Ebrar Karakurt
| Ebrar Karakurt | |
|---|---|
 Ebrar Karakurt. 2018-yil. | |
| Shaxsiy maʼlumotlari | |
| Jinsi | ayol |
| Taxallusi/Laqabi | The Black Wolf |
| Fuqaroligi |
 Turkiya |
| Tavallud sanasi |
17-yanvar 2000-yil Balıkesir, Turkiya |
| Boʻyi | 1.93 m (6 ft 4 in) |
| Vazni | 72 kg (159 lb) |
| Sport | |
| Qaysi sport | Voleybol |
| Pozitsiyasi | qarshi va tashqi hujumchi |
| Klubi |
 Eczacıbaşı (ayollar voleybol klubi) |
Ebrar Karakurt (turkcha: Ebrar Karakurt; [ɛbɾ̞ɑɾ̞ kɑˈɾ̞ɑkuɾ̞t]; 2000-yil 17-yanvar, Balıkesir, Turkiya) — turkiyalik voleybolchi. Boʻyi 1.93 m (6 fut 4 dyuym)[1]. Hujumchi (qarshi) pozitsiyasida oʻynaydi. Hozirda Rossiyaning Lokomotiv Kaliningrad jamoasi va Turkiya ayollar milliy voleybol jamoasi safida toʻp suradi[2][3].
Voleyboldagi faoliyati
[tahrir | manbasini tahrirlash]Klub
[tahrir | manbasini tahrirlash]Ebrar Karakurt voleyboldagi faoliyatini Balıkesirdagi DSİ sport klubida boshlagan. Keyinchalik Bursa shahriga ko‘chib o‘tgan va u yerda Bursa Bahçeşehir Anadolu litseyi jamoasi hamda bir vaqtning o‘zida Bursa Büyükşehir Belediyespor klubi safida o‘ynagan. 2014—2015-yilgi Turkiya ayollar voleybol ligasida Bursa Büyükşehir Belediyespor (ayollar voleybol jamoasi) tarkibida qatnashgan[4]. Karakurt ikkita klub litsenziyasiga ega bo‘lib, bu unga Bursa Büyükşehir Belediyespor (ayollar voleybol jamoasi) va VakıfBank sport klubi jamoalarida bir vaqtning o‘zida o‘ynash imkonini bergan. Avvaliga Vakıfbank klubining yoshlar jamoasi a’zosi bo‘lgan, keyinchalik esa asosiy jamoaga qabul qilingan[5]. Vakıfbank tarkibida 2017—2018-yilgi CEV Ayollar Chempionlar Ligasida chempionlikni qo‘lga kiritgan. Karakurt 2020-yilda Türk Hava Yolları (ayollar voleybol jamoasi)ga o‘tgan[6].
Milliy jamoadagi faoliyati
[tahrir | manbasini tahrirlash]Ebrar Karakurt Turkiya U18 yoshlar jamoasi tarkibida 2017-yilgi U18 Yevropa chempionati (Niderlandiyada) va 2017-yilgi FIVB U18 Jahon chempionati (Argentinada)da ishtirok etgan[7]. Jahon chempionatida eng yaxshi ikkita tashqi hujumchidan biri sifatida e’tirof etilgan. Shuningdek, 2017-yilgi 2017—2018 CEV Ayollar Chempionlar Ligasida Turkiya U23 jamoasi tarkibida qatnashib, jamoasi bilan birga chempionlikni qo‘lga kiritgan[8].
Milliy jamoaga qabul qilingach, Karakurt bir qator yutuqlarga erishgan. Ularning eng muhimlaridan biri — 2019-yilda Anqarada o‘tkazilgan Ayollar o‘rtasidagi Yevropa chempionatida kumush medalga sazovor bo‘lishidir[9]. Shuningdek, 2018-yilgi FIVB Ayollar oʻrtasidagi Millatlar Ligasida jamoasi bilan kumush medalni qo‘lga kiritgan[10].
Shaxsiy hayoti
[tahrir | manbasini tahrirlash]2021-yil avgust oyida Karakurt Instagram sahifasida sevgilisi bilan tushgan suratini joylashtirgan. Mazkur post Takvim nomli konservativ gazetada chop etilgan va u yerda Karakurtning jinsiy orientatsiyasi “shov-shuvli” deya ta’riflangan. Bu esa ijtimoiy tarmoqlarda unga qarshi gomofobik haqoratlarga sabab bo‘lgan[11][12].
Turkiyalik dindorlardan biri Ahmet Mahmut Ünlü uni tanqid qilib, “bu qiz tufayli turklarga qanday musibatlar tushishini bilmayman”, deya fikr bildirgan[13]. Biroq bu hujumlardan so‘ng Karakurt ijtimoiy tarmoqlarda ko‘plab qo‘llab-quvvatlovchi xabarlar olgan. Turkiya Milliy Voleybol Federatsiyasi matbuot kotibi Kurtaran Mumcu Karakurtni qo‘llab-quvvatlab, unga qarshi bildirgan gomofobik fikrlarni keskin tanqid qilgan. Karakurtni qo‘llab-quvvatlagan mashhur shaxslar qatorida Demet Akalın, Eda Erdem Dündar va Naz Aydemir ham bo‘lgan[14][15].
Fanatik sport gazetasi bilan bo‘lgan intervyusida Karakurt o‘zini Beşiktaş J.K. futbol jamoasining ashaddiy muxlisi ekanini aytgan. U tez-tez Beşiktaş futbolkasida tushgan suratlarini ijtimoiy tarmoqlariga joylab boradi[16].
Manbalar
[tahrir | manbasini tahrirlash]- ↑ „Dünya Şampiyonu Ebrar Karakurt 1.Lig'de forma giyecek“.
- ↑ „Ebrar Karakurt“. archive.org. 2019-yil 15-fevralda asl nusxadan arxivlangan. Qaraldi: 26-iyul 2025-yil.
- ↑ „Ebrar Karakurt“. archive.org. olleyball Nations League. Archived from the original. 2019-yil 21-yanvarda asl nusxadan arxivlangan. Qaraldi: 26-iyul 2025-yil.
- ↑ „19 KARAKURT EBRAR“. tvf-web.dataproject.com. Qaraldi: 26-iyul 2025-yil.
- ↑ „Dünya Şampiyonu Ebrar Karakurt 1.Lig’de forma giyecek“. voleybolunsesi.com/. 2018-yil 2-iyunda asl nusxadan arxivlangan. Qaraldi: 26-iyul 2025-yil.
- ↑ „Ebrar Karakurt moves on loan to T.Airlines“. 2022-yil 24-yanvarda asl nusxadan arxivlangan. Qaraldi: 2020-yil 15-may.
- ↑ „Karakurt: "Maçı Aldığımız Yanlışına Düştük, Unutmamamız Gereken Bir Ders"“. milliyet.com.tr. Qaraldi: 26-iyul 2025-yil.
- ↑ „U23 Kadın Voleybol Milli Takımı 2017 Dünya 23 Yaş Altı Kadınlar Voleybol Şampiyonası’nı kazandı“. haberturk.com. Qaraldi: 26-iyul 2025-yil.
- ↑ „CEV EuroVolley 2019 - Women | EuroVolley“. eurovolley.cev.eu. Qaraldi: 2024-yil 20-fevral.
- ↑ „Olympics-Volleyball- Turkey's flamboyant spiker wants to snatch medal“ (en-GB). Yahoo Sports (2021-yil 30-iyul). Qaraldi: 2024-yil 20-fevral.
- ↑ „Ebrar Karakurt'un en büyük sırrı ifşa oldu! Herkes olimpiyatın yıldızı kimdir diye merak ederken skandal patlak verdi çıkanlar fena“. takvim.com.tr (2021-yil 17-avgust). 2021-yil 23-noyabrda asl nusxadan arxivlangan. Qaraldi: 2021-yil 23-noyabr.
- ↑ „Ebrar Karakurt: Supporters rally around Turkish volleyballer after abuse“ (en-GB). BBC News (2021-yil 16-avgust). 2021-yil 16-avgustda asl nusxadan arxivlangan. Qaraldi: 2021-yil 16-avgust.
- ↑ „Cüppeli Ahmet, milli voleybolcu Ebrar Karakurt'u hedef aldı: Başımıza ne işler açacak“. www.cumhuriyet.com.tr (2021-yil 12-avgust). 2021-yil 16-avgustda asl nusxadan arxivlangan. Qaraldi: 2021-yil 23-noyabr.
- ↑ „Turks rally around Olympic volleyball star attacked over sexuality – Al-Monitor: The Pulse of the Middle East“ (en). www.al-monitor.com. 2021-yil 16-avgustda asl nusxadan arxivlangan. Qaraldi: 2021-yil 16-avgust.
- ↑ „Türkiye Voleybol Federasyonu'ndan homofobik saldırılara maruz kalan Ebrar Karakurt'a destek“ (tr). BBC News Türkçe. 2021-yil 16-avgustda asl nusxadan arxivlangan. Qaraldi: 2021-yil 16-avgust.
- ↑ „Ebrar Karakurt'tan Beşiktaş sözleri“. Fanatik (2023-yil 10-may). Qaraldi: 2023-yil 10-may.