Alveolalar

Vikipediya, ochiq ensiklopediya
Jump to navigation Jump to search

Alveolalar (lot. alveolus – o‘yiq, pufakcha, xaltacha) – 1) oddiy va murakkab bezlarning shira (sekret) ajratuvchi pufakchalari – alveolyar bezlarning oxirgi qismlari. Bezlardagi A.da shiralar yig‘ilganda bakalga o‘xshasa, shiralari chiqqandan so‘ng naysimon shaklda bo‘ladi. O‘pka bronxlarining oxirgi qismi ham A. deb ataladi. Ular nafas olganda kengayib, nafas chiqarganda torayib havo almashinuvini ta’minlaydi. Bronx A.lari pufakchaga o‘xshab, devorlari epiteliy hujayralaridan iborat. A.ni tashqi tomondan o‘rab olgan qilsimon qon tomirlar nafas olganda kislorodni so‘radi. Nafas chiqarganda ishlangan gaz aksincha A.ga o‘tadi; 2) jag‘ suyaklarining tishlar joylashadigan o‘yiqchasi.

Adabiyotlar[tahrir]

  • OʻzME. Birinchi jild. Toshkent, 2000-yil