Fargʻona viloyati (Rossiya imperiyasi)

Bu atamaning boshqa maʼnolari ham mavjud. Qarang: Fargʻona viloyati (maʼnolari).

Fargʻona viloyati — Turkiston general-gubernatorligi tarkibidagi viloyatlardan biri. 1876-yil 19-fevralda Rossiya imperiyasi tomonidan bosib olingan Qoʻqon xonligi hududida tashkil qilingan. Tarkibiga Margʻilon, Andijon, Qoʻqon, Namangan, Oʻsh uyezdlari va Pomir kirgan. Maydoni taxminan 160,1 ming km. Maʼmuriy markazi — Yangi Margʻilon shahri (1907—24 yillarda Skobelev shahri). Fargʻona viloyati (Rossiya imperiyasi) aholisi 1897-yilgi aholi roʻyxatiga koʻra, 1560411 kishidan iborat boʻlgan. Aholisining asosiy mashgʻuloti — dehqonchilik va chorvachilik. Viloyatda ekin ekiladigan yerlar 860000 desyatinani tashkil qilgan. Dehqonchilikda, asosan, bugʻdoy, kunjut, paxta, tamaki, beda, joʻxori, arpa, tariq va boshqa ekilgan. Ayniqsa, paxtachilikka eʼtibor berilgan, 1901-yil viloyatning 232500 desyatina yeriga paxta ekilgan. Bogʻdorchilik rivojlangan.

Fargʻona viloyati (Rossiya imperiyasi)dan chetga paxta, ipak, jun, poyabzal, teri, gilam, sholi chiqarilgan. Mahalliy maktab va oʻquv yurtlari 2246 ta, masjidlar 6554 boʻlgan. Fargʻona viloyati (Rossiya imperiyasi) aholisi Rossiya imperiyasining mustamlakachilik siyosatiga karshi koʻplab chiqishlar qilgan. Ayniqsa, 1898-yildagi Andijon qoʻztloni va 1916-yildagi Oʻrta Osiyo qoʻzgʻolonida faol qatnashgan. 1924-yil Oʻrta Osiyo respublikalarida milliy davlat chegaralanishi oʻtkazilishi munosabati bilan Fargʻona viloyati (Rossiya imperiyasi) tugatilgan.

Fargʻona viloyati
Rossiya imperiyasi viloyati