Alvido, qurol!

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish
Alvido, qurol!
Ernest Hemingway - Addio alle armi (A Farewell to Arms) - Oscar Mondadori 27 aprile 1965.jpg
1965-yilgi nashr jildi
Asl nomi inglizcha: A Farewell to Arms
Muallif Ernest Hemingway
Janr roman
Til inglizcha
Nashriyot Charles Scribner's Sons
Nashr etilgan sanasi 1929-yil

Alvido, qurol! (inglizcha: A Farewell to Arms) - Ernest Hemingwayning 1929-yilda nashr etilgan romani. Kitob Birinchi jahon urushi davridagi sevgi haqida hikoya qiladi. Roman asosan avtobiografikdir - Xeminguey Italiya frontida xizmat qilgan, jangda yaralangan va Milan kasalxonasida yotgan, u erda hamshiraga ko'ngil qo'ygan[1][2]

Syujet[tahrir | manbasini tahrirlash]

Amerikalik arxitektor Frederik Genri Italiyada Birinchi jahon urushida ko'ngilli sifatida qatnashadi. U leytenant unvoni bilan sanitariya bo'limining transport bo'limi komandiri bo'lib xizmat qiladi. Bu yerda Frederik kasalxona hamshirasi ingliz Ketrin Barkli bilan uchrashadi va ular bir-biriga ko'ngil qo'yishadi. Ittifoqchi qo'shinlarning bir qator mag'lubiyatlari va chekinishidan ko'p o'tmay, Frederik o'zining amerikacha lahchasi tufayli Italiya dala jandarmeriyasi tomonidan josuslikda ayblovlar qurboni bo'lmaslik uchun qochib ketishga majbur bo'ladi. Ketrin bilan birgalikda u urushga neytral Shveytsariyaga qochib ketadi, bu erda ular dunyoning shafqatsizligidan va bema'ni qotilliklardan najot topganga o'xshaydi. Ammo ko'rinib turgan baxt qisqa muddatli bo'lib chiqdi - Italiyada homilador bo'lgan Ketrin Shveytsariya kasalxonasida tug'riq paytida vafot etadi.

Ekranlashtirish[tahrir | manbasini tahrirlash]

Roman ilk bora 1930-yilda Laurence Stallings tomonidan sahnalashtirildi. 1932 va 1957-yillarda filmlar suratga olindi. 1966-yilda 3 qismli kichik serial suratga olindi.

Samuel M. Raimi tomonidan 1987-yilda suratga olingan Evil Dead 2 filmida "Alvido, qurol!" nomli kitobni uchratish mumkin.

Rejissor Richard Attenboroughning 1996-yilda suratga olingan In Love and War filmida Ernest Hemingway'ning Italiyadagi hayotini "Alvido, qurol!" romani voqealari asosida tez yordam avtomashinasi haydovchisi ko'rinishida ko'rish mumkin.

Manbalar[tahrir | manbasini tahrirlash]

  1. „SparkNotes:A Farewell to Arms, Context“. 14-fevral 2011-yilda asl nusxadan arxivlandi. Qaraldi: 27-fevral 2011-yil.
  2. Litra.ru. „Эрнест Хемингуэй. Прощай, оружие! Предисловие автора“ (30 sentabr). 27-fevral 2015-yilda asl nusxadan arxivlandi. Qaraldi: 31-dekabr 2014-yil.