Fudziyama

Vikipediya, ochiq ensiklopediya
Jump to navigation Jump to search

Fudziyama, Fudzi, Fudzisan (aynlar tilida Fusxi — olov maʼbudasi, yaponcha yama, san — togʻ) — Xonsyu o.dagi soʻnmagan vulkan, Yaponiyadagi eng baland choʻqqi (3776 m). Tokio shahridan taxminan 100 km jan.gʻarbda. Bazalt va andezit lavalaridan tuzilgan. Soʻnggi bor 1707—08 yillarda otilgan. Krateri toʻgʻri konus shaklida, diametri 700 m, chuq. 250 m. Yilning 10 oyida muz bilan krplanib yotadi. Yon bagʻirlari doim yashil oʻrmon va butazorlar. Milliy bogʻ tarkibida. F. — yaponlarning "muqaddas togʻi". Turistlar koʻp boradi.