Horun (arabcha: هارون) — Qurʼondazikri kelgan paygʻambarlardan biri. Musoning akasi. Alloh Musoni paygʻambar etib, unga Firʼavnnihidoyatga daʼvat qilish masʼuliyatini yuklaydi. Firʼavnga roʻbaroʻ boʻlib uni imonga, toʻgʻri yoʻlga daʼvat etish kishidan shijoat va kuchli iroda talab qilar edi. Muso biroz tezroq va duduqlanib gapirar edi. Shu bois, MusoAllohdan bu masʼuliyatli va ogʻir vazifani ado etishda oʻziga akasi Horunni yordamchi qilib berishni soʻraydi. Qurʼonda yozilishicha, nihoyatda fasohatli va taʼsirli soʻzlash qobiliyatiga ega boʻlgan Horun Musoga yordamchi qilib beriladi (Toha surasi, 25—36-oyatlar). Aka-uka Firʼavnnihidoyat yoʻliga daʼvat etadilar. Ammo FirʼavnAllohning birligi va borligini eʼtirof qilmay, zalolatdan qaytmaydi. Oʻzini xudo deb bilgan Firʼavnni Alloh suvga gʻarq etib, halok qiladi[1].
Izoh:Musulmonlar insoniyatga Alloh tomonidan koʻplab paygʻambarlar yuborilganiga ishonishadi. Yuqorida keltirilgan payg‘ambarlar faqat Qurʼonda ismi zikr qilingan zotlardir.
„Horun“, Oʻzbekiston milliy ensiklopediyasi (H-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.
