Armaniston — Kanada munosabatlari
 | |
 Armaniston |
 Kanada |
Armaniston — Kanada munosabatlari Armaniston va Kanada oʻrtasidagi ikki tomonlama diplomatik munosabatlardir . Mamlakatlar Birlashgan Millatlar Tashkiloti va Frankofoniya aʼzolaridir.
Tarixi[tahrir | manbasini tahrirlash]
Kanada Armanistonni 1991-yilda Sovet Ittifoqi parchalanganidan koʻp oʻtmay tan oldi. 1992-yilda mamlakatlar rasmiy ravishda diplomatik munosabatlar oʻrnatdilar[1]. 1997-yilda Kanada Yerevanda faxriy konsullik ochdi. Kanadaning Moskvadagi elchixonasi Armanistonda ham mamlakat manfaatlarini himoya qiladi. 1995-yilda Armaniston Ottavada elchixonasini ochdi[2].
1999-yilda mamlakatlar oʻrtasida bir qancha shartnomalar imzolangan, masalan: Savdo toʻgʻrisidagi bitim; Investitsiyalarni ragʻbatlantirish va himoya qilish toʻgʻrisidagi bitim, ikki tomonlama soliqqa tortishning oldini olish; daromad va kapital soligʻi boʻyicha soliq toʻlashdan boʻyin tovlashning oldini olish toʻgʻrisidagi bitimlar[2] kiradi.
Kanada Xalqaro hamkorlik departamenti Armanistonga mintaqaviy loyihalar orqali moliyaviy yordam beradi. Bundan tashqari, Kanada Jamgʻarmasi Kanadaning Moskvadagi elchixonasi tomonidan Armanistonda savdo siyosati salohiyatini oshirish, qishloqlarni rivojlantirish, sogʻliqni saqlash loyihalari va atrof-muhit dasturlari kabi sohalarda rahbarlik qiladi.
2006-yilda Kanada Arman genotsidini rasman tan oldi[2]. 2018-yil oktyabr oyida Kanada Bosh vaziri Jastin Tryudo Frankofoniya 17-sammitida ishtirok etish uchun Armanistonga tashrif buyurdi. Tashrif doirasida Jastin Tryudo Armaniston Prezidenti Armen Sarkisyan va Bosh vazir Nikol Pashinyan bilan mamlakatlar o‘rtasidagi munosabatlarni yanada mustahkamlash maqsadida uchrashdi[3].
Savdo aloqalari[tahrir | manbasini tahrirlash]
2017-yilda mamlakatlar o‘rtasidagi tovar ayirboshlash hajmi 35,7 mln. AQSh dollarini tashkil etgan. Armanistonning Kanadaga eksporti: qimmatbaho metallar va toshlar, toʻqimachilik. Kanadaning Armanistonga eksporti: oziq-ovqat, mashina va kimyoviy mahsulotlar[4].
Diplomatik missiyalar[tahrir | manbasini tahrirlash]
- Armaniston Ottavada elchixonasini yuritadi[5].
- Kanadaning Armanistondagi manfaatlari Moskvadagi elchixona[6] va Yerevandagi faxriy konsullik[7] orqali ifodalanadi.
-
Armanistonning Ottavadagi elchixonasi
-
Kanadaning Yerevandagi faxriy konsulligi
.jpg){kind=link}
Manbalar[tahrir | manbasini tahrirlash]
- ↑ „Relations between Canada and Armenia“. 23-aprel 2020-yilda asl nusxadan arxivlandi. Qaraldi: 12-may 2020-yil.
- ↑ 2,0 2,1 2,2 „Bilateral relations between Armenia and Canada“. 27-oktyabr 2020-yilda asl nusxadan arxivlandi. Qaraldi: 12-may 2020-yil.
- ↑ „The Prime Minister concludes a successful visit to Armenia and his participation at the XVII Francophonie Summit“. 23-iyul 2019-yilda asl nusxadan arxivlandi. Qaraldi: 12-may 2020-yil.
- ↑ „Canada-Armenia Relations“. 23-aprel 2020-yilda asl nusxadan arxivlandi. Qaraldi: 12-may 2020-yil.
- ↑ „Embassy of Armenia in Canada“. 24-aprel 2017-yilda asl nusxadan arxivlandi. Qaraldi: 12-may 2020-yil.
- ↑ „Embassy of Canada in Russia“. 26-mart 2020-yilda asl nusxadan arxivlandi. Qaraldi: 12-may 2020-yil.
- ↑ „Honorary Consulate of Canada in Yerevan“. 19-sentyabr 2017-yilda asl nusxadan arxivlandi. Qaraldi: 18-iyul 2017-yil.