʼlumotlar mavjud[1].