Alisher Saʼdullayev

Ushbu maqola xushsifat maqolalar sarasiga kiradi.
Bu maqolani tinglang
Vikipediya, ochiq ensiklopediya
Alisher Saʼdullaye
Alisher Zafar oʻgʻli Saʼdullayev
Alisher Sa'dullayev. 2022.jpg
Flag of Uzbekistan.svg
 Oʻzbekiston shaxmat federatsiyasi raisi
Emblem of Uzbekistan.svg
 
Mansab davri
24-may 2022-yildan — hozirgacha
Prezident Shavkat Mirziyoyev
Bosh vazir Abdulla Aripov
Oʻtmishdoshi Aziz Abduhakimov
Flag of Uzbekistan.svg
 Yoshlar ishlari agentligi direktori
Emblem of Uzbekistan.svg
 
Mansab davri
30-iyun 2020-yildan — hozirgacha
Prezident Shavkat Mirziyoyev
Bosh vazir Abdulla Aripov
Oʻtmishdoshi lavozim joriy etilgan
Flag of Uzbekistan.svg
 Oʻzbekiston Respublikasi Oliy Majlisi Senati aʼzosi
Emblem of Uzbekistan.svg
 
Mansab davri
yanvar 2020-yildan — hozirgacha
Prezident Shavkat Mirziyoyev
Bosh vazir Abdulla Aripov
Flag of Uzbekistan.svg
 Oʻzbekiston yoshlar ittifoqi raisi
Emblem of Uzbekistan.svg
 
Mansab davri
29-avgust 2019-yildan — 30-iyun 2020-yilgacha
Prezident Shavkat Mirziyoyev
Bosh vazir Abdulla Aripov
Oʻtmishdoshi Qahramon Quronboyev
Vorisi lavozim bekor qilingan
Flag of Uzbekistan.svg
 Oʻzbekiston prezidentining yoshlar, fan, taʼlim, sogʻliqni saqlash, madaniyat va sport masalalari boʻyicha maslahatchisining birinchi oʻrinbosari
Emblem of Uzbekistan.svg
 
Mansab davri
29-avgust 2019-yildan — 30-iyun 2020-yilgacha
Prezident Shavkat Mirziyoyev
Bosh vazir Abdulla Aripov
Flag of Uzbekistan.svg
 Yoshlar ittifoqi raisining birinchi oʻrinbosari
Emblem of Uzbekistan.svg
 
Mansab davri
27-oktabr 2018-yildan — 29-avgust 2019-yildan
Prezident Shavkat Mirziyoyev
Bosh vazir Abdulla Aripov
Flag of Uzbekistan.svg
 Xalq taʼlimi vazirining yoshlar masalalari boʻyicha oʻrinbosari
Emblem of Uzbekistan.svg
 
Mansab davri
3-iyul 2017-yildan — 27-oktabr 2018-yilgacha
Prezident Shavkat Mirziyoyev
Bosh vazir Abdulla Aripov
Oʻtmishdoshi Dilshod Kenjayev
Shaxsiy maʼlumotlari
Tavalludi
Alisher Zafar oʻgʻli Saʼdullayev

11-iyul 1994-yil (1994-07-11) (28 yosh)
Jizzax tumani
Jizzax viloyati
Fuqaroligi Oʻzbekiston bayrogʻi Oʻzbekiston
Millati oʻzbek
Istiqomat joy(lar)i Toshkent
Oʻzbekiston
Taʼlim Singapur menejmentni rivojlantirish instituti
Dini islom
Maʼlumoti oliy
Mukofotlari Mehnat shuhrati ordeni

Alisher Zafar oʻgʻli Saʼdullayev (1994-yil 11-iyulda tugʻilgan) — Oʻzbekiston Respublikasi Vazirlar Mahkamasi va Oliy Majlisi Senatining eng yosh aʼzosi. Hozirda Yoshlar ishlari agentligi direktori va Oʻzbekiston shaxmat federatsiyasining raisi. Mehnat shuhrati ordeni sohibi (2021).

Alisher Saʼdullayev 2017-yilda Oʻzbekiston prezidenti Shavkat Mirziyoyevning eʼtiboriga tushgan va talabalik chogʻida Xalq taʼlimi vazirining yoshlar masalalari boʻyicha oʻrinbosari lavozimiga prezidentning taklifi bilan tayinlangan. Keyinchalik turli yillarda Yoshlar ittifoqi raisining birinchi oʻrinbosari (2018—2019), raisi (2019—2020), Oʻzbekiston prezidentining yoshlar, fan, taʼlim, sogʻliqni saqlash, madaniyat va sport masalalari boʻyicha maslahatchisining birinchi oʻrinbosari (2019—2020) lavozimlarida faoliyat yuritgan. Alisher Saʼdullayev 2019-yilda Oʻzbekistonning yoshlar siyosatidagi pozitsiyasi va yoshlarga yaratilayotgan imkoniyatlar mavzusida Birlashgan Millatlar Tashkiloti minbarida nutq soʻzlagan. 2021-yilda Germaniyaning München shahri kengashi bosh direktori Clemens Baumgärtner hamda „One Young World“ dasturi direktori Matthew Bellshow tashabbuslari bilan Münchenda oʻtkazilgan „One Young World“ sammitida ishtirok etdi[1].

Alisher Saʼdullayev 2022-yilning 8-avgust kuni Chennay shahrida oʻtkazilgan FIDEning navbatdagi Kongressida taqdimot qildi hamda 2026-yilgi Olimpiada mezbonligi uchun Oʻzbekiston nomzodi delegatlar tomonidan maʼqullandi[2].

Tarjimai holi[tahrir | manbasini tahrirlash]

Alisher Saʼdullayev 1994-yil 11-iyulda Jizzax viloyatining Jizzax tumanida pedagog oilasida tavallud topgan. Bolaligi Jizzax viloyatining Jizzax tumanida oʻtgan. Jizzax tumanidagi 31-maktab hamda Jizzax shahridagi 2-sonli umumtaʼlim maktablarida oʻqigan.

2017-yilda Toshkent shahridagi Singapur menejmentni rivojlantirish institutini tamomlagan[3]. Oliygohda ingiliz va rus tillarini mukkammal oʻrgangan Alisher Sadullayev 2015—2017-yillarda Toshkent shahridagi „Result“ oʻquv markazi rahbari sifatida faoliyat yuritadi[3].

2017-yilda „Kamolot“ yoshlar ijtimoiy harakatining IV qurultoyida chiqish qildi va shu chiqishi tufayli Oʻzbekiston prezidenti Shavkat Mirziyoyevning tashabbusi bilan 2017-yil 30-iyunda Oʻzbekiston Respublikasi xalq taʼlimi vazirining oʻrinbosari etib tayinlandi[4]. Xalq taʼlimi vazirligidagi qisqa muddatli faoliyatidan soʻng, 2018-yilda Oʻzbekiston yoshlar ittifoqi raisining birinchi oʻrinbosari etib tayinlandi[3][5]. 2019-yil 29-avgustda Oʻzbekiston yoshlar ittifoqi raisi etib tayinlandi[6].

Yoshlar tizimida koʻrsatgan xizmatlari inobatga olinib, 2020-yil 17-yanvarda Oʻzbekiston Prezidenti tomonidan Senat aʼzosi etib tayinlandi[7][8] va Oʻzbekiston tarixidagi eng yosh senatorga aylandi. 2020-yil 10-iyulda Oʻzbekiston Yoshlar ishlari agentligi tashkil etildi, Alisher Saʼdullayev agentlik direktori etib tayinlandi[9]. U 2021-yil 30-iyun kuni „Yoshlar kuni“ munosabati bilan yoshlar siyosati borasidagi tashabbuslari va samarali faoliyati uchun „Mehnat shuhrati“ ordeni bilan mukofotlandi[10]. 2022-yil 24-maydan Oʻzbekiston Shaxmat federatsiyasi raisi sifatida ham faoliyat yuritib kelmoqda[11][12][13].

Faoliyati va loyihalari[tahrir | manbasini tahrirlash]

„Result“ oʻquv markazi[tahrir | manbasini tahrirlash]

2015-yildan 2017-yilga qadar Alisher Saʼdullayev „Result“ oʻquv markazi direktori sifatida asosan yoshlarning til oʻrganishiga va chet elda taʼlim olishga koʻmaklashish uchun faoliyat yuritgan.

Yoshlar ittifoqi[tahrir | manbasini tahrirlash]

Alisher Saʼdullyev Yoshlar ittifoqi raisi etib tayinlanganidan keyin tizimda bir qancha yangiliklar kiritdi. Tashkilotga aʼzo boʻlish bekor qilinib, Oʻzbekistondagi barcha yoshlar Yoshlar ittifoqi aʼzosi hisoblanadigan boʻldi[14]. Oliygohlarda tahsil olayotgan iqtidorli yoshlarga toʻlov shartnoma pulining maʼlum bir qismi Yoshlar ittifoqi tomonidan toʻlab beriladigan boʻldi.

Uning rahbarlik davrida tashkilotda volontyorlik faoliyatiga katta eʼtibor qaratildi. Buning natijasida 2020-yil koronavirus pandemiyasi davrida 10 ming nafar koʻngilli yoshlar 500 mingdan ortiq fuqorolarga yordam koʻrsatilishida faol ishtirok etdi[15]. Shuningdek, Sardoba suv omborida yuz bergan suv toshqinida ham volontyorlar yordamidan keng foydalanildi. Volontyorlik faoliyatini qoʻllab-quvvatlash maqsadida „Mehr-saxovat“ koʻkrak nishoni taʼsis etildi[16].

Yosh ijodkorlarni ragʻbatlantirish maqsadida "Duel" ijodiy tanlovi tashkil etildi[17]. Yoshlarni kitobxonlikka jalb etish maqsadida „Yosh kitobxon“ koʻrik tanlovi ommalashtirildi.

Alisher Saʼdullayev 2019-yilda Oʻzbekistonning yoshlar siyosatidagi pozitsiyasi va yoshlarga yaratilayotgan imkoniyatlar haqida Birlashgan Millatlar Tashkiloti minbarida nutq soʻzladi.Oʻzbekiston BMTning „Yoshlari strategiyasi — 2030“ni amalga oshirish boʻyicha tezkor rivojlanayotgan mamlakati sifatida tan olindi[18][18].

Yoshlar ishlari agentligi[tahrir | manbasini tahrirlash]

2020-yil Yoshlar ishlari agentligi direktori sifatida ish boshladi. Agentlikning asosiy vazifasi yoshlarni har tomonlama qoʻllab-quvvatlash, yoshlar siyosati sohasidagi qonun hujjatlariga rioya etilishi ustidan davlat nazoratini amalga oshirish boʻlib, bu sohada Alisher Saʼdullayev tomonidan bir qator ishlar amalga oshirildi.

Davlat fuqarolik xizmatchilari vakant lavozimlari yagona ochiq portali orqali Oʻzbekiston Respublikasi Yoshlar ishlari agentligi tizimida 11 mingdan ortiq ochiq tanlov eʼlon qilib, tizimga munosib kadrlarni ishga qabul qilindi.

Alisher Saʼdullayev tashabbusi bilan yoshlar va davlat rahbari oʻrtasida ochiq muloqot qilish tizimi yoʻlga qoʻyildi, unga koʻra, 30-iyun Yoshlar kuni hamda „Yoshlar forumi“ doirasida prezident yoshlar bilan uchrashib ularning taklif va murojatlarini eshitadi[19][20].

2021-yilda Germaniya Federativ Respublikasi Myunxen shahri kengashining bosh direktori Clemens Baumgartner hamda „One Young World“ dasturi direktori Mathew Bellshow tashabbuslari bilan Myunxen shahrida oʻtkazilgan „One Young World“ sammitida ishtirok etdi[1].

Ijtimoiy himoyaga muhtoj yoshlar va ularning muammolari bilan ishlash boʻyicha yangi elektron tizim yoshlardaftari.uz platformasi yaratildi va u yordamida 784 ming nafar yosh „Yoshlar daftari“ga kiritildi[21][22]. Yoshlarga yaratilgan yangi imtiyozlar boʻyicha yagona axborot manbai boʻlgan yoshlarportali.uz hamda 1093 call markazi faoliyati yoʻlga qoʻyildi.

Yoshlarni zamonaviy kasblarga jalb etish maqsadida „Bir million oʻzbek dasturchisi“ loyihasi doirasida kurslarni muvaffaqiyatli tugatgan yoshlarga kompyuter xaridlari uchun imtiyozli kredit ajratilishi va kredit foizlari kompensatsiya qilinishi yoʻlga qoʻyildi. 2022-yil 1-avgust sanasiga qadar 3 200 nafardan ziyod yoshlarga kredit ajratilgan[23].

Chet tilini oʻrganayotgan yoshlar uchun Imtihon topshirish xarajati kompensatsiya qilinadigan xalqaro imtihon tizimlari ishlab chiqildi va imtihon tizimida yuqori ball olgan 6 915 yoshlarning 12.4 mlrd imtihon xarajatlari toʻlab berildi[24].

Oliygohlarda toʻlov shartnoma asosida tahsil olayotgan 25 ming 533 nafar yoshlar uchun „Talabaga madad“ loyihasi 76 mlrd 600 million soʻm miqdorda shartnoma mablagʻlari toʻlab berildi[25].

Uning tashabbusi bilan „Oʻzbekiston uchun 100 gʻoya“ Respublika tanlovi yoʻlga qoʻyilgan.Tanlovning 100 nafar gʻoliblariga 10 mlndan hamda tanlovning respublika bosqichida ishtirok etgan 135 nafar yoshlariga 3 mlndan moddiy mablagʻ ajratilgan[26].

Yoshlar ishlari agentligi va „Najot Taʼlim“ markazi hamkorligida nogironligi boʻlgan yoshlarga bepul taʼlim berish, ularni zamonaviy kasblarga oʻqitish, IT sohasini jamiyatning har bir qatlamiga yetkazish maqsadida „IMKON“ loyihasi tashkil etildi. Oʻzbekiston Respublikasi Vazirlar Mahkamasining „Nogironligi boʻlgan yoshlarni ijtimoiy qoʻllab-quvvatlash boʻyicha davlat xizmatlarini koʻrsatishning maʼmuriy reglamentlarini tasdiqlash toʻgʻrisida“gi qarori qabul qilindi, unga koʻra joriy yildan boshlab 500 nafar nogiron yoshlarga kasb-hunar va til oʻrganishlari uchun BHMning 50 barobari miqdorida subsidiya ajratib borish tizimi yaratilishi rejalashtirilgan[27].

Oʻz sohasida qiyinchiliklarga dosh berib, katta yutuqlarga erishgan yoshlar hayoti aks ettiriladigan „Chegarasiz“ loyihasi ishlab chiqildi[28].

Yoshlarni milliy va umuminsoniy qadriyatlar, milliy gʻurur va iftixor, bagʻrikenglik, bunyodkorlik, mehr-oqibat gʻoyalari ruhida tarbiyalash, baxshichilik va anʼanaviy ijro, opera, estrada yoʻnalishlarida ijod qilayotgan yosh isteʼdodlarni kashf etish, ularni qoʻllab-quvvatlash, katta sahnalarda oʻz sanʼatini namoyish etishi uchun keng yoʻl ochib berish maqsadida „Yoshlar ovozi“ respublika koʻrik tanlovi har yili Boʻzatov tumanida oʻtkazilmoqda[29].

Oʻzbekistonda tugʻilib voyaga yetgan hamda bugungi kunda xorijda muvaffaqiyat qozongan Oʻzbekistonliklar haqida yangi media loyiha „Oʻzbekistonlik“ nomidagi hujjatli filmi loyiha rahbari[30].

2022-yilda Alisher Saʼdullayev tashabbusi bilan chop etilgan „Jadidlar“ toʻplami

Xorijiy tillarni mukammal oʻzlashtirgan, salohiyatli va bilimli yoshlarni birlashtiruvchi „Ibrat“ tillar oromgohi har yili iyun — avgust oylarida tashkil etilishi yoʻlga qoʻyildi. 2021 — 2022 yillar oraligʻida 8 ta mavsum 2150 nafar trerenerlar tayyorlandi.[31].

Internet tarmogʻida hususan Vikipediyaning oʻzbek tilidagi boʻlimida oʻzbek tilidagi maʼlumotlarni koʻpaytirish maqsadida WikiStipendiya marafoniga start berildi. Qisqa vaqt ichida oʻzbek tilidagi maʼlumotlar soni 20 mingtaga koʻpaydi va maqolalar soni boʻyicha reytingda 62-oʻrindan 56-oʻringa chiqildi[32].

Alisher Saʼdullayev ijtimoiy tarmoqlarda keng omma eʼtiboriga tushgan, 23 ming nusxada chop etilgan „Jadidlar“ toʻplami loyihasi muallifi hisoblanadi[33].

Oʻzbekiston Shaxmat federatsiyasi[tahrir | manbasini tahrirlash]

Alisher Saʼdullayev 2022-yilning may oyidan Oʻzbekiston Shaxmat federatsiyasi raisi sifatida ish boshladi va bu qisqa vaqtda muvaffaqiyatlarga erisha boshladi. Dastlab, Shaxmat boʻyicha sovrin jamgʻarmasi 880 million soʻm boʻlgan ''Yoshlar ishlari agentligi kubogi" oʻtkazildi va yangi nomlar kashf etildi. Keyinchalik, Hindistonning Chennay shahrida oʻtkazilgan 44-shaxmat Olimpiadasida shaxmat boʻyicha Oʻzbekiston erkaklar terma jamoasi oltin medalni qoʻlga kiritib, Oʻzbekiston tarixda birinchi marta Butunjahon shaxmat Olimpiadasi chempioni boʻldi[34].

Shuningdek,  Alisher Saʼdullayev 2022-yilning 8-avgust kuni Chennay shahrida oʻtkazilgan FIDEning navbatdagi Kongressida taqdimot qildi hamda 2026-yilgi Olimpiada mezbonligi uchun Oʻzbekiston nomzodi delegatlar tomonidan maʼqullandi[2].

2022-yilning 5-avgust kuni shaxmatni yanada ommalashtirish va rivojlantirish boʻyicha qoʻshimcha chora-tadbirlar toʻgʻrisida Prezident Qarori eʼlon qilindi[35]. Unga koʻra Oʻzbekistonda shaxmat boʻyicha yangi turnirlar tashkil qilinadi va shaxmatchilar tizimli ravishda ragʻbatlantirib boriladi.

Shaxmatchilar va ularning murabbiylariga beriladigan bir martalik pul mukofotlarining miqdorlari (raqamlar bazaviy hisoblash miqdori baravarida koʻrsatilgan)[35].
Musobaqalar (unvon) Medal Shaxmatchiga beriladigan

pul mukofoti miqdori

Murabbiyga beriladigan pul

mukofoti miqdori

1. Butunjahon shaxmat olimpiadasi (kattalar oʻrtasida) 1st 2 000 1 000
2nd 1 000 500
3rd 500 250
2. Xalqaro shaxmat federatsiyasi (FIDE) tasnifiga koʻra jahon miqyosidagi musobaqalar 1st 300 150
2nd 150 75
3rd 75 37,5
3. Xalqaro shaxmat federatsiyasi (FIDE) tasnifiga koʻra Osiyo miqyosidagi musobaqalar 1st 70 35
2nd 35 17,5
3rd 17,5 8,75
4. Xalqaro grossmeyster sport unvonini olgan taqdirda 100

Shaxsiy hayoti[tahrir | manbasini tahrirlash]

Saʼdullayevning onasi uy bekasi, otasi esa oʻqituvchi. Turmush oʻrtogʻi Xafiza Saʼdullayeva fudbloger sifatida faoliyat yuritadi. Juftlikning ikki nafar farzandi bor — Sadia Saʼdullayeva va Hamida Saʼdullayeva[36].

Manbalar[tahrir | manbasini tahrirlash]

  1. 1,0 1,1 „Yoshlar ishlari agentligi direktori Alisher Sa'dullaev “One Young World” sammitida!“. Yoshlar.gov.uz (23-iyul 2021-yil).
  2. 2,0 2,1 „Rasman: Oʻzbekiston 2026-yilgi Butunjahon shaxmat Olimpiadasiga mezbonlik qiladi“. Daryo.uz (8-avgust 2022-yil).
  3. 3,0 3,1 3,2 yoshlar ittifoqi raisining birinchi oʻrinbosari tayinlandi
  4. Vazir oʻrinbosari uylandi
  5. Alisher Sadullayev BMTda
  6. Yoshlar ittifoqiga vaqincha rais tayinlandi
  7. „Senatga Prezident Farmoni bilan tayinlanganlar“. Senat.uz. 13-sentabr 2022-yilda asl nusxadan arxivlandi. Qaraldi: 13-sentabr 2022-yil.
  8. https://m.kun.uz/news/2020/01/18/prezident-oliy-majlis-senati-azolarini-tayinladi
  9. „Алишер Саъдуллаев Ёшлар ишлари агентлиги директори этиб тайинланди“. Daryo.uz (10-iyul 2020-yil).
  10. „Prezident Alisher Sa’dullayevni “Mehnat shuhrati” ordeni bilan mukofotladi“. Qalampir.uz (30-iyun 2021-yil).
  11. Alisher Saʼdullaev Shaxmat federatsiyasi raisi etib saylandi
  12. Xalq taʼlimi vaziri etib tayinlangan shaxs
  13. Alisher Saʼdullayev BMT minbarida
  14. „Alisher Sa’dullayev Yoshlar ittifoqiga a’zolik bekor qilinganini ma’lum qildi“. Daryo.uz (12-sentabr 2019-yil).
  15. „O'zbekiston Yoshlar Agentligi yoshlarni ijtimoiy va tibbiy volontyor sifatda COVID-19 pandemiyasini yengib o'tishda yordamga chaqiradi“. eventgo.uz (28-iyul 2020-yil).
  16. „“Mehr-saxovat” koʻkrak nishoni ta’sis etildi“. Qalampir.uz (27-may 2020-yil).
  17. „«Duel» ijodiy tanlovining gʻolib va sovrindorlari aniqlandi“. Kun.uz (18-sentabr 2021-yil).
  18. 18,0 18,1 „Alisher Sa'dullayev BMT minbarida soʻzga chiqdi“. Kun.uz (9-aprel 2019-yil).
  19. „Prezident Yangi Oʻzbekiston bogʻidagi yoshlar bayramiga keldi“. Kun.uz (30-iyun 2022-yil).
  20. „Prezident Shavkat Mirziyoyev birinchi marta oʻtkazilayotgan Oʻzbekiston yoshlari forumiga tashrif buyurib, nutq soʻzladi.“. Gazeta.uz (25-dekabr 2020-yil).
  21. „Yoshlar daftari statistikasi“. yoshlardaftari.uz (2-fevral 2021-yil).
  22. „Ishsiz yoshlar boʻyicha alohida — “Yoshlar daftari”, ishsiz va boquvchisiz xotin-qizlar boʻyicha alohida — “Ayollar daftari” joriy etiladi“. xs.uz (20-avgust 2020-yil).
  23. „Bir Million O'zbek Dasturchilari loyihasi ishga tushirildi“. Texnoman.uz (27-oktabr 2019-yil).
  24. „Imtihon topshirish xarajati kompensatsiya qilinadigan xalqaro imtihon tizimlari“. Yoshlar.gov.uz (7-may 2021-yil).
  25. „Kontrakt pullarini toʻlashda «Talabaga madad»: u kimlar uchun va ariza qanday topshiriladi?“. Kun.uz (2-noyabr 2021-yil).
  26. „“Oʻzbekiston uchun 100 gʻoya” respublika tanlovi e’lon qilindi“. Spot.uz (4-iyun 2021-yil).
  27. „"Imkon" loyihasi“. Yoshlar.gov.uz (14-aprel 2021-yil).
  28. „Chegarasiz loyihasi“. Yoshlar.gov.uz (9-fevral 2021-yil).
  29. „"Respublika yoshlar ovozi" festivali“. Yoshlar.gov.uz (14-aprel 2021-yil).
  30. „«Oʻzbekistonlik» filmining yangi epizodi tizeri namoyish etildi“. Kun.uz (7-iyul 2022-yil).
  31. „Alisher Sa’dullayev yoshlar uchun turli tillarga ixtisoslashgan yozgi oromgoh tashkil etilayotganini e’lon qildi“ (2-iyun 2021-yil).
  32. „Oʻzbekcha Vikipediyaning faol muharrirlariga 50 mln soʻmgacha pul beriladi“ (13-may 2022-yil).
  33. „“Jadidlar” kitoblar toʻplamini nashr etish uchun budjetdan qancha mablagʻ sarflangani ma’lum boʻldi“. Daryo.uz (26-iyul 2022-yil).
  34. „Oʻzbekiston — Butunjahon shaxmat olimpiadasi gʻolibi boʻldi!“. Xabar.uz (9-avgust 2022-yil).
  35. 35,0 35,1 „shaxmatni ommalashtirish va rivojlantirish bo'yicha qaror“. Lex.uz (5-avgust 2022-yil).
  36. https://m.xabaruz.com/uz/siyosat/eng-yosh-vazir-orinbosari-alisher-sadullaev-uylandi

Havolalar[tahrir | manbasini tahrirlash]

Ushbu maqolani tinglang (17 daqiqa)
Spoken Wikipedia icon
Bu audiofayl ushbu maqolaning
Xato: sana kiritilmadi
sanasidagi versiyasi asosida yaratilgan boʻlib, shu sanadan keyin amalga oshirilgan tahrirlarni aks ettirmaydi.