Gaby

Vikipediya, ochiq ensiklopediya
(Gaby (Vale de Aosta)dan yoʻnaltirildi)

Gabriel „Gaby“ Fernandes Arenas (ispancha: Gabriel Fernández Arenas)—ispaniyalik futbolchi,yarim himoyachi sifatida oʻynagan.1983-yil 10-iyulda Ispaniyaning Madrid shahrida tugʻilgan.Murabbiy.

Klubdagi faoliyati[tahrir | manbasini tahrirlash]

Dastlabki yillar[tahrir | manbasini tahrirlash]

Gaby Fernandes "Atletiko Madrid" tarbiyalanuvchisi.2017-2018-yillarda u Segunda B da „matraschilar“ning ikkinchi jamoasida (Atletiko Madrid B) oʻynagan.Primerada debyuti 2004-yil 7-fevralda Mestalya[1] da boʻlib oʻtdi.Keyingi mavsumda Gaby „Xetafe“ga ijaraga berildi va u yerda 32 ta oʻyinda maydonga tushdi va 2 ta gol urdi.Ijara muddati tugagach, u „Atletiko Madrid“ bazasiga qoʻshildi va u bilan yana ikki mavsum oʻtkazdi.

"Saragosa"[tahrir | manbasini tahrirlash]

2007-yilning fevralida Gaby 9 million yevro evaziga „Real Saragosa“ jamoasiga oʻtib, toʻrt yillik shartnoma imzoladi[2]. 1-iyul kuni Gaby rasman „Saragosa“ futbolchisiga aylandi va 25-avgustda u klub safida 2007/08-yilgi mavsumning[3] 1-davrasida debyut qildi va deyarli darhol asosiy tarkibda futbolchisiga aylandi[4].Mavsum oxirida „Saragosa“ Segundaga uchib ketdi, biroq bir yildan soʻng „Xeres“ va "Tenerife" bilan birga Primeraga qaytdi.2009/10-yilgi mavsumda jamoa 14-oʻrinni egalladi va Gaby birinchi marta aragonliklarni sardorlik bogʻichini qoʻlga kiritdi.

2010/11-yilgi mavsum ispaniyalik uchun gollarga boy boʻldi: u 11 ta gol urdi, ulardan 6 tasi penaltidan.2011-yil 12-martda Gaby „Valensiya“ga qarshi oʻyinda dubl qayd etdi (ikkalasi ham penaltidan), natijada uning jamoasi 4:0 hisobida gʻalaba qozondi[5].U "Real Madrid"ga qarshi oʻyinda raqib darvozasini ishgʻol qildi va „Saragosa“ga gʻalaba keltirdi[6]. La Liganing soʻnggi turida „Levante“ga ikki marta gol urdi[7]. Gaby Ispaniya chempionatida 36ta o‘yin o‘tkazib, ikki turni diskvalifikatsiya tufayli o‘tkazib yubordi."Saragosa" esa avvalgi mavsumdagidek 14-o‘rinni egalladi.

"Atletiko Madrid"[tahrir | manbasini tahrirlash]

2011-yilning 1-iyulida Gaby 3 million yevro evaziga "Atletiko"ga qaytdi[8].28-iyul kuni u Yevropa ligasining saralash bosqichida Norvegiyaning „Stromsgodset“ jamoasiga qarshi oʻynagan „matraschilar“ uchun rasmiy oʻyin oʻtkazdi.Gaby ilk golini 4-dekabr kuni „Rayo Valekano“ga qarshi o‘yinda (Ispaniya chempionatining 14-turi) qaytganidan so‘ng kiritdi.Toʻgʻri oʻsha oʻyinda u toʻpni oʻz darvozasiga yoʻlladi va bu „Atletiko“ning 3:1 hisobida gʻalaba qozonishiga xalaqit bermadi[9].

2011/12-yilgi Yevropa Ligasida Gaby 17 ta oʻyin oʻtkazdi, u „Valensiya“ga qarshi ikkala yarim finalda ham,Bilbaoning „Atletik“iga qarshi final oʻyinida ham ishtirok etdi.U yerda Mario Suares bilan birgalikda istedodli bask yarim himoyachilariga muvaffaqiyatli qarshilik koʻrsatdi[10]. „Atletiko“ 3:0 hisobida g‘alaba qozondi,Gaby esa faoliyatidagi ilk sovrinni qo‘lga kiritdi.Madridliklar La Ligada 5-oʻrinni egalladi.

Gaby "Almeriya"ga qarshi oʻyinda (2013-yil 14-sentyabr)

2012-yilning yozida „Atletiko“dan Antonio Lopes,Luis Perea,Alvaro Dominges (ikkinchi va uchinchi sardorlar)[11] ketganidan keyin „matraschilar“ bosh murabbiyi Diego Simeone Gabyni jamoa sardori etib tayinladi.Gabyning sardor sifatidagi ilk uchrashuvlaridan biri UEFA Superkubogi oʻyini (31-avgust) boʻlib, unda Madridliklar Falkaoning xet-triki evaziga "Chelsi"ni magʻlub etishdi.

2012/13-yilgi mavsumda avvalgidek,Gaby oʻz klubi yarim himoyasining asosiy oʻyinchilaridan biri boʻlib qoldi.U Ispaniya Kubogida 8 ta oʻyinda maydonga tushdi, jumladan „Real“ga qarshi final oʻyinida.Bu oʻyin 2:1 hisobida „Atletiko Madrid“ foydasiga yakunlandi (hal qiluvchi gol qoʻshimcha vaqtda kiritildi)[12].114-daqiqada Krishtianu Ronaldu Gabyga nisbatan qoʻpollik qilgani (Gabyni oyogʻiga tepgan edi) uchun toʻgʻridan-toʻgʻri qizil kartochka oldi[13].Ammo Gabyning oʻzi ham soʻnggi qoʻshib berilgan daqiqada maydondan chetlatildi va vaqtni choʻzganligi uchun ikkinchi sariq kartochka olgandi.Finaldagi g‘alaba „Atletiko“ga nafaqat kubokni, balki 14 yil ichida ilk bor Madrid derbisida ham g‘alaba qozonish imkonini berdi[12].

Keyingi mavsumda Gaby „Atletiko“ libosida oʻzining 200-oʻyinini oʻtkazdi (Ispaniya chempionatining 25-turi „Osasuna“ga qarshi safarda)[14].U La Liganing 36 oʻyinida maydonga tushdi jumladan, 2014-yilning 17-may kuni „Kamp Nou“ da liga chempionligi aniqlangan oʻyinda.Ikkinchi boʻlim boshida Gaby burchak toʻpini tepdi, uni Diego Godin gol bilan yakunladi.Bu „matraschilar“ga hisobni tenglashtirish imkonini berdi (1:1)[15].Natija oʻyin oxirigacha saqlanib qoldi va „Atletiko“ga 1996-yildan beri birinchi marta oltin medallarni qoʻlga kiritishga imkon berdi, „ Barselona“ esa ikkinchi oʻrinda qoldi.

Milliy chempionatdagi muvaffaqiyatidan tashqari „Atletiko“ Yevropa Chempionlar Ligasi finaligacha yetib bordi va u yerda „Real“ga yutqazgan boʻlsada, lekin asosiy vaqtning so‘nggi daqiqalarigacha matraschilar oldinda bo‘lishdi[16]. 2014-yilning 4-iyulida Gaby Atletiko Madrid bilan 2017-yilgacha shartnoma imzoladi va klub bilan amaldagi shartnomasini bir mavsumga uzaytirdi[17].

2014-yil avgust oyida Gaby Ispaniya Superkubogining ikkita oʻyinida ishtirok etdi, unda mamlakat chempioni „Atletiko“ kubok sohibi „Real Madrid“ga qarshi chiqdi.Kubok Mario Manjukichning uy uchrashuvida urgan gʻalaba goli evaziga „matraschilar“ga nasib etdi[18].2014/15-yilgi mavsumda „Atletiko“ La Ligada 3-oʻrinni egalladi.Shuningdek Chempionlar Ligasi va mamlakat kubogi 1/4 finaliga chiqdi. „Barselona“ bilan kubokning yarim finalchisi aniqlanadigan javob oʻyinida Gaby tribuna ostidagi xonada sodir boʻlgan voqea tufayli tanaffusda maydondan chetlatildi[19].

Fernando Torres,Gaby,Enrike Serezo,Kristina Cifuentes va Diego Simeone Estadio Metropolitano bekatida (2017-yil 7-sentyabr)

Yevropa Chempionlar ligasining 2015/16-yilgi qur’a tashlash marosimida Gaby „Atletiko“ning barcha 13 oʻyinida, shu jumladan Milandagi finalda ham ishtirok etgan.U yerda xuddi ikki yil oldin Madrid derbisining navbatdagi epizodi „Real Madrid“ — „Atletiko“ boʻlib oʻtdi.Gaby asosiy va qoʻshimcha boʻlimlarda 120 daqiqa oʻynadi va oʻz penaltisini aniq amalga oshirdi, lekin umuman olganda „Real Madrid“ futbolchilari penaltilarni aniqroq bajarishdi-5:3[20].Kubok yana „qaymoqranglilar“ga nasib etdi.

2017-yilning 16-sentabrida Gaby „Atletiko“ning „Malaga“ga qarshi uy uchrashuvida (Ispaniya chempionati 2017/18-yilgi mavsum 4-tur, hisob 1:0) 90 daqiqa maydonga tushdi.Bu oʻyin eski Visente Kalderon oʻrniga qurilgan Wanda Metropolitano stadionini rasmiy ochilishi edi.Tribunalarda 63 000 tomoshabin jumladan Ispaniya qiroli Filipp VI[21] ishtirok etdi.Keyinroq 27-turda Gaby „Atletiko“ safidagi 400-uchrashuvini oʻtkazdi.Unga qadar Madrid klubidan atigi 6 nafar futbolchi bu koʻrsatkichga erisha olgan[22].

Yevropa Chempionlar Ligasi guruh bosqichida „Qorabog'“ bilan durangdan soʻng, „Atletiko“ning Chempionlar Ligasi pley-off bosqichiga chiqa olmasligi uchun aniq boʻlganida, Gaby Yevropa Ligasida oʻynash imkoniyati haqida salbiy gapirib „Bugun Yevropa Ligasi-bu axlat, lekin biz u yerda oʻynashimiz kerak“ (ispancha: A día de hoy digo que la Europa League es una mierda, pero si nos toca habrá que jugarla)[23].Shunga qaramay, u Yevropa Ligasining-2017/18 bahorgi qismining 8 ta oʻyinini oʻtkazdi (barchasi 1/8 javob oʻyinidan tashqari) va finalda Koke uzatmasidan keyin gol urdi va yakuniy hisobni oʻrnatdi-3:0 „Atletiko“ foydasiga."Marsel"ga qarshi oʻyindagi gol Gaby uchun ikki mavsumdagi birinchi,Yevropa ligasidagi g‘alaba goli esa faoliyatidagi ikkinchisi bo‘ldi.

"Al-Sadd"[tahrir | manbasini tahrirlash]

2018-yilning yozida Gaby Qatarning „Al-Sadd“ klubiga oʻtdi[24].Uni Jezualdo Ferreyra boshqargan va keyingi yili Qatar chempionligini qoʻlga kiritgan."Al-Sadd" bilan ikki mavsumdan soʻng u oʻynashni tugatishini eʼlon qildi[25].

Jamoa faoliyati[tahrir | manbasini tahrirlash]

20 yoshgacha boʻlgan Ispaniya terma jamoasi tarkibida Gaby 2003-yilgi FIFA U-20 Jahon chempionatida ishtirok etgan.Musobaqada ispaniyalik yarim himoyachi 7 ta oʻyin oʻtkazib, argentinalik tengdoshlari darvozasiga bitta gol urdi[26].

"Levante"-"Saragosa" uchrashuvidagi voqea.[tahrir | manbasini tahrirlash]

2014-yil sentyabrida ispan matbuotida 2011-yil 21-mayda bo‘lib o‘tgan „Levante“ va „Saragosa“ klublari o‘rtasidagi o‘yin kelishilgan bo‘lishi mumkinligi haqida maʼlumot paydo bo‘ldi[27].Mehmonlar Primerada qolishi uchun gʻalaba kerak edi va ular bunga erishdilar."Saragosa"ning oʻsha paytdagi sardori Gaby ikkita gol urdi.2014-yil 2-oktabrda Gaby Ispaniyaning Korrupsiya va uyushgan jinoyatchilikka qarshi kurash bo‘yicha maxsus prokuraturasiga ko‘rsatma berib, o‘yinning kelishilganlik xususiyatini tasdiqladi.Bundan tashqari u klubning iltimosiga binoan harakat qilganini va oʻyin natijasidan shaxsiy manfaatdor emasligini aytdi, chunki u allaqachon „Atletiko“ bilan shartnoma boʻyicha kelishib olgan edi[28].Prokurorlarga ko‘ra „Saragosa“ ustozi Xaver Agirre va 9 nafar jamoa o‘yinchisi „Levante“ futbolchilariga kerakli natijani taʼminlash uchun 965 ming yevro naqd pul bergan[29].

2015-yil yanvarda Valensiya sudi Levante va Saragosa [30] oʻrtasidagi kelishilgan oʻyin boʻyicha daʼvoni qabul qildi.

Yutuqlari[tahrir | manbasini tahrirlash]

"Atletiko Madrid"

"Al Sadd"

Manbalar[tahrir | manbasini tahrirlash]

  1. ↑ „Gabi cumple 300 partidos en Primera División“ (es). Atleticodemadrid.com (2014-yil 19-oktyabr). 2016-yil 7-yanvarda asl nusxadan arxivlangan.
  2. ↑ „Zaragoza move early to get Gabi“ (en). UEFA.com (2007-yil 5-fevral). 2012-yil 20-fevralda asl nusxadan arxivlangan.
  3. ↑ „Gabi F.“ (es). Somosleyenda.realzaragoza.com. 2015-yil 24-sentyabrda asl nusxadan arxivlangan.
  4. ↑ „Gabi, el gran capitán“ (es). Realzaragoza.com (2011-yil 29-mart). 2015-yil 24-sentyabrda asl nusxadan arxivlangan.
  5. ↑ „Zaragoza crush Valencia“ (en). ESPN (2011-yil 12-mart). 2012-yil 20-fevralda asl nusxadan arxivlangan. Qaraldi: 2011-yil 30-mart.
  6. ↑ „Zaragoza end Real title dream“ (en). ESPN (2011-yil 30-aprel). 2012-yil 20-fevralda asl nusxadan arxivlangan. Qaraldi: 2011-yil 30-aprel.
  7. ↑ „Zaragoza end drop fears“ (en). ESPN (2011-yil 21-may). 2012-yil 20-fevralda asl nusxadan arxivlangan. Qaraldi: 2011-yil 1-iyun.
  8. ↑ „El Zaragoza hace oficial traspaso de Gabi al Atlético“ (es). Diario AS (2011-yil 1-iyul). 2012-yil 20-fevralda asl nusxadan arxivlangan. Qaraldi: 2011-yil 1-iyul.
  9. ↑ „Aperitivo de calidad que no llena“ (es). Marca (2011-yil 4-dekabr). 2015-yil 25-sentyabrda asl nusxadan arxivlangan.
  10. ↑ „Atletico Madrid 3-0 Athletic Bilbao“ (en). BBC Sport (2012-yil 9-may). 2015-yil 25-sentyabrda asl nusxadan arxivlangan.
  11. ↑ „Gabi y Domínguez, en la lista de capitanes del Atlético“ (en). Diario AS (2011-yil 29-avgust). 2015-yil 25-sentyabrda asl nusxadan arxivlangan.
  12. ↑ 12,0 12,1 „Jose Mourinho and Cristiano Ronaldo off in Real Madrid loss“ (en). BBC Sport (2013-yil 17-may). 2015-yil 25-sentyabrda asl nusxadan arxivlangan.
  13. ↑ „Final Copa del rey 2013 - Patada en la cara de Cristiano Ronaldo a Gabi“ (en). Youtube (2013-yil 17-may). 2015-yil 25-sentyabrda asl nusxadan arxivlangan.
  14. ↑ „Un capitán bicentenario“ (es). Atleticodemadrid.com (2014-yil 23-fevral). 2016-yil 7-yanvarda asl nusxadan arxivlangan.
  15. ↑ „Barcelona 1 Atletico Madrid 1, La Liga: match report“ (en). The Daily Telegraph (2014-yil 17-may). 2016-yil 7-yanvarda asl nusxadan arxivlangan.
  16. ↑ „Real Madrid 4-1 Atl Madrid“ (en). BBC Sport (2014-yil 24-may). 2016-yil 7-yanvarda asl nusxadan arxivlangan.
  17. ↑ „Captain Gabi commits to Atlético“ (en). UEFA.com (2014-yil 4-iyul). 2016-yil 7-yanvarda asl nusxadan arxivlangan.
  18. ↑ „Atlético Madrid v Real Madrid: Spanish Super Cup – as it happened“ (en). The Guardian (2014-yil 22-avgust). 2016-yil 7-yanvarda asl nusxadan arxivlangan.
  19. ↑ „Atl Madrid 2-3 Barcelona“ (en). BBC Sport (2015-yil 28-yanvar). 2016-yil 7-yanvarda asl nusxadan arxivlangan.
  20. ↑ „Real Madrid 1-1 Atlético Madrid“ (en). BBC Sport (2016-yil 28-may). 2021-yil 25-yanvarda asl nusxadan arxivlangan. Qaraldi: 2021-yil 10-may.
  21. ↑ „Atlético Madrid 1-0 Malaga“ (en). BBC Sport (2017-yil 16-sentyabr). 2021-yil 12-mayda asl nusxadan arxivlangan. Qaraldi: 2021-yil 12-may.
  22. ↑ „Gabi: Capitán Leyenda“ (es). Mundo Deportivo (2018-yil 6-mart). 2021-yil 12-mayda asl nusxadan arxivlangan. Qaraldi: 2021-yil 12-may.
  23. ↑ „Gabi: "A día de hoy, la Europa League es una mierda"“ (es). El Mundo (2017-yil 31-oktyabr). 2021-yil 22-mayda asl nusxadan arxivlangan. Qaraldi: 2021-yil 22-may.
  24. ↑ „Gabi leaves Atlético Madrid to join Xavi at Al-Sadd“ (en). Diario AS (2018-yil 28-iyun). 2021-yil 14-mayda asl nusxadan arxivlangan. Qaraldi: 2021-yil 27-may.
  25. ↑ „Gabi, excapitán del Atlético de Madrid, se retira del fútbol“ (es). El Español (2020-yil 29-noyabr). 2021-yil 25-yanvarda asl nusxadan arxivlangan. Qaraldi: 2021-yil 27-may.
  26. ↑ „Argentina 2-1 Spain“ (en). FIFA.com (2003-yil 28-noyabr). 2016-yil 7-yanvarda asl nusxadan arxivlangan.
  27. ↑ „Anticorrupción cita a integrantes del Levante-Zaragoza de 2011“ (es). Diario AS (2014-yil 25-sentyabr). 2016-yil 22-martda asl nusxadan arxivlangan.
  28. ↑ „Gabi declaró en la Fiscalía y deja entrever apaño en el Levante-Zaragoza“ (es). Mundo Deportivo (2014-yil 2-oktyabr). 2016-yil 22-martda asl nusxadan arxivlangan.
  29. ↑ „Ander Herrera: Man Utd midfielder says he has never fixed games“ (en). BBC Sport (2014-yil 16-dekabr). 2016-yil 22-martda asl nusxadan arxivlangan.
  30. ↑ „Admitida a trámite la querella por amaño del Levante-Zaragoza“ (es). Marca (2015-yil 14-yanvar). 2016-yil 22-martda asl nusxadan arxivlangan.

Havolalar[tahrir | manbasini tahrirlash]

  • Atletiko veb-saytidagi profil(isp.) )
"https://uz.wikipedia.org/w/index.php?title=Gaby&oldid=3798673" dan olindi