Dagʻal ozuqa

Vikipediya, ochiq ensiklopediya
(Dagʻal Xashakdan yoʻnaltirildi)
Jump to navigation Jump to search

Dagʻal ozuqa, dagʻal xashak — oʻsimliklardan tayyorlanadigan quruq xashak. Tarkibida kletchatka miqsorining koʻpligi (25—40%) boʻlishi bilan ajralib turadi. D.o. (pinan, somon, toʻpon, shulxa va b.) oʻtxoʻr hayvonlar qishki ratsionining zaruriy qismini tashkil etadi, mollar isteʼmol etadigan ozuqa moddalarning deyarli yarmi D.o.dan olinadi. Bu guruhga kiradigan ozuqalar ratsionning zarur hajmini taʼminlagan holda ozuqa hazmini yaxshilaydi. D.o.dan pichan shu guruhdagi boshqa ozuqalarga qaraganda toʻyimliroq. Yoʻngʻichgʻa, beda esparset, oqsoʻxta, bugʻdoyikdan tayyorlangan 100 kg pichanda 45—50 ozuqa birligi bor, protein, mineral moddalar, uglevodlar, karotinga boy. Mollarga D.o. berish miqdori ularning yoshi va mahsuldorligiga qarab belgilanadi. Sogʻiladigan sigirlar uchun D.o. meʼyori tirik vaznning 100 kg ga 2—2,5 kg miqdorida belgilanadi. Sigirlarda sut mahsuldorligi koʻpayishi bilan ratsionda D.o. hissasi shirali ozuqalar hisobiga kamaytiriladi.

Adabiyot[tahrir]

  • OʻzME. Birinchi jild. Toshkent, 2000-yil