Bramante Donato

Vikipediya, ochiq ensiklopediya
Jump to navigation Jump to search

BRAMANTE (Bramante) Donato (1444, MonteAzdrualdo, Urbino yaqinidagi hozirgi Ferminyano — 1514.11.3, Rim) — italiyalik meʼmor. Uygonish davri meʼmorligining yirik vakili. Dastlab rassom sifatida ijod qilgan. B. 1477 yildan Milanda yashab, SanSatiro (1479—83), Santa Mariya della Gratsiye (1492 yildan) va boshqa cherkovlarni qayta qurgan. 1499 yil Rimga koʻchib, bu yerda Uygonish davri uchun xos boʻlgan eng muhim asarlarini yaratgan: 1500—04 yillarda Santa Mariya della Pache monastiri hovlisidagi SanPyetro in Montorio (Tempyetto) butxonasini kurgan. 1514 yilgacha Avliyo Pyotr sobori loyihasi ustida ishlagan. 1503 yilda Vatikan saroyi majmuasini qayta qurishda qatnashgan (Belveder va SanDamazo binolari saqlanib qolgan). B. ijodi Yevropa meʼmorligining rivojiga katta taʼsir koʻrsatgan.

Adabiyotlar[tahrir]

  • OʻzME. Birinchi jild. Toshkent, 2000-yil