Barelef

Barelef (frans. bas-relief — past relef) — boʻrtma tasvir; haykaltaroshlikda relef turi. Zamin (fon) sathidan boʻrttirib ishlangan tasvir asli shaklining yarmidan ortmasa (mas, tanga, nishon yuzasiga ishlangan tasvirlar) B. deb ataladi. B. me’moriy inshootlar bezagi va bezak san’ati asarlarida keng tarqalgan, shuningdek haykal oʻrnatiladigan taglik, supa (postament), stela, yodgorlik lavha va b.da keng qoʻllaniladi.