Alxesiras konferensiyasi

Vikipediya, ochiq ensiklopediya
Jump to navigation Jump to search

Alxesiras konferensiyasi (1906.15.1–7.4) – Ispaniyaning Alxesiras shahrida Germaniyaning tashabbusi bilan chaqirilgan xalqaro konferensiya. Marokashdagi Fransiya-Germaniya raqobati 1905 yilda Marokash janjalini keltirib chiqardi. Alxesiras konferensiyasining chaqirilishi shu xalqaro tanglikni bartaraf etishga qaratilgan edi. Unda Avstriya-Vengriya, Angliya, AQSH, Belgiya, Germaniya, Ispaniya, Italiya, Marokash, Niderlandiya, Portugaliya, Rossiya, Fransiya va Shvetsiya qatnashdi. Alxesiras konferensiyasi Marokashni boshqarish uchun Angliya, Germaniya, Fransiya va Ispaniya nazorati ostida xalqaro bank, shuningdek Fransiya va Ispaniyaga tobe bo‘lgan politsiyani tashkil etdi. Alxesiras konferensiyasi rasmiyat uchungina Marokash sultonligining "mustaqilligi", "hududiy butunligi", Marokashdagi barcha millatlarning "iqtisodiy ozodligi" va "teng huquqligi"ni e’lon qildi. Amalda esa Angliya, Rossiya, AQSH va boshqa davlatlarning qo‘llab-quvvatlashi bilan Fransiya va Ispaniya Marokashdagi o‘z zonalarini boshqarish huquqiga ega bo‘ldilar. Alxesiras konferensiyasi Germaniyaning diplomatik mag‘lubiyati bo‘lgan va Fransiyaning Marokashni batamom bosib olishiga yo‘l ochgan.

Adabiyotlar[tahrir]

  • OʻzME. Birinchi jild. Toshkent, 2000-yil