Distorsiya

Vikipediya, ochiq ensiklopediya
Jump to navigation Jump to search

Distorsiya (lot. distorsio — qiyshayish) — optik sistemalarda hosil boʻladigan tasvir nuqsonlari; bunda obʼyekt bilan uning tasviri orasida geometrik oʻxshashlik buziladi. D. tasvirning har xil qismi turlicha chiziqli kattalashishi natijasida hosil boʻladi. Koʻpincha, tasvirning chiziqli kattalashishi har bir nuqtasida har xil boʻladi. Shuning uchun tasvir asliga oʻxshamay chiqadi. Mas, D. xossasiga ega boʻlgan optik sistemada kvadratning tasviri buzilib chiqishi mumkin. D. hodisasi kuzatish asboblari va optik sistemalarda tasvir sifatiga uncha zarar keltirmasa ham aniq masalalarda hisobga olinadi. Eng yaxshi fotoapparatlar obʼyektivida D. 0,5% ga yaqin, aerosuratlar olish uchun ishlatiladigan obʼyektivlarda taxminan 0,01% boʻladi.[1]

Manbalar[tahrir]

  1. OʻzME. Birinchi jild. Toshkent, 2000-yil