Eotsen

Vikipediya, ochiq ensiklopediya
Jump to navigation Jump to search

Eotsen (yun. — erta tong va — yangi) — paleogen sistemasi (davri)ning oʻrta boʻlimi. 1833 yilda ingliz geologi Ch. Layel tomonidan nomlangan. E.dan yuqori boʻlim 1855 yil oligotsen boʻlimi (epoxa) deb ajratilgan, quyi boʻlim esa 1874 yil paleotsen boʻlimini hosil qilgan. E. quyi, oʻrta va yuqori — 3 ta kichik boʻlimga boʻlinadi. E. davridagi tropik dengizlarda kichik boʻlim va zonalarni ajratishda foydalaniladigan nummulitidlar — yirik foraminiferalar rivojlangan. E. hayvonot dunyosining yangi shakli — sut emizuvchilarning koʻplab vujudga kelishi bilan bogʻliq. Oʻrta Osiyoda, chunonchi Fargʻona vodiysida soʻzoq (quyi E.), olay, turkiston (oʻrta E.), rishton, isfara, xonobod (yuqori E.) qatlari ajratiladi. E.ning yaruslarga boʻlinishi mahalliy xarakterga ega. Bu boʻlim yotqiziqlari bilan neft, qoʻngʻir koʻmir, fosforit, diatomit, temir rudalari va boshqalar konlar bogʻliq.