Fedchenko muzligi

Vikipediya, ochiq ensiklopediya
Jump to navigation Jump to search
Fedchenko muzligi

Fedchenko muzligi - Oʻrta Osiyodagi eng katta togʻvodiy muzligi. Pomirning shim.gʻarbida. Uz. 77,4 km, maydoni 824 km². Muzning qalinligi oʻrta qismida 1000 m dan ziyod. Muzlikning yuqori qismi 7480 m, quyi qismi esa 2900 m balandlikda. Qor chizigʻining balandligi 4650 m. Muzlik uchidan Seldara daryosi boshlanadi. Muzlikning eng yirik boʻlaklari Somoniyon, Garmo choʻqqilari togʻ massivlari hamda Shim. Tanimas tizmasi atroflarida vujudga kelgan. Fedchenko muzligi Yazgʻulom tizmasi shim. yon bagʻridan va bir necha choʻqqilar tagidan boshlanib, Fanlar Akademiyasi tizmasining sharqiy yon bagri boʻylab davom etadi. Balandkiyik daryosining vodiysiga keladi va 30 dan ortiq muzlikni qoʻshib oladi.

1928—58 yillarda muzlik tili 30–35 m pasayib firnli qismi 12 m qalinlashgan. Fedchenko muzligining quyi kismini 1878 yilda V. F. Oshanin oʻrgangan, oʻrta va yuqori qismlarini dastlab 1928 yil Pomir ekspeditsiyasi tadqiq qilgan. Muzlik A. P. Fedchenko nomi bilan ataladi.