Gotika

Vikipediya, ochiq ensiklopediya
Ushbu maqola me'moriy tarz haqidadir. Shu atamaning boshqa maʼnolari uchun Gotika (maʼnolari) maqolasiga qarang.


Gotika (ital. gotico — german qabilalaridan gotlar nomidan), gotika uslubi — Gʻarbiy, Markaziy va qisman Sharqiy Yevropa mamlakatlarida oʻrta asrlar sanʼatida hukm surgan badiiy uslub. "G." termini Uygʻonish davrida qoʻllanila boshlagan. 12-a.da roman uslubi oʻrniga yuzaga kelgan. G.da yetakchi oʻrinni meʼmorlik egalladi, unda meʼmorlik, haykaltaroshlik va rangtasvir (asosan vitraj)ning uygʻunligi buyuk namunasi boʻlgan ibodatxona alohida oʻrin tutadi. Ibodatxona qurishning yangi loyiha tizimi ishlab chiqildi: bosh tarzi uchli ravoqli va gumbazlari qovurgʻali (nervyur), ogʻirligi arkbutanlar orqali tashqi devor va tayanch ustunlar (kontrfors)ga oʻtkazilgan sinchli tuzilma. Gumbaz toʻshamalari yengil qalamalar b-n toʻldirilgan, ustun oralaridagi yirik oynalar vitrajlar b-n bezatilgan, gʻarbiy tarzida minoralar (bal. 150 m gacha) qurilgan. Bu yangi loyiha neflar kengligi va bino balandligini birmuncha oshirgan. Shuning hisobiga inshoot yengil, mujassamotiga koʻra koʻkka choʻzilgan. Ichi va tashqarisi haykallar va nafis tosh oʻymakori bezaklar b-n bezatilgan. Mujassamotida panjarali baland minoralar muhim oʻrin tutgan. G. meʼmorligiga uchli vimperglar, deraza va peshtoqlar, doira shaklidagi oynalar, bezak qism (fial)lar va sh.k. meʼmoriy shakllar xos.

G. 12-a. oʻrtalarida Shim. Fransiyada yuzaga keldi. 13-a. 1-yarmida yuksak darajada rivojlandi. Shu yerda G.ning tosh ibodatxonalari oʻzining mumtoz shakliga ega boʻldi. Bibi Maryam ibodatxonasi (Notrdam, 1163—1257), Shartr (1194-1260), Reyms (1211-1311), Amyen (1220—88) va b.dagi ibodatxonalar G.ning yuksak namunasidir.

Niderlandiya, Shim. Germaniya, Skandinaviya, Ispaniya, Italiya, Polsha, Chexiya, Latviya, Estoniya va b. joylarda ham G. mahalliy anʼanalar taʼsirida rivojlandi. G.ning ilgʻor usullari Uygʻonish davri va barokko meʼmorligiga ijobiy taʼsir koʻrsatdi.

G. tasviriy sanʼati diniy va dunyoviy dunyoqarashlardagi uygʻunlikni saqlagan holda rivojlandi, ayni vaqtda voqelikni uning hodisalari b-n birga aks ettirishga intildi. Ibodatxonalar bezagida haykal va relyeflar (mas. Reyms ibodatxonasida 2300 dan ortiq haykal), vitrajlar (Sen-Deni, Shartr va b.da) keng qoʻllanilgan, tasviriy sanʼat asarlari meʼmoriy mujassamotga boʻysundirilgan. Diniy mavzudagi asarlar b-n bir qatorda maishiy lavhalar, mehnat jarayoni aks etgan, baʼzan hajviy lavhalar ham uchraydi (Parij, Amyen, Strasburg va b. joylardagi ibodatxonalar). Amaliy bezak sanʼati yuksak darajada rivojlandi: tosh va fil suyagi oʻymakorligi, metall buyumlar, emal va sh.k. Rangtasvirda nisbatan kitob miniatyurasi keng taraqqiy etdi, unda tarixiy va maishiy lavhalar haqqoniy aks ettirildi.

Oʻzbekistan hududida 19-a. oxiri — 20-a. boshlarida G. uslub-belgilari meʼmorlikda paydo boʻldi (mas, Toshkent sh.dagi Kirxa binosi).

Neʼmat Abdullayev.[1]

Kutansdagi gotik sobor, Fransiya
Notre Dame sobori, Parij

Gotika (ital. gotico - odatlanilmagan) o'rta asrlarda rivojlanayotgan G'arbiy, Markaziy va Sharqiy Yevropani o'z qamroviga olgan san'at turidir. Gotika roman tarzini o'rnini bosib kelgan. Gotik tarz asosan me'morlikda ishlatilish bilan bir qatorda, o'z ichiga haykaltaroshlik, rassomlik, kitob miniaturasini ham olar edi.

Gotika XII asrda Fransiyaning shimolida kelib chiqgan va XIII asrda Germaniya, Avstriya, Chexiya, Ispaniya va Angliyaga tarqalgan. Gotika Italiyaga boshqa davlatlarga qaraganda kechroq kirib kelgan. Sharqiy Yevropaga gotika undan ham kechroq kirib kelgan va uzoqroq saqlanib qolgan (XVI asrgacha)

XV-XVI asrlarda qurilgan gotik binolarga «neogotika» termini ishlatiladi.

1980-yillarda «gotika» termini submadaniyat (gotik submadaniyat) va musiqada (gotik rok) ishlatila boshladi.

Sanʼat yoʻnalishlari va guruhlar
Oʻrta asrlar
Roman tarziGotikaRenessans
Yangi Davr
MannerizmBarokkoRokokoNeoklassisizmAmpirSentimentalizmRomantizmRealizm (tasviriy sanʼat)PrerafaelitizmAkademizmImpressionizmPuantilizmPostimpressionizm
XX asr
ModernizmKonstruktivizmKubizmEkspressionizmAbstraktsionizmDadaizmFovizmBauhausPop-artAr-dekoAbstrakt EkspressionizmFuturizmSuprematizmSurrealizmMinimalizmPostmodernizmKonseptualizm

Manbalar[tahrir]

  1. OʻzME. Birinchi jild. Toshkent, 2000-yil