Genri Kevil

Vikipediya, ochiq ensiklopediya
Genri Kevil

Genri Uilyam Dalglish Kevil (inglizcha: Henry William Dalgliesh Cavill 1983-yil 5-may, Sent Savier, Jersi, Normandiya orollari, Buyuk Britaniyada tug'ilgan) — britaniyalik aktyor . " Mabudlar jangi: O'lmaslar ", " Kun yorug'ida ", " Po'lat odam ", " A.N.K.L Agentlari ", “Betmen Supermenga qarshi ”, “Adolat ligasi ”, “ Uddalab bo'lmas topshiriq: Oqibat ” filmlari va “Tyudorlar ” va “ Jodugar ” seriallaridagi rollari bilan tanilgan.

Dastlabki yillari[tahrir | manbasini tahrirlash]

Kevil 1983-yil 5-mayda Jersi orolida ( Normand orollari ) tug'ilgan va oiladagi besh o'g'ilning to'rtinchisi edi[1] . U Bukingemshirdagi Stou maktabiga borishdan oldin Sent Savier mahalliy cherkovidagi Sent-Mayklning xususiy maktabida o'qigan va u yerda birinchi marta maktab sahna ko'rinishlarida aktyorlik faoliyatini boshlagan . Uning onasi Marianna Dalglish bankda kotiba bo'lib ishlagan. U Jersida tug'ilgan va kelib chiqishi shotland, ingliz va irlandiyalik[2] . Uning otasi Kolin Kevil Angliyaning Chester shahrida tug'ilgan[3] va birja brokeri bo'lib ishlagan. 2000-yilda regbi o'ynab, 16 yoshli Kevil Stou maktabida "Hayot isboti " filmi uchun suratga tushayotgan aktyor Rassell Krou bilan uchrashdi. Aktyor u bilan ba'zi aktyorlik maslahatlari bilan o'rtoqlashdi. Keyinchalik aktyorlar Po'lat odam[4][5] filmida birga ishladilar.

Karyera[tahrir | manbasini tahrirlash]

Kevil 2009-yilda

Kevilning ekrandagi birinchi ko'zga ko'rinishi " Graf Monte-Kristo " filmida bo'lgan, tez orada 2003-yilda Romola Garay bilan "Qal'ani qo'lga olaman" modernistik filmida va 2004-yilda HDTV eksperimental "Qizil qalpoqcha" filmidagi rollar. 2005-yilda u Hellraiser 8: Hell World filmida va 2006-yilda Tristan va Izolda filmida ikkinchi drajali rolni ijro etgan.

Bundan tashqari, aktyor kastingda bir nechta muvaffaqiyatsizlikka uchradi. U 2005-yilda " Garri Potter va Alanga kubogi" filmidagi Sedrik Diggori roli uchun kastingdan o'tgan, ammo bu rol Robert Pattinsonga nasib etgan. Shuningdek, 2005-yilda Kevil Casino Royale filmidagi Jeyms Bond roli uchun ko'rib chiqildi. Prodyuserlar va rejissyor aktyor Daniel Kreyg va Sem Uortington lar o'rtasida tanlov qilishdi, lekin Kevil u rol uchun juda yosh ekanligini tushunib yetishdi[6] . Keyinchalik, u Edvard Kallen roli uchun kastingdan o'tdi, lekin film boshlanganda u allaqachon 24 yoshda edi va 17 yoshli o'smirga o'xshamasdi va rol yana Robert Pattinsonga tushdi[7] .

2007-yilda Genri Kevil Showtimening " Tyudorlar " teleserialida bosh rollardan birini egalladi. U qirol Genrix VIII ning eng yaqin do‘sti va kuyovi Charlz Brendon rolini o‘ynadi. 2009-yilda u Joel Shumaxerning " Qonli Krik " qo'rqinchli filmida bosh qahramonlardan biri Evan Marshallni o'ynadi. Shuningdek, o'sha yili u Vudi Allenning " Nima bo'lsa bo'lar " filmida kichik rol o'ynadi.

2008-yil boshida Kevil Dunhill[8] Britaniya parfyumining yuziga aylandi.

2010-yilda Kevill 2011-yil kuzida chiqqan yangi mifologik katta byudjetli film[9] “Mabudlar Jangi: Oʻlmaslar" filmida Tesey rolini ijro etdi.

Kevil 2016-yilda

2011-yil 30-yanvarda Genri kastingdan muvaffaqiyatli o‘tgani va 2013-yil 14-iyunda chiqqan Zak Snayderning yangi “ Po‘lat odam” filmida Supermen rolini olganini ma’lum qildi[10] .

2012-yilda Cavill GQ jurnalining "50 ta eng zamonaviy britaniyaliklar" ro'yxatiga kiritilgan[11] . 2013-yil dekabr oyida u Britaniyaning Glamour jurnali tomonidan "Dunyoning eng kelishgan odami" deb topildi[12] . O'sha yili Empire jurnali uni "2013 yilning eng kelishgan 100 ta kino yulduzi" ro'yxatida 3-o'ringa qo'ydi[13] .

2013-yil 20-iyulda rejissyor Zak Snayder Komik-kon ko‘rgazmasida “Po‘lat odam” filmining davomi “ Betmen Supermenga qarshi” filmi suratga olinishini, Genri esa Supermen rolini qayta ijro etishi haqida e’lon qildi[14] . 2017-yil 16-noyabrda Kevil ishtirokidagi “ Adolat ligasi ” deb nomlangan so‘nggi kino komiksi chiqdi.

2018-yilning noyabr oyida u Berlindagi tantanali marosimda GQ "Yil odami" mukofotini oldi.

2019-yilda Netflix seriali The Witcher ya'ni Jodugar chiqdi, unda Genri bosh rolni o'ynadi . 2019-yilning 27-iyunida Kevil Legendary Entertainment’ning Milli Bobbi Braun ishtirokidagi Enola Xolms filmida Sherlok Xolms rolini o‘ynashi e’lon qilindi[15] . 2021-yilning 13-mayida uning Enola Xolms 2[16] filmidagi roliga yana qayta qaytishi e’lon qilindi. 2021-yilning 21-mayida Kevilning “ Highlander ” filmini qayta ishlanishida ya'ni remeykida bosh rolni o‘ynashi ma’lum bo‘ldi, garchi uning roli hali noma’lum bo'lsada[17] . Kevil rejissyor Metyu Vonning yangi josuslik filmi Argayl[18] ga qo'shiladi. Xuddi shu oyda u Stiv Folk rejissyori bo'lgan va avstraliyalik yozuvchi Grem Simsion[19] tomonidan yozilgan shu nomdagi kitobga asoslangan The Rosie loyihasi film adaptatsiyasida rol o'ynashi Deadline maqolasida tasdiqlangan.

2022 yilda Kevil o'zining Instagram sahifasida Mass Effect 3 o'yinidagi voqealarni tasvirlaydigan matnni ushlab turgan fotosuratini joylashtirdi. Shu sababli, aktyor Amazon Kino-Kompaniyasi tomonidan[20][21] chiqadigan serialda serial bosh qahramoni Kapitan Shepard rolini o'ynashi haqida mish-mishlar tarqala boshladi. Intervyuda Genri o'yinni adaptasiyasida ishtirok etishga qarshi emasligini, faqat serial syujeti yaxshi bo'lsagina bunga roziligini aytib o'tdi[22] .

2022-yil oktabr oyida Kevil Gay Richchining “Jentlmen emaslar vazirligi to'poloni ” filmida bosh rolga o‘ynagani ma’lum bo‘ldi.

Shahsiy hayoti[tahrir | manbasini tahrirlash]

2009-yilda Genri Kevil britaniyalik chavandoz Ellen Uitaker(ingl.)o'zb. bilan uchrashishni boshladi. . Ular 2011-yilning may oyida unashtirilgan. Biroq, er-xotin 2012-yil may oyida ajralishdi[23][24] . 2013-yilning yozida Genri aktrisa Keyli Kuoko bilan uchrashdi ( Katta portlash nazariyasi seriali), ammo bu ishqiy munosabatlar juda tez tugadi (bir necha haftadan keyin). 2021-yil aprel oyida u Natali Viskuso (Gollivudda filmlar ishlab chiqaruvchi Legendary Entertainment televidenie va raqamli studiyalar bo‘yicha vitse-prezidenti) bilan munosabatlarini Instagram akkauntida ular birga shaxmat o‘ynagan joyni joylashtirish orqali tasdiqladi . 2021-yil may oyida shaxsiy hayoti haqidagi mish-mishlarni to'xtatish uchun u yana Viskuso bilan tushgan fotosuratni joylashtirdi va izohda "sevgi va hayotda juda baxtliman" deb yozdi.

Genri Kevil Durrell nomidagi Yovvoyi tabiatni muhofaza qilish jamg'armasining matbuot kotibi sanladi[25] .

Kevil bolaligidan[26] ishtiyoqli geymer edi[27] . U bir marta World of Warcraft o'yini[28] tufayli Supermen roliga o'ynash taklifini ya'ni muhim qo'ng'iroqni o'tkazib yuborgan. The Witcher (Jodugar) o'yiniga bo'lgan muhabbat uni serial adaptatsiyasida Geralt rolini o'ynashga undadi. U, shuningdek, o'zining sevimli o'yinlaridan biri sifatida Total War strategiya o'yinlari seriyasi ekanligini aytib o'tdi[29] . Mass Effect o'yinlari seriyasiga ham befarq emas edi. U o'yinni barcha qismlarini o'ynab chiqgach, o'yin haqida juda xushomadgo'y izoh qoldirdi[22] .

U Kanzas Siti Chiefs klubi[30][31]muxlisi. Kevil regbi muxlisi va o'z klubi Jersi Reds uchun mavsumiy chipta egasi[32]

Eslatmalar[tahrir | manbasini tahrirlash]

  1. ↑ Barker, Andy. «Regarding Henry.» Evening Standard 24 October 2008: 49-53. Print. Retrieved 27 November 2010 from Henry Cavill Fan Gallery. „Архивированная копия“. 25-dekabr 2010-yilda asl nusxadan arxivlandi. Qaraldi: 7-yanvar 2011-yil.
  2. ↑ „Henry Cavill“. IMDb. 25-may 2021-yilda asl nusxadan arxivlandi. Qaraldi: 20-mart 2021-yil.
  3. ↑ Gidlow, Richard „Ten Things About... Henry Cavill“. Digital Spy (17-aprel 2013-yil). 6-sentabr 2013-yilda asl nusxadan arxivlandi. Qaraldi: 19-avgust 2013-yil.
  4. ↑ Curry, Neil. „Superman's reunion with his real-life hero“. CNN (19-iyun 2013-yil). Qaraldi: 7-yanvar 2022-yil.
  5. ↑ „When RUSSELL CROWE met "Fat" HENRY CAVILL: The Graham Norton Show June 20 BBC AMERICA“. 7-yanvar 2022-yilda asl nusxadan arxivlandi. Qaraldi: 7-yanvar 2022-yil.
  6. ↑ „David Arnold discusses screentesting the new James Bond, and Daniel Craig's competition“. MI6 News (22-mart 2007-yil). Qaraldi: 2-yanvar 2009-yil.
  7. ↑ Morris, William „Interview: Twilight author Stephanie Meyer“. A Motley Vision (26-oktabr 2005-yil). 6-iyun 2012-yilda asl nusxadan arxivlandi. Qaraldi: 2-yanvar 2009-yil.
  8. ↑ „Dunhill Fragrances“. Dunhill. 22-fevral 2010-yilda asl nusxadan arxivlandi. Qaraldi: 19-fevral 2011-yil.
  9. ↑ „First Look: Tarsem Singh’s 'Immortals' Epic with Henry Cavill // FirstShowing.net“. 29-noyabr 2010-yilda asl nusxadan arxivlandi. Qaraldi: 7-yanvar 2011-yil.
  10. ↑ Superhero Hype“. 24-dekabr 2019-yilda asl nusxadan arxivlandi. Qaraldi: 31-yanvar 2011-yil.
  11. ↑ „Tinie Tempah and Mario Balotelli GQ's best dressed men“. BBC Newsbeat (16-yanvar 2017-yil). Qaraldi: 14-aprel 2021-yil.
  12. ↑ „Henry Cavill voted world's sexiest man in Glamour poll“. BBC Newsbeat (2-dekabr 2013-yil). 18-may 2016-yilda asl nusxadan arxivlandi. Qaraldi: 13-sentabr 2015-yil.
  13. ↑ „3. Henry Cavill – The 100 Sexiest Movie Stars 2013“. Empire. 25-sentabr 2015-yilda asl nusxadan arxivlandi. Qaraldi: 13-sentabr 2015-yil.
  14. ↑ „В сиквеле «Человека из стали» появится Бэтмен“. 7-aprel 2020-yilda asl nusxadan arxivlandi. Qaraldi: 29-iyul 2013-yil.
  15. ↑ D'Nuka, Amanda „Henry Cavill To Play Sherlock Holmes In Legendary's 'Enola Holmes' Adaptation“. Deadline (27-iyun 2019-yil). 27-iyun 2019-yilda asl nusxadan arxivlandi. Qaraldi: 28-iyun 2019-yil.
  16. ↑ Jackson, Angelique „Millie Bobby Brown, Henry Cavill Return Set for ˜Enola Holmes Sequel“. Variety.com (13-may 2021-yil). 13-may 2021-yilda asl nusxadan arxivlandi. Qaraldi: 3-iyul 2021-yil.
  17. ↑ Kroll, Justin „Henry Cavill To Star in Lionsgate’s ‘Highlander’ Reboot From Chad Stahelski“ (en-US). Deadline (21-may 2021-yil). 21-may 2021-yilda asl nusxadan arxivlandi. Qaraldi: 21-may 2021-yil.
  18. ↑ Yossman, K. J. „Henry Cavill, Samuel L. Jackson, Bryce Dallas Howard Among A-List Cast for Matthew Vaughn’s Spy Thriller ‘Argylle’“ (en-US). Variety (8-iyul 2021-yil). 9-iyul 2021-yilda asl nusxadan arxivlandi. Qaraldi: 16-oktabr 2021-yil.
  19. ↑ Kroll, Justin „Henry Cavill To Star In ‘The Rosie Project’“ (en-US). Deadline (14-iyul 2021-yil). 20-iyul 2021-yilda asl nusxadan arxivlandi. Qaraldi: 20-iyul 2021-yil.
  20. ↑ Adam Bankhurst. „Mass Effect Project Teased by Henry Cavill“ (en). IGN (24-fevral 2021-yil). Qaraldi: 20-avgust 2022-yil.
  21. ↑ Tom Power published. „Has Henry Cavill been cast in Amazon's Mass Effect show? Witcher star weighs in“ (en). TechRadar (13-dekabr 2021-yil). Qaraldi: 20-avgust 2022-yil.
  22. ↑ 22,0 22,1 Bradley Russell published. „Henry Cavill would "love to have a conversation" about being in the Mass Effect series“ (en). gamesradar (13-dekabr 2021-yil). Qaraldi: 20-avgust 2022-yil.
  23. ↑ „'Man of Steel' Henry Cavill, Ellen Whitaker end engagement“. digitalspy.co.uk (20-avgust 2012-yil). 24-sentabr 2015-yilda asl nusxadan arxivlandi. Qaraldi: 28-avgust 2013-yil.
  24. ↑ „Henry Cavil, Ellen Whitaker secretly end engagement“. usmagazine.com (20-avgust 2012-yil). 25-yanvar 2021-yilda asl nusxadan arxivlandi. Qaraldi: 28-avgust 2013-yil.
  25. ↑ „Henry Cavill, A True Hero To The Wildlife“. ComicBookMovie.com. 23-sentabr 2015-yilda asl nusxadan arxivlandi. Qaraldi: 8-avgust 2014-yil.
  26. ↑ White, Sam „Henry Cavill: Gaming on my own is much more fun than going out.“. British GQ (19-dekabr 2019-yil). 25-may 2021-yilda asl nusxadan arxivlandi. Qaraldi: 14-aprel 2021-yil.
  27. ↑ Chalk, Andy „Henry Cavill rejects your notion of a 'gaming man cave'“. PC Gamer.com (3-yanvar 2020-yil). 19-aprel 2021-yilda asl nusxadan arxivlandi. Qaraldi: 14-aprel 2021-yil.
  28. ↑ Good, Owen S. „Henry Cavill was too busy playing Warcraft to answer a call to play Superman“. Polygon (2-aprel 2016-yil). 6-may 2021-yilda asl nusxadan arxivlandi. Qaraldi: 28-aprel 2020-yil.
  29. ↑ „The Witcher's Henry Cavill Would Rather Play Total War: Warhammer 2 Right Now“. Gamespot (24-dekabr 2019-yil). 18-aprel 2021-yilda asl nusxadan arxivlandi. Qaraldi: 21-may 2020-yil.
  30. ↑ Perine, Aaron „Henry Cavill Shows Kansas City Chiefs Love During NFL's Championship Weekend“. Comicbook.com (19-yanvar 2020-yil). 3-fevral 2020-yilda asl nusxadan arxivlandi. Qaraldi: 14-aprel 2021-yil.
  31. ↑ Grathoff, Pete. „Superman says he's a Chiefs fan who loves Arrowhead (well, actor Henry Cavill does)“. The Kansas City Star (4-dekabr 2019-yil). Qaraldi: 1-avgust 2020-yil.
  32. ↑ „Superman, Henry Cavill, becomes JRFC's newest member“. Jersey Reds (13-sentabr 2013-yil). 14-aprel 2021-yilda asl nusxadan arxivlandi. Qaraldi: 14-aprel 2021-yil.

Havolalar[tahrir | manbasini tahrirlash]

"https://uz.wikipedia.org/w/index.php?title=Genri_Kevil&oldid=3481696" dan olindi