Ankona – Italiyaning sharqiy qismidagi shahar. Ankona provinsiyasining va Marke viloyatining maʼmuriy markazi. Aholisi 103,5 ming kishi (1990). Adriatika dengizidagi port va harbiy dengiz bazasi. Mashinasozlik, neftni qayta ishlash, oziq-ovqat va yengil sanoat korxonalari bor. Musiqa asboblari va shisha buyumlar ishlab chiqariladi. Farmatsevtika sanoati mavjud. Chetga oltingugurt va asfalt chiqariladi. Baliq ovlanadi. Ankonada tarixiy yodgorliklar koʻp. Marmardan ishlangan Trayan zafar arki (115 yildan keyin qurilgan), XII-XIII asrlarga oid sobor, Milliy muzey, rasmlar galereyasi bor. Balneologik kurort.
_2017.jpg)
