Hollywood „Shon-shuhrat xiyoboni“

Vikipediya, ochiq ensiklopediya
Hollywood „Shon-shuhrat xiyoboni“
Hollywood Walk of Fame
Hollywood Walk of Fame.jpg
Asos solingan sana 1958-yil
Joylashuvi Hollywood bulvari
Wine Street
Hollywood
Los-Anjeles
Keluvchilar soni yiliga 10 mln kishi
Sayt Rasmiy sayt

Koordinatalari: 34°6′5″N 118°20′42″W / 34.10139°N 118.34500°W / 34.10139; -118.34500 G O

Hollywood „Shon-shuhrat xiyoboni“ — Los Anjelesning Hollywood bulvaridagi oʻn beshta mavze va Vine Streetdagi uch mavzelari koʻchalarining ikki tomonidagi bir qator piyodalar yoʻlaklari boʻlib, ular koʻngilochar sohalar sanoatidagi yutuqlarga doimiy va ommaviy yodgorlik sifatida xizmat qiladi. Trotuar plitalariga 2500 dan ortiq besh qirrali mis yulduzlar kiritilgan. Shon-shuhrat xiyobonida aktyorlar, musiqachilar, prodyuserlar, musiqiy va teatr guruhlari rejissyorlari, fantastik va real qahramonlar va boshqa koʻplab shaxslarning ismlari koʻngilochar va sanʼat sohasiga qoʻshgan hissalari uchun mavjud. Shon-shuhrat xiyoboni Hollywood Savdo palatasi tomonidan boshqariladi va Hollywood Historic Trust tomonidan moliyalashtiriladi.

Shon-shuhrat xiyoboni har yili 10 millionga yaqin tashrif buyuruvchilarni qabul qiladi[1]. Bu Grauman Xitoy teatri, Qirolicha Meri qayigʻi va Los-Anjeles okrugi sanʼat muzeyiga keladiganlar sonidanda koʻpdir. Muzey, shuningdek, shahar turizmini rivojlantirishda ham muhim oʻrin tutadi.

Tavsifi[tahrir | manbasini tahrirlash]

Xiyobonning koʻrinishi

Shon-shuhrat xiyoboni Hollywood bulvari boʻylab sharqdan gʻarbga Gower koʻchasidan La Brea avenyugacha va bir oz Marshfild yoʻli boʻylab oʻtadi.

Har bir yodgorlik besh qirrali yulduz, marjon pushti terrazzodan iborat boʻlib, terrazzo polga oʻrnatilgan mis (bronza emas, bu juda keng tarqalgan xato) romli. Yulduzning tepasida laureatning nomi misdan quyingan. Nom ostida, yulduzning pastki qismida laureatning hissa qoʻshgan sohasini koʻrsatadigan dumaloq mis emblema mavjud.

Emblemalar koʻngilochar sanoatning beshta toifasini ifodalaydi:

Ayni paytda Yulduzlarning 47 % ga yaqini kino sohasi, 24 % i televideniye sohasi, 17 % i musiqa sohasi, 10 % i radio sohasi va 2 % dan kamrogʻi teatrlar sohasidagi shaxslarga tegishli. Xiyobonda har yili oʻrtacha yigirmatada oʻttiztagacha yulduz paydo boʻladi.

Oʻn toʻqqizta „Maxsus toifali“ yulduzlar korporativ obyektlar va xizmat koʻrsatish tashkilotlari kabi boshqa sohalar uchun qoʻshilgan hissa bilan ifodalanadi va bunday toifadagilarning yulduzi butunlay boshqacha boʻladi. Masalan, Los-Anjeles politsiya departamentining Yulduzi LAPD nishonining aynan nusxasi. Sobiq siyosatchi Tom Bredlining Yulduzi Los-Anjeles muhri boʻlsa, Los-Anjelesdagi „Victoriaʼs Secrets“ butiki Yulduzida esa uning emblemasi aks etgan.

Ammo Yulduz shakliga nisbatan ikkita istisno mavjud. Apollon-11 ning Oyga missiyasi, Vayn koʻchasidagi Oy shaklidagi yulduz bilan ifodalangan, unda quyidagilar mavjud: astronavtlarning ismlari (Nil Armstrong, Edvin E. Oldrin Jr., Maykl Kollinz), Oyga birinchi qoʻngan sana (1969-yil 20-iyul), Apollon XI soʻzlari va televizor emblemasi, barchasi quyuq kulrang terrazzodan qilingan.

wine St. dagi Apollon-11 missiyasiga bagʻishlangan monument

Manbalar[tahrir | manbasini tahrirlash]