Bahriddin Chustiy
| Bahriddin Najmiddinov | |
|---|---|
 | |
| Tavalludi |
19-oktyabr 1984-yil |
| Fuqaroligi | Oʻzbekiston |
| Kasbi | oshpaz |
| Dini | islom |
Bahriddin Neʼmatjonovich Najmiddinov (1984-yil 19-oktabr, Chust tumani, Namangan viloyati, Oʻzbekiston SSR, SSSR) — oʻzbek oshpazi, Oʻzbekiston, Qozogʻiston va Rossiyadagi bir qancha restoranlar oshpazi[1]. Taxallusi — Bahriddin Chustiy. Oʻzbekistondagi Aksu restoranlar tarmogʻi asoschilaridan biri.
Tarjimai holi[tahrir | manbasini tahrirlash]
Bahriddin Najmiddinov 1984-yilda Namangan viloyatining Chust tumanida oʻqituvchi oilasida tugʻilgan. 1991-1998-yillarda Chust tumanidagi oʻrta maktabda oʻqigan.
Taxallus[tahrir | manbasini tahrirlash]
Bahriddin Najmiddinov ijtimoiy tarmoqlarda Chustiy taxallusi bilan mashhur. Ushbu taxallus uning tugʻilgan joyiga ishora qiladi[2].
Mashhur ishlari[tahrir | manbasini tahrirlash]
Bahriddin Chustiy 2017-yil 8-sentabrda „Oʻzbegim milliy anʼanalari“ festivali doirasida tayyorlangan va Ginnesning rekordlar kitobiga kiritilgan „Mega palov“ loyihasi tashabbuskorlaridan biri[2][3][4]. Kun.uz nashriga bergan intervyusida mazkur loyiha uchun tayyorgarlik jarayonlari 2010—2011-yillardan boshlanganini maʼlum qilgan[2].
2021-yilda Dubayda oʻtkazilgan „Ekspo-2020“ butunjahon koʻrgazmasida Oʻzbekiston kuni doirasida 1000 kilogramlik mega palov tayyorlagan[3].
Bahriddin Chustiy 2021-yilda dekabr oyida AQSh davlat kotibining Janubiy va Markaziy Osiyo boʻyicha yordamchisi Donald Lu bilan palov tayyorlagan[5].
Kasallik haqidagi xabarlar[tahrir | manbasini tahrirlash]
2020-yil sentyabr oyida bloger Aziza Umarova Facebook sahifasida Bahriddin Chustiyning kasalligi haqida quyidagicha xabar qoldirgan edi:
Ertalab Bahriddinning rafiqasi Farangiz bilan gaplashdim. Uni reanimatsiyaga olishganini aytdi. Kislorodsiz saturatsiyasi 47 ga tushib ketibdi, kasalxona kislorodi bilan 89 ekan. Tana harorati 38,5 daraja[4]
Keyinchalik tuzalib chiqqani xabar qilingan.
Manbalar[tahrir | manbasini tahrirlash]
- ↑ „Mashhur o'zbek gurme Bahriddin Chustiyuniversitet kutubxonasini mualliflik huquqi himoyalangan kitoblar bilan to'ldirdi“. www.univ-silkroad.uz. Qaraldi: 24-dekabr 2022-yil.
- ↑ 2,0 2,1 2,2 „Bahriddin Chustiy rekord palov, taxallus va oshpazlik haqida“ (18/09/2017). Qaraldi: 24-dekabr 2022-yil.
- ↑ 3,0 3,1 „Dubayda bir tonnalik mega-palov tayyorlandi (foto,video)“ (2021-yil 10-dekabr). Qaraldi: 24-dekabr 2022-yil.
- ↑ 4,0 4,1 „Taniqli oʻzbek oshpazi Bahriddin Chustiy jonlantirish boʻlimiga yotqizildi“ (2020-yil 5-sentyabr). 2022-yil 24-dekabrda asl nusxadan arxivlangan. Qaraldi: 24-dekabr 2022-yil.
- ↑ „U.S. Embassy in Tashkent“. twitter.com. Qaraldi: 24-dekabr 2022-yil.
