Danièle Djamila Amrane-Minne
| Danièle Djamila Amrane-Minne | |
|---|---|
 | |
| Tavalludi | 13-avgust 1939-yil |
| Vafoti |
11-fevral 2017-yil Béjaïa, Jazoir |
| Fuqaroligi | Fransiya va Jazoir |
| Faoliyat yillari | 1956–1962 |
| tashkilot | National Liberation Army (ALN) |
| Onasi | Jacqueline Netter-Minne-Guerroudj |
Danièle Minne (1939-yil 13-avgust, Neuilly-sur-Seine — 2017-yil fevral[1]) — Jazoir urushi davrida Jazoir milliy ozodlik harakatiga yordam bergani uchun sudlangan kam sonli yevropalik ayollardan biri. Onasi Jacqueline Netter-Minne-Guerroudj va oʻgay otasi Abdulqodir Guerroudj ham Fernand Ivetonning sheriklari sifatida oʻlim jazosiga hukm qilingan[2]. Fernand Iveton Jazoir qoʻzgʻoloni sabab gilotinada qatl etilgan yagona yevropalik edi. Biroq onasi Simone de Beauvoir tomonidan olib borilgan kampaniya tufayli qatl etilmagan, oʻgay otasi ham keyinchalik ozod qilingan[3].
Danièle Minne 17 yoshida kurashga qoʻshilib, yashirin faoliyat olib borgan va Djamila taxallusidan foydalangan. Jazoir urushida jangchi ayollardan biri boʻlib, fidayat oʻlaroq tanilgan[4]. Jazoir jangi paytida kamida ikki bomba qoʻygan va 1957-yilda 3-viloyat hududidagi partizan guruhiga qoʻshilgan[5]. Tarixchi Alistair Horne uning missiyalaridan birini tasvirlab, u joylashtirgan bombalardan biri Rue Micheletdagi talabalar orasida mashhur Otomatic barida portlab, bir yosh qiz va yana bir necha kishining jarohatlanishiga sabab boʻlganini yozgan[6].
Minne 1956-yil dekabrida hibsga olingan va 1957-yil 4-dekabrda voyaga yetmaganlar sudi tomonidan 7 yil qamoq jazosiga hukm qilingan.
1962-yilda Jazoir mustaqillikka erishgach ozodlikka chiqqan. Keyinchalik Jazoir urushida ayollarning ishtiroki haqida doktorlik dissertatsiyasini yozgan. Tadqiqot 1978—1986-yillar oraligʻida 88 nafar ayol bilan oʻtkazilgan suhbatlarga asoslangan boʻlib, keyinchalik „Des femmes dans la guerre d’Algérie“ nomi bilan kitob sifatida nashr etilgan. Ushbu kitob Parminder Vir tomonidan suratga olingan „Algeria: Women at War“ filmi uchun ham asos boʻlgan[7].
1964-yilda turmushga chiqqach, Djamila Amrane nomi bilan tanila boshlagan. Keyinchalik Jazoir universitetida ishlagan, 1999-yilga kelib esa Fransiyadagi Toulouse universitetida tarix va feministik tadqiqotlar boʻyicha professor boʻlgan.
Otomatic hujumi (1957-yil 26-yanvar)
[tahrir | manbasini tahrirlash]Danièle Minne 1956-yilda talabalar ish tashlashida qatnashgan va Djamila taxallusi ostida jazoirlik millatchilar qoʻzgʻoloniga qoʻshilgan. Jazoir jangi davrida Jazoir milliy ozodlik harakatining „bomba tarmogʻi“ aʼzosi boʻlgan. Jazoir shahridagi jamoat joylarida, ayniqsa yoshlar tez-tez boradigan kafelarda bomba qoʻygan yosh ayollar guruhining bir qismi edi. Bu hujumlar natijasida bir necha kishi halok boʻlgan.
Universitetdagi faoliyati va ijodi
[tahrir | manbasini tahrirlash]Jazoir mustaqillikka erishgach, Danièle Minne Jazoir fuqaroligini qabul qilgan va 1964-yilda turmushga chiqqach Djamila Amrane nomi bilan tanila boshlagan. U Jazoir universitetida tahsil olgan. 1988-yilda doktorlik darajasini olgach, 1999-yilda Toulouse universitetida tarix va ayollar tadqiqotlari boʻyicha professor boʻlgan[8].
Djamila Amranening sheʼrlari 26 nafar muallif asarlari jamlangan „Espoir et parole“ nomli toʻplamga ham kiritilgan[9].
Manbalar
[tahrir | manbasini tahrirlash]- ↑ Mujaheeda Danièle Djamila Amrane Minne passes away (Wayback Machine saytida 2017-02-13 sanasida arxivlangan)
- ↑ Andrée Dore-Audibert. Des Françaises d'Algérie dans la Guerre de libération: des oubliées de la guerre de libération. KARTHALA Editions, 1995. ISBN 2-86537-574-9.
- ↑ James D. Le Sueur. Uncivil War: Intellectuals and Identity Politics During the Decolonization. University of Pennsylvania Press, 2001. ISBN 0-8122-3588-6.
- ↑ Chris Kutschera. What happened to Algeria's Fighting Women?. Qaraldi: 2008-yil 10-fevral.
- ↑ Seferdjeli, Ryme (2012). "Rethinking the History of Themujahidatduring the Algerian War" (en). Interventions 14 (2): 238–255. doi:10.1080/1369801x.2012.687902. Archived from the original on 2020-03-11. https://web.archive.org/web/20200311090819/https://acces-distant.sciencespo.fr/doi/pdf/10.1080/1369801X.2012.687902?needAccess=true. Qaraldi: 2018-03-17.Danièle Djamila Amrane-Minne]]
- ↑ Mortimer, Mildred (2012). "Tortured Bodies, Resilient Souls: Algeria's Women Combatants Depicted by Danièle Djamila Amrane-Minne, Louisette Ighilahriz, and Assia Djebar". Research in African Literatures 43 (1): 101–117. doi:10.2979/reseafrilite.43.1.101. https://archive.org/details/sim_research-in-african-literatures_spring-2012_43_1/page/100.
- ↑ Parminder Vir.. „The mother of all battles“. New Statesman (2002-yil 8-iyul).
- ↑ Liste des résultats
- ↑ Mortimer, Mildred (2012). "Tortured Bodies, Resilient Souls: Algeria's Women Combatants Depicted by Danièèle Djamila Amrane-Minne, Louisette Ighilahriz, and Assia Djebar". Research in African Literatures 43 (1): 101–117. doi:10.2979/reseafrilite.43.1.101. ISSN 0034-5210. https://www.jstor.org/stable/10.2979/reseafrilite.43.1.101.