Dinamo (futbol klubi, Samarqand)

FC Dinamo Samarqand

Toʻliq nomi	Dinamo Samarqand futbol klubi
Laqabi	The Lions (Oʻzbekcha: Sherlar) Arslonlar Dinamochilar
Asos solingan	1960 (1960)
Stadioni	Dinamo stadioni
Sigʻimi	13,800
President	Akbar Shukurov
Bosh murabbiy	Vadim Abramov
Liga	Oʻzbekiston Superligasi
Oʻrni	8 (2024)
Vebsayti	Klub sayti
Asosiy libosi Ikkinchi libosi

Dinamo (Samarqand futbol klubi) (inglizcha: FC Dinamo Samarqand, tojikcha: Dastai Futboli Dinamo Samarqand) – futbol klubi, Oʻzbekiston Super Ligasi vakili. Dinamo Samarqand Professional Futbol Klubi hozirda Oʻzbekiston Super Ligasida qatnashadi.

Jamoa tarixi

Jamoaning vujudga kelishi

Maʼlumotlarga qaraganda, 1958-yilda Samarqandda barpo etilgan bir necha zavodning ishchilari birlashib shahardagi dastlabki jamoani tuzishgan. Ushbu yangi jamoa dastlab havaskorlardan tashkil topgan boʻlib, 1960-yili Samarqandda tashkil etilgan. Shu yilning oʻzida esa Samarqand shahar rahbarlari, futbol mutasaddilarining jonkuyarligi, koʻrsatgan jonbozliklari evaziga jamoa tashkil etildi.

Jamoaning hozirgi nomiga bogʻliq maʼlumotlarga oʻtadigan boʻlsak, „Dinamo“ sobiq ittifoq davrida koʻngilli sport jamiyati nomi edi. Yoshi katta muxlislar yaxshi eslashadi, sobiq ittifoq chempionatida shu nom ostida koʻplab jamoalar toʻp surishgan. Xususan, oliy liganing oʻzida Kiyev, Moskva, Minsk va Tbilisi shaharlarining shu nomdagi klublari ishtirok etishardi.

Jamoa nomlari tarixi

Klub tashkil topganida yarim professional maqomiga ega edi, 2009-yildan jamoa Professional Futbol Klubi maqomini oldi. Jamoa nomlari bir-necha marotaba oʻzgargan. 2009-yili klub oʻzining tarixiy ismini qaytardi „Dinamo Samarqand“

• 1960–1963: Dinamo Samarqand
• 1963–1967: Spartak Samarqand
• 1967–1968: Soʻgʻdiyona Samarqand
• 1968–1970: FK Samarqand
• 1970–1976: Stroitel Samarqand
• 1976–1991: Dinamo Samarqand
• 1991–1993: Maroqand Samarqand
• 1993–1997: Dinamo Samarqand
• 1997–1998: Afrosiyob Samarqand
• 1998–2000: FK Samarqand
• 2000–2008: FK Samarqand-Dinamo
• 2008–present: FK Dinamo Samarqand

SSSR Chempionatlarida

Jamoa tashkil etilgach, dastlab turli xil turnirlarda ishtirok etish bilan kifoyalandi. Dastlab jamoas SSSR 2-ligasida qatnashgan. 1968-yili SSSR 2-Ligasida (Oʻrta Sharq Mintaqasi)dan sovrindorlar qatoridan joy olib, 2-Liganing asosiy turniriga yoʻllanmani qoʻlga kiritgan. Qator turnirlardagi kichik gʻalabalardan soʻng, futbolchilar jamoa tarkibidan muqim oʻrin egallashdi. Koʻp oʻtmay, klub Sobiq Ittifoq „B“ toifasidagi musobaqasida oʻz ishtirokini boshladi va 1964-yilga kelib „Dinamo“ turnirda 6 oʻrinni egalladi.

Samarqandliklar 1966-yilda oʻzining dastlabki xalqaro oʻyinida Fransiya jamoasi bilan Samarqanda oʻyin oʻtkazib 1:1 hisobini qayd etgan.

1968-yilda esa „Dinamo“ Mugʻuliston Qurolli kuchlari terma jamoasini qabul qilgan. Shiddatli kechgan oʻyinda dinamochilar mugʻullarni 2:1 hisobida dogʻda qoldirishgan.

Jamoa 1970-yillardan boshlab, jamoa nomi „Stroitel“ deya oʻzgartirilgan. 1970-yildan 1975-yilgacha „Stroitel“ deya yuritilgan. 1973-yilda esa bu jamoa Respublika chempionligini qoʻlga kiritdi.

1976-yilda samarqandlik futbolchilar Bolgariya jamoasini qabul qildilar. 1978-yilda esa Samarqand jamoasi Vengriya Futbol Federatsiyasining taklifiga koʻra, Vengriyada „Valan“ jamoasi mehmoni boʻlib qaytdi. Vengriyadagi oʻyinda doʻstlik gʻalaba qozongan, 2:2.

1979-yildan esa „Dinamo“ nomi yana tiklandi. Aynan oʻsha mavsumda jamoa Ittifoq birinchiligida 24 jamoa ichida faxrli 7-oʻrinni egalladi.

1980-yilda „Dinamo“ rahbariyati, jamoani xorijda oʻrtoqlik uchrashuvlarini oʻtkazish uchun Vyetnam davlatiga safar etdi. Xorijdagi oʻtkazilgan 5 ta oʻrtoqlik bahslarining 4 tasida samarqandliklar gʻalaba qozonishdi, bir uchrashuvda durang qayd etildi.

Shu yili jamoa sobiq Ittifoq chempionatining ikkinchi ligasida oʻz ishtirokini boshladi. Bu ligada Samarqandning „Dinamo“ jamoasi bir necha marotaba yuqori oʻrinlar uchun kurash olib bordi.

1978-yilda Samarqand futboli oʻzining eng iqtidorli futbolchilaridan biri – Sirojiddin Bozorovni mamlakatning bosh jamoasi Toshkentning „Paxtakor“ klubi uchun yetishtirib berdi.

80-90-yillar esa „Dinamo“ning sobiq Ittifoq ikkinchi ligasidagi eng muvaffaqiyatli ishtirokiga toʻgʻri keladi. Aynan oʻsha yillarda dinamochilar Kubok bahslarida chorak finalga qadar yetib kelishgan, ammo Samarqanddagi oʻtkazilgan oʻyinda, oʻsha davrlarda ancha kuchli tarkibga ega boʻlgan Litvaning „Jalgris“ futbolchilarga kichik hisobda imkoniyatni boy berishgan. Bu oʻyinda „Dinamo“ stadioni toʻlib toshganligi va oʻyinda samarqandliklar ustunlik qilganliklari haqida, jamoaning faxriy muxlislari hali hamon katta faxr bilan taʼkidlashadi.

SSSR chempionati natijalari

Mavsum	Liga									SSSR Kubogi	Eng yaxshi toʻpurar		Murabbiy
	Liga	OʻR	Oʻ	Gʻ	D	M	UG	OʻG	O		Ism	Liga
1960	3st	16	30	4	8	18	30	78	16		Yuriy Mamedov	6	Artyom Vartazarov
1961	3st	15	30	5	8	17	39	76	18		Vitaliy Nikitin	4	Artyom Vartazarov
1962	nomaʼlum sabablarga koʻra ishtirok etmadi
1963	3st	12	28	7	9	12	25	42	23		Ruben Shohnazarov	5	Anatoliy Morozov Saveliy Safronov
1964	3st	6	32	12	13	7	31	23	37		Rashid Mamedov	10	Saveliy Safronov Ruslanbek Dzasoxov
1965	3st	15	38	12	9	17	43	65	33				Ruslanbek Dzasoxov Yuriy Yusupov
1966	3st	14	36	9	10	17	25	32	28
1967	3st	4	42	16	17	9	40	32	49
1968	3st	3	42	19	16	7	55	38	54
1969	3st	2	46	23	15	8	70	37	61
1970	3st	11	32	7	11	14	35	40	25
1971—1975	Futbol bo‘yicha O‘zbekiston SSR chempionatida ishtirok etgan
1976	3st	19	40	14	5	21	38	49	33		Anatoliy Melixov	10	Viktor Orlov
1977	3st	15	40	13	10	17	50	51	36		Aleksand Mosesov	13	Sergey Budagov
1978	3st	19	44	12	10	22	46	69	34		Sergey Grigorovich	19	Yakov Kaprov
1979	3st	7	46	21	10	15	59	39	52		Sergey Grigorovich	18	Bahodir Ibrohimov Vitaliy Krasnoshyokov
1980	3st	1	36	26	4	6	80	38	56		Erkin Vohidov	17	Birodar Abduraimov
1981	3st	2	40	27	7	6	76	33	61		Sergey Xrulyov	17	Pyotr Shubin
1982	3st	1	36	25	6	5	63	19	56		Erkin Vohidov Sharif Fayziev	15	Vladimir Desyatchikov
1983	3st	3	40	22	8	10	70	45	52		Sergey Grigorovich	21	Vladimir Desyatchikov
1984	3st	1	38	21	13	4	67	39	55		Gennadiy Ichevskiy	26	Vladimir Desyatchikov
1985	3st	4	32	16	8	8	47	27	40		Gennadiy Ichevskiy	12	Aleksand Mosesov Nikolay Kiselyov
1986	3st	3	36	20	9	7	63	31	49		Gennadiy Ichevskiy Vladimir Gurmushov	12	Nikolay Kiselyov
1987	3st	4	36	18	8	10	56	43	44		Vladimir Gurmushov	12	Aleksandr Ivankov
1988	3st	14	36	13	5	18	46	60	31		Mixail Fomin Sergey Yurin	8	Aleksandr Ivankov
1989	3st	13	40	15	9	16	53	52	39		Olim Tillayev	16	Vladimir Fedin
1990	4st	4	38	19	7	12	67	39	45		Sharif Fayziev	12	Shavkat Ahmerov Yuriy Mamedov
1991	4st	8	50	25	8	17	92	69	58		Hamza Jabborov	17	Rustam Istamov

Oʻzbekiston Chempionatlarida

Mustaqil Oʻzbekistonda klub uzoq vaqtdan beri Oʻzbekiston Oliy ligasining doimiy ishtirokchilaridan biri boʻlgan. (2018-yil>dan buyon Oʻzbekiston Superligasi deb yuritiladi). 20-asrning oxirgi yillarida va soʻnggi vaqtlarda (1994, 1998, 2016, 2018, 2020, 2021, 2023) Birinchi ligada (2018-yildan buyon Oʻzbekiston Pro ligasi deb ataladi) oʻynagan.

1992-yilda SSSR parchalanganidan soʻng klub nomi „Maroqand“ga oʻzgartirilgan va Oʻzbekiston chempionati Oliy ligasining dastlabki, 1-mavasumida ishtirok etgan. „Maroqand“ jamoasi debyut mavsumida 17 jamoa orasida 10-oʻrinni egallagan, Oʻzbekiston Kubogida esa yarim final bosqichiga qadar yetib borgan. 1993-yilda klub oʻzining „Dinamo“ nomini qaytardi. Ammo jamoa oxirgi, 16-oʻrinni egallab, Oʻzbekiston chempionatining Birinchi ligasiga tushib ketdi. Oʻsha yili Oʻzbekiston kubogining 1/4 final bosqichida toʻxtadi. „Dinamo“ 1994-yilgi mavsumni Birinchi ligada oʻtkazgan va 2-oʻrinni egalab Oliy ligaga qaytgan. 1997-yilda jamoa yana muvaffaqiyatsiz oʻyinlari sababli 15-oʻrinni egalladi va Birinchi ligaga tushib ketgan. 1997-yil 2-yarmidan 1998-yil oxirigacha klub „Afrosiyob“ nomi ostida musoboqalarda ishtirok etgan. 1998-yilgi mavsumda jamoa Birinchi ligada 2-oʻrinni egalladi va yana Oliy liga yoʻllanmasini qoʻlga kiritgan.

1994 va 1998-yillar „Dinamo“ uchun omadsiz kelgan. Jamoa mavsum yakuniga koʻra, birinchi ligaga ravona boʻlgan.

Dinamo klubi 2013-yilgi mavsumda

1996-1997-yillarda jamoa „Afrosiyob“ nomi bilan Oliy liga bahslarida ishtirok etdi.

1998-yil oxirida klub nomi Samarqand deb oʻzgartirildi (2000-yilgacha). 1999-yil Oliy ligaga qaytgan mavsumida 5-oʻrinda yakunlagan. 2000-yilda jamoa tarixidagi eng yuqori yutuqlarini qoʻlga kiritdi. Oliy ligada 4-oʻrin va 1999/2000-yilgi Oʻzbekiston kubogi finaliga chiqdi, unda Samarqand klubi Toshkent viloyatining „Doʻstlik“ jamoasiga 1:4 hisobida magʻlub boʻldi. 2000-yil oxirida jamoa nomi „Samarqand-Dinamo“ deb oʻzgartirildi va 2008-yil oxirigacha saqlanib qoldi. 2001-yilgi mavsumdan boshlab klub katta muvaffaqiyatlarga erisha olmadi va Oliy ligada oʻrta dehqonlardan biriga aylandi.

1999-yilda „Dinamo“ Oliy ligaga qaytgach, jamoa bosh murabbiyi etib rahmatli Mahmud Rahimov tayinlandi. Ushbu mutaxasis faoliyatining dastlabki yilida katta hajmdagi seleksiya ishlarini olib bordi va mavsumni kuchli beshlikda yakunladi.

2000-yilning 3-fevralida jamoa nomi „Samarqand-Dinamo“ deya yuritila boshlandi. Samarqandliklar uchun eng omadli mavsum sifatada yodda qolgan 1999-2000-yillarda jamoa chempionat davomida ajoyib oʻyinlarini koʻrsatib, muxlislar olqishiga sabab boʻldi. Oʻsha yili jamoa tarkibi ancha kuchli koʻrinish olgandi. Darvozada Yevgeniy Safonov, himoyachilar Davron Fayziyev, Rahmatullo Fuzaylov, yarim himoyada Ilhom Sharipov, yosh Gladkovlar, Umid Abdurahmonov, Elshan Gambarov, hujumda Ravshan Bozorov, Muhsin Muhammadiyev Jaʼfar Irismetovlar harakat qilishardi.

Aynan oʻsha mavsumda jamoa tarixidagi koʻpgina rekordlar yangilandi. Oʻsha mavsumda samarqandlik futbolchilarning chempionatdagi eng asosiy raqobatchilari „Doʻstlik“ jamoasi edi. Oliy liga oʻyini doirasidagi Samarqandda oʻtkazilgan bahsda „Dinamo“ oʻyingohida 30000 muxlis yigʻilgan va futbolchilar suyukli muxlislariga 6:3 hisobidagi ajoyib sovgʻani hozirlashgandi.

Jamoaning Oliy liga tarixidagi eng yirik gʻalabasi ham aynan 2000-yilgi mavsumda kuzatilgan. Oʻz maydonida oʻtkazilgan uchrashuvda mezbonlar Angrenning „Semurgʻ“ futbolchilari ustidan 8:0 hisobida zafar quchishgan.

2000-yilgi mavsumda samarqandliklar jamoasi oʻz maydonida Oʻzbekiston terma jamoasi bilan oʻrtoqlik oʻyini oʻtkazib 4:1 hisobida zafar quchgan. Shuningdek, Samarqandda Ozarbayjon termasi bilan oʻtkazilagan oʻrtoqlik oʻyinida „Dinamo“ futbolchilari 1:0 hisobida gʻalabani tantana qilishgan. Bundan tashqari, koʻhna shaharda terma jamoamiz oʻzining bir nechta muvaffaqiyatli oʻyinlarini oʻtkazgan.

2000-yilgi mavsumning yakunida esa „Samarqand-Dinamo“ jamoasi Oʻzbekiston Kubogi finalida Toshkent viloyatining „Doʻstlik“ jamoasi bilan „Paxtakor“ oʻyingohida kuch sinashdi. Gollarga boy oʻtgan uchrashuvda „Doʻstlik“ 4:1 hisobida gʻalaba qozonib Kubok sohibiga aylandi. Dinamochilar esa shu yili Oliy liga tarixdagi eng yaxshi natijalari toʻrtinchi oʻrinni egallashdi. Koʻpchilik, oʻsha yillardan soʻng „Dinamo“ning yangi mavsumda chempionlik uchun kurashishini taxmin qilayotgandi, ammo tajribali murabbiy rahmatli Mahmud Rahimovning bevaqt oʻlimi, bu orzularni yoʻqqa chiqardi…

Dinamo jamoasi 2007-yil Quruvchi jamoasi qarshi.

2000-yilgi natijani jamoa hozirga qadar takrorlay olgani yoʻq.

Umuman olganda, koʻhna shahar vakillari elitada 25 mavsum mobaynida toʻp surishgan. 6 mavsum jamoa birinchi ligada toʻp surishga majbur boʻlgan. Shu kungacha „Dinamo“ni 18 nafar murabbiy boshqargan. Klubda eng koʻp ishlagan mutaxassis – bu tojikistonlik Hakim Fuzaylovdir.

„Dinamo“da oʻtgan yillar mobaynida mamlakatimizning taniqli mutaxassislari – Birodar Abduraimov, Mahmud Rahimov, Vladimir Desyatchikov, Valeriy Letkin, Sergey Xrulev, Vladimir Dotsenko, Ahmad Ubaydullayev, Aleksandr Ivankov, Baxtiyor Gʻafurov, Kamo Gazarov va Bahrom Hakimovlar faoliyat yuritishgan. Shuningdek, yuqorida aytib oʻtganimizdek, tojikistonlik Hakim Fuzaylov va turkmanistonlik Tachmurod Agamurodovlar ham klub tarixidan joy olishgan. Oʻtgan mavsumlar davomida iqtidorli murabbiy, taniqli sobiq futbolchi Azamat Abduraimov ham aynan Samarqand jamoasida murabbiylik faoliyatini boshlab klub tarixida munosib iz qoldirdi. Bugunga kelib esa, yurtimizning eng iqtidorli murabbiylaridan biri Ilhom Sharipov „Dinamo“ klubi zarvaraqlarida yangi sahifani ochishga bor kuch va gʻayratini ishga solmoqda.

Yillar davomida erishilgan eng yaxshi yutuq 2007-yildagi 5-oʻrin boʻlgan boʻlsa, oradan bir mavsum oʻtib samarqandliklar 6-oʻrinni egalladi. 2008-yil oxirida „Dinamo“ tarixiy nomi klubga qaytarildi va u hozirgacha oʻynamoqda.

2015-yilgi mavsum yakunida soʻnggi, 16-oʻrinni egallagan „Dinamo“ oʻz tarixida 3-marta Oʻzbekiston Birinchi ligasiga tushib ketdi. 2016 yilda birinchi marta 1-oʻrinni egalladi va yana Premer-ligaga yoʻllanma oldi, u yerda 2017 yilgi mavsumda yana 12-oʻrindan (16 ta klub orasida) elitadan tushib ketdi.

2018-yilda Samarqandning „Dinamo“ jamoasi saviya va ahamiyatiga koʻra mamlakatning 2-futbol ligasi hisoblangan Pro -ligada 5-oʻrinni egalladi. 2019 yilgi mavsumdan boshlab jamoa yana Oʻzbekiston Superligasida oʻynamoqda. 2019-yilda „Dinamo“ Oʻzbekiston Superligasida ishtirok etib, 14-oʻrinni egalladi va 24 ochko bilan musobaqadan chiqib ketdi. 2021-yilda „Dinamo“ Pro-ligada oʻynadi va 28 ochko bilan 2-oʻrinni egalladi.

Yillar davomida erishgan eng yaxshi yutugʻi 2007-yilda 5-oʻrin boʻlgan boʻlsa, oradan bir mavsum oʻtib samarqandliklar 6-oʻrinni egalladi. 2008-yil oxirida klub oʻzining tarixiy nomi „Dinamo“ ga qaytarildi va u hozirgacha oʻynamoqda. 2015-yilgi mavsum yakunida soʻnggi, 16-oʻrinni egallab turgan „Dinamo“ oʻz tarixida 3-marta Oʻzbekiston Birinchi ligasiga tushib ketdi. 2016 yilda u birinchi marta 1-oʻrinni egalladi va yana Oliy ligaga yoʻllanma oldi, u yerda 2017-yilgi mavsumda 12-oʻrindan (16 ta klub orasida) yana elitadan chiqib ketdi.

2018-yilda Samarqand „Dinamo“ jamoasi saviya va ahamiyatiga koʻra mamlakatning 2-futbol ligasi hisoblangan Pro-ligada 5-oʻrinni egalladi. 2019-yilgi mavsumdan boshlab jamoa yana Oʻzbekiston Superligasida ishtirok etmoqda. 2019-yilda „Dinamo“ Oʻzbekiston Superligasida ishtirok etib, 14-oʻrinni egalladi va 24 ochko jamgʻarib, quyi ligaga tushib ketdi. 2021-yilda „Dinamo“ Pro-ligada oʻynadi va 28 ochko jamgʻarib, 2-oʻrinni egalladi.

Klub afsonalari

Dinamoning eng koʻp maydonga tushgan oʻyinchisi bu Oleg Gorvits.

Dinamo uchun eng koʻp liga musoboqalarida gol urgan futbolchi: Hamza Jabborov (95 ta gol).

Qiziqarli faktlar

Jamoaning eng yirik hisobdagi gʻalabasi bu 2000-yilda Semurgʻ ustidan boʻlgan 8:0.

Eng yirik hisobdagi magʻlubiyati (8:0) 1997-yili Neftchidan olingan.

Mahalliy tarix

Mavsum	Liga									Oʻzbekiston Kubogi	Eng Yaxshi toʻpurar		Murabbiy
	Div.	Oʻrin	Oʻ	Gʻ	D	M	UG	OʻG	O		Ism	Liga
1992	1	10	32	8	10	14	29	46	26	Yarim final	Hamza Jabborov	17	Nikolai Solovyov
1993	1	16	30	6	3	21	22	59	15	Chorak final	Aleksandr Babayan Izzatillo Fayzullayev	4	Rustam Istamov
1994	2	2	34	22	7	5	81	29	51	Chorak final	Hamza Jabborov	24	Ahmad Ubaydullayev
1995	1	11	30	10	5	15	24	37	35	1/16 final bosqichi	Hamza Jabborov	11	Ahmad Ubaydullayev
1996	1	10	30	11	1	18	36	45	34	Dastlabki guruh bosqichi	Hamza Jabborov	12	Ahmad Ubaydullayev Sergey Dotsenko
1997	1	15	34	8	8	18	35	73	32	Birinchi saralash bosqichi	Olim Tillayev Izzatillo Fayzullayev	7	Sergey Dotsenko
1998	2	2	38	26	8	4	105	44	86	Nimchorak final	Timur Iskanderov	30	Mahmud Rahimov
1999	1	5	30	15	8	7	57	38	53	Ikkinchi oʻrin	Jafar Iresmetov	19	Mahmud Rahimov
2000	1	4	38	24	3	11	92	47	75		Muhsin Muhammadiyev	26	Hakim Fuzaylov
2001	1	12	34	14	3	17	62	68	45	Nimchorak final	Muhsin Muhammadiyev	15	Hakim Fuzaylov
2002	1	13	30	9	5	16	24	46	32	1/16 final bosqichi	Ravshan Bozorov Alisher Polatov	6	Hakim Fuzaylov
2003	1	8	30	11	2	17	40	46	35	Nimchorak final	Mixail Fomin	7	Birodar Abduraimov
2004	1	13	26	6	2	18	25	48	20	1/16 final bosqichi	Asqar Beknazarov	5
2005	1	8	26	11	3	12	28	32	36	Nimchorak final	Umid Isoqov	6
2006	1	8	30	12	4	14	39	39	40	Nimchorak final	Bahodir Nasimov	9
2007	1	5	30	14	8	8	48	36	50	Chorak final	Farhod Tojiyev	20	Toshmurod Ogʻamurodov
2008	1	6	30	12	6	12	40	30	42	Chorak final	Ilyos Qurbonov	11	Toshmurod Ogʻamurodov Azamat Abduraimov
2009	1	9	30	11	5	14	44	42	38	Nimchorak final	Bahodir Nasimov	10	Azamat Abduraimov
2010	1	12	26	6	9	11	28	33	27	Chorak final	Jafar Irismetov	11	Azamat Abduraimov Viktor Jalilov
2011	1	10	26	8	5	13	23	25	29	Chorak final	Ivan Nagayev	6	Viktor Jalilov Ahmad Ubaydullayev
2012	1	9	26	9	2	15	27	29	29	Nimchorak final	Roʻzimboy Ahmedov	11	Ahmad Ubaydullayev
2013	1	8	26	8	8	10	28	36	32	1/16 final bosqichi	Farrux Shotursunov	8	Kamo Gazarov Ravshan Haydarov
2014	1	10	26	8	4	14	25	39	28	Chorak final	Sanʼat Shixov	7	Ravshan Haydarov Toshmurod Ogʻamurodov
2015	1	16	30	6	7	17	28	48	25	1/16 final bosqichi	Kamoliddin Murzoyev	8	Toshmurod Ogʻamurodov Bahrom Hakimov
2016	2	1	32	26	4	2	86	19	82	1/16 final bosqichi	Amirjon Safarov	22	Bahrom Hakimov Ilhom Sharipov
2017	1	12	30	8	8	14	21	35	32	Yarim final	Amirjon Safarov	4	Ilhom Sharipov Edgar Gess Oleg Tyulkin
2018	2	5	32	15	7	10	41	26	52	Nimchorak final	Pavel Purushkin	10	Ilhom Sharipov Davron Fayziyev
2019	1	14	26	6	6	14	25	47	24	Uchinchi saralash bosqichi	Qadambay Nurmetov	5	Davron Fayziyev Toshmurod Ogʻamurodov
2020	2	3	20	9	5	6	25	19	32	Ikkinchi saralash bosqichi	Oybek Nurmatov	5	Sergey Lushan Ravshan Ahmedov Jasur Hakimov
2021	2	2	20	11	2	7	33	28	35	Nimchorak final	Roʻzimboy Ahmedov	12	Hakim Fuzaylov
2022	1	14	26	3	6	17	24	47	15	Guruh bosqichi	Marat Bikmayev	8	Predrag Rogan Andrey Shpilov Vadim Abramov
2023	2	2	20	11	8	1	35	11	41	Yarim final	Joel Kojo	12	Vadim Abramov
2024	1	8	26	9	5	12	35	38	32	Guruh bosqichi	Anvar Xojimirzayev	10	Vadim Abramov
2025	1

Xalqaro Musobaqalarda natijalar

Musobaqa	Oʻ	Gʻ	D	M	UG	OʻG	O
Osiyo kubogi egalari kubogi	2	-	-	2	5	4	0

2000/2001-yilgi mavsumda „Dinamo Samarqand“ ushbu turnirda qatnashgan. Ushbu turnirga yoʻllanmani jamoa Oʻzbekiston Kubogida finalgacha yetib borganida qoʻlga kiritgan. „Osiyo Kubok Egalari Kubogi“ mavsum 2000/2001,Saralash bosqichi „Gʻarbiy Osiyo zonasi“ 1-raund (Markaziy Osiyo mini zonasi).

Mavsum	Musobaqa	Bosqich	Klub	Uy	Safar	Umumiy hisob
2000/2001	Osiyo kubogi egalari kubogi	Birinchi bosqich	Nebitchi	2-3	3-4	5-7

Klubning eski logotiplari

• 

Klub stadioni

Asosiy maqola: Dinamo (stadion, Samarqand)

Dinamo Samarqand stadioni.

Dinamo Samarqand. PFK oʻz uy uchrashuvlarini Samarqanddagi „Dinamo Stadioni“da oʻtkazadi. Stadion 1963-yili qurib bitkazilgan, oʻsha paytda stadion sigʻimi 16.000 edi. Ushbu stadion 13.800 muxlisni oʻz bagʻriga sigʻdira oladi. 2012-yil rekonstrusiya ishlaridan oldin, bu stadion 16.000 muxlisni sigʻdira olardi. 2012-yili stadion toʻliq kapital rekonstruksiya qilingan. Stadionda zamonaviy kiyinish xonalari, Dush kabinalari, Hakamlar uchun maxsus xona, Jurnalistlar xonasi, Kafe, Klub Muzeyi, VIP va CIP oʻrinlar bor. Samarqanddagi „Dinamo Stadioni“ Oʻzbekistondagi eng yaxshi stadionlardan biridir.

1992-yildagi, eng esda qolarli voqea sifatida Oʻzbekiston Kubogining final uchrashuvini Samarqand shahridagi „Dinamo“ stadioniga oʻtkazilishi boʻldi. Ilk marta oʻtkazilgan musobaqa finalida „Dinamo“ oʻyingohida Namanganning „Navbahor“ va Qoʻqonning „Temiryoʻlchi“ jamoalari finalga roʻbaroʻ kelishib, penaltilar bahsida namanganliklar zafar quchishgan.

Yutuqlari

• Oʻzbekiston chempionati – Oliy ligada 4-oʻrin (2000).
• Oʻzbekiston kubogi finalchisi – (1999/2000).
• Oʻzbekiston Pro ligasi :
  • Chempionlar (1): 2016 yil

Futbolchilar

Joriy tarkib

2025-yil 10-mart haloatiga koʻra

Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.

R.	Poz.	Millati	Futbolchi
4	DF	UZB	Akbar Abdirasulov
5	MF	BRA	Maycon Douglas
6	DF	UZB	Jahongir Oʻrozov
7	MF	BRA	Ratinho Fransisko Jurani
8	MF	UZB	Sanjar Qodirqulov
9	FW	UZB	Mirjahon Mirahmadov
10	MF	UZB	Anvar Xojimirzayev
11	MF	UZB	Xislat Halilov
12	MF	UZB	Abdulahadjon Hoshimov
13	GK	UZB	Ravshanbek Yagudin
14	FW	UZB	Bahodir Nasimov
15	DF	UZB	Maqsudxoʻja Aʼloxoʻjayev
16	FW	NGA	Richard Friday
17	DF	UZB	Salim Mustafoyev

R.	Poz.	Millati	Futbolchi
18	DF	UKR	Oleksandr Kucherenko
20	DF	UZB	Jaloliddin Jumaboyev
21	MF	UZB	Muhammadaziz Ibrohimov
22	DF	UZB	Ulugʻbek Abdullayev
23	MF	UZB	Behruz Oblaqulov
24	MF	UZB	Muhsin Bozorov
25	MF	UZB	Oybek Oʻrmonjonov
27	GK	UZB	Edem Nemanov
37	MF	UZB	Firdavs Abdurahmonov
55	DF	TJK	Manuchehr Safarov
71	GK	UZB	Sarvar Karimov
77	DF	UZB	Vohidjon Oqboʻtayev
88	MF	SRB	Marko Stanojević

U21

Yana qarang: Futbol boʻyicha Oʻzbekiston chempionati (21 yoshgacha)

Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.

R.	Poz.	Millati	Futbolchi
1	GK	UZB	Javohir Rustamov
2	DF	UZB	Gʻolibjon Bahromov
3	DF	UZB	Gʻolibjon Odilov
19	MF	UZB	Oybek Hamroqulov
26	DF	UZB	Azizbek Ahmedov
28	DF	UZB	Bakir Saidov
29	DF	UZB	Dilyor Abdusattorov
30	DF	UZB	Shohjahon Islomov
31	MF	UZB	Ilhom Joʻrayev
32	DF	UZB	Vorisjon Ma’rufov
33	DF	UZB	Jamol Qlichev
34	DF	UZB	Murodbek Gʻafforov

R.	Poz.	Millati	Futbolchi
35	MF	UZB	Edem Seyveliyev
36	MF	UZB	Ismoilbek Farhodov
38	MF	UZB	Dilyorjon Baxtiyorov
39	MF	UZB	Saidakbar Neʼmatov
40	MF	UZB	Shohjahon Ismatov
41	MF	UZB	Gʻayrat Namozov
42	MF	UZB	Temur Ahmadjonov
44	MF	UZB	Ravshan Abdumanonov
45	MF	UZB	Mansur Sharipov
47	FW	UZB	Javohir Gulmatov
48	DF	UZB	Mirjahon Murodov

U19

Yana qarang: Futbol boʻyicha Oʻzbekiston chempionati (19 yoshgacha)

Klub hodimlari

Klub rahbariyati va maʼmuriyati

• Furqat Rahimov – Klub Prezidenti
• Firdavs Karimov – Vitse Prezident
• Odil Ziyotov – Maʼmur

Murabbiylar shtabi

2024-yilgi mavsum uchun murabbiylar shtabi.

• Vadim Abramov – Bosh murabbiy
• Marat Miftaxutdinov – Yordamchi Murabbiy
• Dilshod Sharofutdinov – Yordamchi Murabbiy
• Abdusattor Rahimov – Darvozabonlar murabbiyi

Boshqaruv tarixi

Taqdim etilgan maʼlumotlarda kichik noaniqliklar boʻlishi mumkin.

Yil	Trener
1961-yil	Aleksey Lapshin
1962—1979-yillar	maʼlumot yoʻq
1976-yil	Vyacheslav Koltsov
1980—1981-yillar	Birodar Abduraimov
1982—1984-yillar	Vladimir Desyatchikov
1985-yil (1-bosqich)	Aleksey Masesov
1985—1986-yillar	Nikolay Kiselyov
1987—1988-yillar	Aleksandr Ivankov
1989-yil	Vladimir Fedin
1990-yil (1-davra)	Shavkat Axmerov
1990-yil (2-bosqich)	Yuriy Mamedov
1991-yil	Rustam Istamov
1992-yil	Nikolay Solovyov
1993-yil (1-bosqich)	Rustam Istamov
1993-yil (2-bosqich)	Vladimir Desyatchikov
1994—1997-yillar	maʼlumot yoʻq
1998—2000-yillar	Mahmud Rahimov
2000—2002	Hakim Fuzaylov
2003-yil	Birodar Abduraimov
2004—2006	maʼlumot yoʻq
2007—2008-yillar	Toshmurod Ogʻamurodov
2008—2010	Azamat Abduraimov
2010—2011	Viktor Jalilov
2011—2012	Ahmad Ubaydullayev
2012-yil	Sergey Arslanov
2013-yil (1-bosqich)	Kamo Gazarov
2013—2014-yillar	Ravshan Haydarov
2014—2015-yillar	Toshmurod Ogʻamurodov
2015-yil	Baxrom Hakimov
2016-yil	Uchqun Qobilov
2016-yil	Ilhom Sharipov
2017-yil	Edgar Gess
2017-yil	Oleg Tyulkin
2018	Ilhom Sharipov
2018—2019	Davron Fayziev
2019	Toshmurod Ogʻamurodov
2020	Ravshan Ahmedov
2020	Sergey Lushan
2020	Jasur Hakimov
2021-yil	Hakim Fuzaylov
2022	Predrag Rogan
2022	Andrey Shipilov
2022—h. v.	Vadim Abramov

Mashhur Futbolchilari

"Dinamo" oʻyinchisi Bahodir Nasimov „rubin“ klubi tarkibida.

• Vladislav Baturin
• Ravshan Doʻrmonov
• Ignatiy Nesterov
• Andrey Akopyans
• Ivan Nagayev
• Bahodir Nasimov
• Aleksandr Kletskov
• Oleg Gorvits
• Jaʼfar Irismetov
• Ilhom Yunusov
• Hamza Jabborov
• Ravshan Bozorov
• / Yevgeniy Safonov
• / Muhsin Muhammadiyev
• Shuhrat Jabborov
• Elshan Gambarov
• Karim Isroilov
• David Oniya
• Andriy Melnichuk
• Andrey Yeroxin
• Vladimir Kilikevich
• Denis Romanenko

Raqobat

Samarqand „Dinamo“si Oʻzbekistondagi eng yirik muxlislar armiyasidan biriga ega. Jamoaning deyarli har bir oʻyinida 13800 tomoshabinga moʻljallangan „Dinamo“ stadioni toʻlib-toshgan.

Samarqandning „Dinamo“ jamoasining asosiy raqibi shu nomli shahar va qoʻshni Buxoro viloyatining asosiy jamoasi „Buxoro“ klubi hisoblanadi.

Ayni paytda „Dinamo“ va „Buxoro“ muxlislari oʻzaro doʻstona munosabatlarga ega boʻlib, agar mamlakatning boshqa klublari oʻyinda sevimli klubiga raqib boʻlishsa, har ikki jamoani bir-biriga yaqinlashtiradi.

Samarqandning „Dinamo“ va „Buxoro“ jamoalari ishtirok etgan „Qadimiy shaharlar derbisi“ mamlakatimizda juda mashhur. Har ikki klub ham Oʻzbekiston va dunyoning eng qadimiy shaharlaridan biri – Samarqand va Buxoro sharafini himoya qiladi. Jamoalar oʻrtasidagi oʻyinlar ajoyib oʻtmoqda va muxlislar oʻrtasida sotib olingan.

Samarqandning ham oʻziga xos „Samarqand derbisi“ borki, bu kamdan-kam uchraydi. Agar „Dinamo“, „Sherdor“ va „Spartak“ klublari, shuningdek, shaharning kichik va unchalik tanish boʻlmagan klublari oʻzaro toʻqnash kelsa, oʻyin norasmiy tarzda xuddi shunday maqomga ega .

Samarqand „Dinamo“sining koʻplab taxalluslari bor: „Samarqandliklar“; „Yoʻlbarslar“ – shahar gerbida ham aks ettirilgan klub va Samarqand shahrining ramzi; „Starogorodtsy“ (oʻzbekcha: Koʻhna shaharliklar) – Samarqandning qadimiyligiga ishora; boshqa taxalluslar ham bor.

Homiylari

Urgut shahrida joylashgan „Urgaz carpet“ maʼsuliyati cheklangan jamiyat klub homiysi hisoblanadi kompaniya yirik gilam ishlab chiqarish klasteri hisoblanadi.

Havolalar

• FC Dinamo Samarqand ^(oʻzb.) Klub rasmiy sayti
• FC Dinamo Samarqand (Wayback Machine saytida 2012-05-08 sanasida arxivlangan) ^(oʻzb.) Jamoaning norasmismiy sayti
• FC Dinamo Samarqand ^(rus.) Jamoaning norasmiy sayti
• FC Dinamo Samarqand (Wayback Machine saytida 2012-12-18 sanasida arxivlangan) ^(ingl.)
• FC Dinamo Samarqand ^(ingl.) Soccerway.com saytidagi profil
• FC Dinamo Samarqand ^(ingl.) National-football-teams.com saytidagi profil