Kontent qismiga oʻtish

Avstriya futbol assotsiatsiyasi

Vikipediya, erkin ensiklopediya
Avstriya futbol assotsiatsiyasi
UEFA
Qisqa nomi ÖFB
Tashkil etilgan 18-mart, 1904-yil (121 yil avval) (1904-03-18)
Joylashuvi Vena
FIFA ga aʼzo
boʻlgan sana		 1905-yil (1938–45-yillarda Germaniy tarkibida)
UEFA ga aʼzo
boʻlgan sana		 1954
Prezident Klaus Mitterdorfer
Vebsayt oefb.at

Avstriya futbol assotsiatsiyasi (olm. Österreichischer Fußball-Bund; ÖFB) – Avstriyada futbol boshqaruvini amalga oshiruvchi tashkilot hisoblanadi. U mamlakatdagi futbol ligasi – Avstriya Bundesligasi, Avstriya kubogini tashkillashtiradi, Avstriya milliy terma jamoasi va ayollar milliy terma jamoasini boshqaradi. Assotsiatsiyaning bosh qarorgohi poytaxt Vena shahrida joylashgan.

Avstriya futbol assotsiatsiyasi 1905-yildan beri FIFA, va 1954-yildan beri UEFA aʼzosi hisoblanadi. 2002-yil 7-apreldan boshlab, Avstriya lotereyasi ijroiya qoʻmitasi direktori Friedrich Stickler Avstriya futbol assotsiatsiyasining prezidenti lavozimini egallaydi. Sticklerni Kurt Ehrenberger, Frank Stronach, Gerhard Kapl va Leo Windtnerlar qoʻllab-quvvatlaydi. 2004-yilda eʼlon qilingan maʼlumotlarga koʻra, Avstriyada 2 309 ta jamoada toʻp surayotgan 285 000 nafar futbolchi (erkaklar va ayollar) federatsiyaga aʼzo boʻlgan. Shunga qaramay, ruxsat etilmagan yoki norasmiy jamoalarda ham juda koʻp sonli sportchilar futbol bilan shugʻullanadi. Shu tariqa, federatsiya mamlakatdagi eng yirik sport tashkiloti hisoblanadi. Futbol, changʻi sportidan keyin, Avstriyada eng ommabop sport turi hisoblanadi. Futbol katta ahamiyatga ega boʻlib, Avstriyada boy tarix va anʼanalarga ega.

Tarixi

[tahrir | manbasini tahrirlash]

1894-yilda Avstriyada ilk futbol jamoasi – First Vienna Football Club Vena shahrida tashkil etildi. Aynan shu jamoa asosida, 1904-yilda Avstriya futbol assotsiatsiyasi (ÖFB) tuzildi. Uning tashkil topganidan bir yil oʻtib, Avstriya FIFA ga aʼzo boʻldi va 1908-yilda beshinchi FIFA kongressiga mezbonlik qildi. 1913-yilda esa, ular Polsha futbol assotsiatsiyasiga bevosita boʻysunuvchi Galitsiya milliy jamoasini nazorat qilishgan.

Hugo Meisl Avstriya futbol assotsiatsiyasining dastlabki yillaridagi eng taniqli shaxslardan biri boʻlgan. U 1927-yilda bosh kotib va terma jamoa bosh murabbiyi lavozimlarini egallagan. 1936-yilgi yozgi Olimpiya oʻyinlarida uning jamoasi finalda Italiyaga 2–1 hisobida yutqazib, kumush medalni qoʻlga kiritgan – bu esa Avstriyaning xalqaro miqyosdagi yagona final oʻyini boʻlib qolmoqda. Meisl boshchiligidagi jamoa „Wunderteam“ (Moʻjiza jamoasi) laqabini olgan va u 1931-yil 12-apreldan 1932-yil 23-oktabrgacha 14 ta ketma-ket oʻyinda magʻlub boʻlmagan. Bu seriyadagi eng yodda qolgan natijalar – Germaniyaga qarshi 6:0 (Berlin) va 5:0 (Vena) hisobidagi yirik gʻalabalar boʻlgan.

1950-yillar Avstriya futbolining yirik yutuqlari bilan esda qolgan. Bu davrda Ernst Ocwirk (ikki marta FIFA Jahon yulduzlar jamoasi sardori boʻlgan), Ernst Happel, Gerhard Hanappi va Walter Zeman kabi mashhur futbolchilar toʻp surgan. 1954-yilgi Jahon chempionati Avstriya futbol assotsiatsiyasi tarixidagi eng muvaffaqiyatli musobaqalardan biri hisoblanadi. Avstriya, Italiyada boʻlib oʻtgan 1934-yilgi Jahon chempionatida 4-oʻrinni egallaganidan yigirma yil oʻtib, yana eng kuchli jamoalar safiga qaytdi.

Hududiy assotsiatsiyalar

[tahrir | manbasini tahrirlash]
  • Burgenland futbol assotsiatsiyasi (olm. Burgenländischer Fußball-Verband – BFV) (1923)
  • Karintiya futbol assotsiatsiyasi (olm. Kärntner Fussballverband)
  • Quyi Avstriya futbol assotsiatsiyasi (olm. Niederösterreichischer Fußball-Verband – NÖFV) (1911)
  • Yuqori Avstriya futbol assotsiatsiyasi (olm. Oberösterreichischer Fußball-Verband – OFV) (1919)
  • Zalsburg futbol assotsiatsiyasi (olm. Salzburger Fußball-Verband – SFV) (1921)
  • Stiriya futbol assotsiatsiyasi (olm. Steirischer Fußballverband – StFV) (1923)
  • Tirol futbol assotsiatsiyasi (olm. Tiroler Fussballverband – TFV) (1919)
  • Vorarlberg futbol assotsiatsiyasi (olm. Vorarlberger Fussballverband – VFV) (1920)
  • Vena futbol assotsiatsiyasi (olm. Wiener Fußball-Verband – WFV) (1923)

Sobiq hududiy assotsiatsiyalar

[tahrir | manbasini tahrirlash]
  • Polsha futbol assotsiatsiyasi (pol. Związek Polski Piłki Nożnej – ZPPN) 1911–1920-yillarda Galitsiya va Lodomeriya Qirolligi hududida, markazi Lembergda (bugungi Lvov) joylashgan holda faoliyat yuritgan. Keyinchalik u Varshavada joylashgan Polsha futbol assotsiatsiyasi tarkibiga qoʻshilgan.
  • Germaniya Alp togʻlari futbol assotsiatsiyasi (olm. Deutsch-Alpenländische Fußballverband) (1911, Grats shahri)
  • Avstriya sport ishchilari va askarlari ittifoqi (olm. Verband der Arbeiter- und Soldatensportvereine Österreichs)

Prezidentlar

[tahrir | manbasini tahrirlash]
2021–2023-yillardagi assotsiatsiya prezidenti: Gerhard Milletich
  • 1904–1906: Heinrich Strehblow
  • 1906–1907: Ignaz Abeles
  • 1907–1914: Adolf Wallner
  • 1914–1922: Ignaz Abeles
  • 1922–1926: Karl Volkert
  • 1926–1938: Richard Eberstaller
  • 1945–1955: Josef Gerö
  • 1955–1969: Hans Walch
  • 1970–1976: Heinz Gerö
  • 1976–1982: Karl Sekanina
  • 1982–1984: Herbert Raggautz va Heinz Gerö (vaqtincha)
  • 1984–2002: Josef „Beppo“ Mauhart
  • 2002–2008: Friedrich Stickler
  • 2008–2009: Kurt Ehrenberger (vaqtincha)[1]
  • 2009–2021: Leo Windtner[2][3]
  • 2021–2023: Gerhard Milletich[4]
  • 2023–hozir: Klaus Mitterdorfer[5][6]

Hozirgi homiylar

[tahrir | manbasini tahrirlash]
  • Uniqa
  • Admiral
  • Puma
  • Magenta
  • Tipp3
  • Volkswagen
  • ORF
  • Kronen Zeitung
  • Geomix
  • Raiffeisen Bank International
  • Stiegl
  • ÖBB
  • Burgenland
  • Coca-Cola

Yana qarang

[tahrir | manbasini tahrirlash]

Manbalar

[tahrir | manbasini tahrirlash]
  1. ↑ Pipal, Michael. „Generationenwechsel im ÖFB: Windtner kandidiert nicht mehr als Präsident“ (de). Tiroler Tageszeitung Online (2021-yil 6-avgust).
  2. ↑ „Leo Windtner: "Gehe lieber, wenn Sie 'schade' sagen"“ (de). Kurier (2016-yil 22-sentyabr).
  3. ↑ „Leo Windtner tritt als ÖFB-Präsident ab“ (de). 90Minuten (2021-yil 6-avgust).
  4. ↑ Pipal, Michael. „ÖFB-Präsident Milletich tritt mit sofortiger Wirkung zurück“ (de). Tiroler Tageszeitung Online (2023-yil 31-yanvar).
  5. ↑ „Einstimmig gewählt: Klaus Mitterdorfer ist neuer ÖFB-Präsident“ (de). MeinBezirk (2023-yil 8-iyul).
  6. ↑ „Mitterdorfer elected in Austria“ (en). UEFA.

Havolalar

[tahrir | manbasini tahrirlash]
 Vikiomborda Avstriya futbol assotsiatsiyasi
haqida turkum mavjud 
"https://uz.wikipedia.org/w/index.php?title=Avstriya_futbol_assotsiatsiyasi&oldid=5491255" dan olindi