Feliks Yanov-Yanovskiy

Vikipediya, ochiq ensiklopediya
Jump to navigation Jump to search

Feliks Markovich Yanov-Yanovskiy (1934.28.5, Toshkent) — kompozitor. Oʻzbekistonda xizmat koʻrsatgan sanʼat arbobi (1988). Toshkent konservatoriyasini skripka ijrochiligi (1954) hamda kompozitsiya (1959) ixtisosliklari boʻyicha tugatgan. Oʻzbekiston simfonik orkestri (1954—64), Oʻzbekiston radiosi qoshidagi torli kvartet (1964—70) sozandasi. Oʻzbekiston davlat konservatoriyasida pedagog (1961 yildan), dekan (1974—80), kafedra mudiri (197986), professor (1988 yildan). Turli janrlarda ijod qilib 4 simfoniya (1982—90), 2 koncherto grosso (1969, 1989), 3 skripka (196192), truba (1998) va boshqalar cholgʻular uchun konsertlar, 4 opera ("Xorijlik Petrushka", 1970; "Orkestr", 1991; "Akkompaniator", 1997; "Qutulish", 1999), xor va vokal turkumlari, diniy mavzudagi asarlar (Rekviyem, 1997; 2 messa, 1994—2000), estrada qoʻshiqlari, 50 ga yaqin kino, tele va multfilm uchun ("Uzoqyaqin yillar", 1977; "Veld", 1987; "Islom tarixi", 2000; "Alpomish", 2000 va boshqalar), 15 spektakl uchun musiqalar yaratgan. Ijodida jahon klassik hamda 20-asr musiqa anʼanalari uygʻunlashgan, baʼzi asarlarida Ya.Ya. oʻzbek mumtoz musiqa uslublariga murojaat qilgan: orkestr (1973) va goboy (1980) konsertlari, 1simfoniyasi, Umar Xayyom sheʼrlariga "Ruboiylar" (1990) va boshqalar Asarlari Yevropa va Osiyo xalqaro musiqa festivallarida muntazam ijro etilmoqda.[1]

Manbalar[tahrir]

  1. OʻzME. Birinchi jild. Toshkent, 2000-yil