Anna German

Anna German;
Umumiy maʼlumot
Tugʻilgan paytidagi ismi	Anna Yevgenyevna German
Tugʻilishi	14-fevral 1936-yil; Urganch, OʻzSSR
Vafoti	25-avgust 1982-yil ; (46 yoshda) ; Varshava, Polsha
Fuqaroligi	SSSR, Polish People's Republic va Polsha
Kasbi	qoʻshiqchi, bastakor, aktrisa
Turmush oʻrtogʻi	Zbigniew Antoni Tucholski
Faoliyat yillari	1960—1982
Janr	estrada, opera, romans
Sayt	http://www.anna-german.com/

Anna Wiktoria German-Tucholska (rus. А́нна Викто́рия Ге́рман; 14-fevral 1936, Urganch - 26-avgust 1982, Varshava) — estrada xonandasi, aktrisa. Dastlabki musiqa saboqlarini Xorazmda olgan. 1946-yildan Polshada yashagan. Wroclaw politexnika institutini tugatgan (1961). Shu davrdan boshlab estrada ansambllarida xonanda sifatida qatnashib, dastlab Polsha (Sopot, 1963—65; Opole, 1964), keyinchalik Vena (1965) va Sorrento (1967) xalqaro estrada tanlovlari laureati unvoniga sazovor boʻldi. Xonanda lirik-dramatik hamda hazilnamo qoʻshiqlarni oʻta samimiylik va oʻziga xos tarzda talqin etgan. Repertuaridan zamonaviy kompozitorlar (Katarzyna Gärtner, "Raqsga tushuvchi evridikalar"; Aleksandra Paxmutova, "Umid"; Yevgeniy Ptichkinning "Sevgi sadosi"), kuylarini oʻzi yaratgan ("Inson taqsiri", "Boʻlishi mumkin"), shuningdek, polyak, rus, italyan qoʻshiqlari oʻrin olgan. Yevropa, Amerika, Avstraliya va Osiyo (xususan, Markaziy Osiyo, 1979) mamlakatlarida gastrolda boʻlgan. Ijodiga bagʻishlangan "Anna German bilan uchrashuv" filmi yaratilgan (1976). Urganchda koʻchalardan biri, Zielona Góradagi konsert zali hamda mazkur shaharda oʻtadigan estrada festivaliga (1988) German nomi berilgan.