Charli XCX

Charli XCX;
	; Charli XCX 2018-yilda
Umumiy maʼlumot
Tavalludi	Charlotte Emma Aitchison; 2-avgust 1992-yil (31 yosh); Cambridge, Angliya
Fuqaroligi	Birlashgan Qirollik
Kasbi	Qoʻshiqchi; qoʻshiqnavis;
Leybl	Vroom Vroom; Warner; Asylum; Atlantic; Iamsound;
Janr	Electropop; dans-pop; hyperpop; avant-pop;
Hamkorligi	Iggy Azalea;
Faoliyat yillari	2007 – hozirgacha
Veb-sayt	howimfeelingnow.co.uk

Charlotte Emma Aitchison (talaffuzi: Sharlotta Emma Eytchison; 2-avgust 1992-yilda tugʻilgan) Charli XCX (talaffuzi: Charli Eks-Si-Eks) taxallusi ostida tanilgan ingliz qoʻshiqchisi va qoʻshiqnavisidir. Cambridgeda tugʻilib, Essexda oʻsgan Charli XCX 2008-yilda ashulalarini Myspace platformasida joylashtirishni boshlaydi, bu esa uning promouter tomonidan kashf etilishiga olib keldi. 2010-yilda u Asylum Records bilan shartnoma imzoladi hamda 2011- va 2012-yillarda koʻplab singllar va mixtapelar chiqardi.

2012-yilda Charli XCX shved musiqiy guruhi Icona Pop bilan birgalikda ijro etgan „I Love It“ ashulasi ortidan xalqaro miqyosda shuhrat qozondi. Tarona Shimoliy Amerika va Yevropa musiqiy chartlarida yuqori oʻntalikka kirdi. Uning ilk studiyaviy albomi — True Romance 2013-yilda chiqarilib, musiqa tanqidchilari tomonidan ijobiy baholandi, biroq tijorat jihatdan muvaffaqiyatsiz boʻldi. 2014-yilda u amerikalik rapper Iggy Azalea bilan birgalikda ijro etilgan „Fancy“ qoʻshigʻi umumjahon boʻylab ham tijorat, ham tanqidiy jihatdan muvaffaqiyat qozondi, hatto ikkita Grammy Awardga nomzod boʻldi. Shu yili, Charli XCX „Boom Clap“ nomli ashulani ommaga havola etdi. Ashula Billboard Hot 100 chartida top oʻntalikka kirdi va Charli XCXning Hot 100 charti top oʻntaligiga kirgan ilk solosi boʻldi. Ikkinchi studiyaviy albomi boʻlmish Sucker shu yil oxirida chiqarildi. Albomning „Break the Rules“ va „Doing It“ singllari hit ashulalar boʻldi.

2015-yilda Charli XCX PC Music studiyasi produserlari bilan ishlashni boshladi. Uchinchi albomi ustida ishlayotgan bir paytda, u Vroom Vroom (2016) mini-albomi, Number 1 Angel va Pop 2 (ikkalasi ham 2017-yilda chiqarilgan) mixtapelari hamda „After the Afterparty“, „Boys“ va „1999“ ashulalarini chiqardi. Uning uchinchi va toʻrtinchi studiyaviy albomlari — Charli (2019) va How I'm Feeling Now (2020) kengqamrovli maqtovlarga sazovor boʻldi; albomlardan ikkinchisi COVID-19 pandemiyasi lokdaunlari paytida olti hafta ichida yaratilgan. 2021-yilda Charli XCX Jax Jones va Joel Corry bilan birgalikda „Out Out“ ashulasini ijro etdi. U ushbu ashula matni mualliflaridan biri hamdir. Xonandaning beshinchi albomi Crash 2022-yilning martida chiqarildi.

Oʻzining yakkaxon ijodidan tashqari, Charli XCX boshqa koʻplab xonandalarga qoʻshiqlari uchun qoʻshiqnavis oʻlaroq soʻzlar yozgan. Bular sirasiga Iggy Azalea ijrosidagi „Beg for It“ (2014), Selena Gomez ijrosidagi „Same Old Love“ (2015), Blondie ijrosidagi „Tonight“ (2017) va Shawn Mendes bilan Camila Cabello ijrosidagi „Señorita“ (2019) kabi ashulalar kiradi.

Diskografiyasi[tahrir | manbasini tahrirlash]

Studiyaviy albomlar[tahrir | manbasini tahrirlash]

Mixtapelar[tahrir | manbasini tahrirlash]

2012 : Heartbreaks and Earthquakes
2012 : Super Ultra
2017 : Number 1 Angel
2017 : Pop 2

Mini-albomlar[tahrir | manbasini tahrirlash]

2012 : iTunes Festival: London 2012
2016 : Vroom Vroom

Turnelar[tahrir | manbasini tahrirlash]

2014 : Girl Power North America Tour
2015 : Sucker World Tour
2015 : Charli and Jack Do America Tour
2017 : Number 1 Angel Tour
2019 : Charli Tour
2022 : "CRASH" The Live Tour

2011 : The Ting Tings — Show Us Yours Tour
2012 : Azealia Banks — Mermaid Ball
2012 : Coldplay — Mylo Xyloto Tour
2013 : Ellie Goulding — The Halcyon Days Tour
2013 : Marina and the Diamonds — The Lonely Hearts Club Tour
2013 : Paramore — The Self-Titled Tour
2015 : Katy Perry — The Prismatic World Tour
2017 : Halsey — Hopeless Fountain Kingdom World Tour
2017 : Sia — Nostalgic For the Present Tour
2018 : Taylor Swift — Taylor Swiftʼs Reputation Stadium Tour

Filmografiyasi[tahrir | manbasini tahrirlash]

Yil	Nom	Rol	Izohlar
2015	The F-Word and Me^[1]	Oʻzi	Hujjatli film
	Lost in the North		Qisqa hajmli film
	The 1989 World Tour Live^[2]		Konsert film
2016	The Angry Birds Movie^[3]	Willow	ovoz bergan
2018	Taylor Swift: Reputation Stadium Tour	Oʻzi	Konsert film
2019	UglyDolls	Kitty	ovoz bergan
2021	Alone Together	Oʻzi	Hujjatli film

Manbalar[tahrir | manbasini tahrirlash]

↑ Kreps, Daniel. „Watch Charli XCX's Feminism Film 'The F Word and Me'“. Rolling Stone. 27–fevral 2017–yilda asl nusxadan arxivlandi. Qaraldi: 15–mart 2017–yil.{{cite magazine}}: CS1 maint: date format ()
↑ „The 1989 World Tour LIVE coming to Apple Music“. Taylor Swift. 16-mart 2017-yilda asl nusxadan arxivlangan. Qaraldi: 15-mart 2017-yil. (Wayback Machine saytida 2017-03-16 sanasida arxivlangan)
↑ Stone, Natalie „Charli XCX to Voice Willow in 'Angry Birds' Movie“. The Hollywood Reporter. 16-mart 2017-yilda asl nusxadan arxivlangan. Qaraldi: 15-mart 2017-yil.

Havolalar[tahrir | manbasini tahrirlash]

Rasmiy sayti ^(ingl.)
Charli XCX IMDbda
Charli XCX diskografiyasi Discogsda

[1] Kreps, Daniel. „Watch Charli XCX's Feminism Film 'The F Word and Me'“. Rolling Stone. 27–fevral 2017–yilda asl nusxadan arxivlandi. Qaraldi: 15–mart 2017–yil.{{cite magazine}}: CS1 maint: date format ()

[2] „The 1989 World Tour LIVE coming to Apple Music“. Taylor Swift. 16-mart 2017-yilda asl nusxadan arxivlangan. Qaraldi: 15-mart 2017-yil. (Wayback Machine saytida 2017-03-16 sanasida arxivlangan)

[3] Stone, Natalie „Charli XCX to Voice Willow in 'Angry Birds' Movie“. The Hollywood Reporter. 16-mart 2017-yilda asl nusxadan arxivlangan. Qaraldi: 15-mart 2017-yil.

[1]

[2]

[3]