Albaniya futbol federatsiyasi
| UEFA | |
|---|---|
 | |
| Qisqa nomi | FSHF |
| Tashkil etilgan |
6-iyun, 1930-yil (Albaniya sport federatsiyasining bir qismi sifatida) 1962-yil fevral (mustaqil tashkilot) |
| Joylashuvi | Tirana |
| FIFA ga aʼzo boʻlgan sana |
16-iyun, 1932-yil |
| UEFA ga aʼzo boʻlgan sana |
1954 |
| Prezident | Armand Duka |
| Vebsayt | fshf.org |
Albaniya futbol federatsiyasi (alb. Federata Shqiptare e Futbollit, qisqartmasi: FSHF) – Albaniyada futbolni boshqaruvchi asosiy tashkilot hisoblanadi. Uning bosh qarorgohi Tirana shahrida joylashgan. Federatsiya quyidagi milliy futbol musobaqalarini tashkil etadi: Kategoria Superiore, Kategoria e Parë, Kategoria e Dytë, Kategoria e Tretë, Albaniya kubogi, Superkubok, Kategoria Superiore Femra hamda Albaniya ayollar kubogi. Shuningdek, federatsiya Albaniya milliy futbol terma jamoasi, ayollar milliy futbol terma jamoasi va yoshlar terma jamoalari – U-21, U-20, U-19, U-18, U-17, U-16 va U-15 faoliyatini muvofiqlashtiradi va nazorat qiladi.
Tarixi
[tahrir | manbasini tahrirlash]1930-yil 6-iyun kuni qirol Zog I hukumatining farmoni bilan Albaniya sport federatsiyasining tashkil etilishi rasman tan olindi. Yangi tashkil etilgan ushbu sport tashkiloti 1932-yil iyun oyida boʻlib oʻtgan kongressda jahon futbolining boshqaruv organi – FIFA ga aʼzo boʻlib kirdi[1] va shu bilan Albaniyaning xalqaro futboldagi ishtiroki rasmiy ravishda boshlangan edi. 1934-yil mart oyida yangilangan farmon chiqarilib, Albaniya sport federatsiyasi tugatildi va uning vakolatlari 1928-yilda tashkil etilgan milliy tashkilot – „Vllaznija Shqiptare“ rahbariyatiga topshirildi. Ushbu tashkilot oʻsha davrda turli sport turlari faoliyatini boshqarib kelayotgan edi. Shuningdek, Albaniya futbol federatsiyasi 1954-yilda tashkil etilgan UEFA ning asoschi aʼzolaridan biri boʻlgan[2].
2008-yil 14-mart kuni FIFA tomonidan FSHF (Albaniya futbol federatsiyasi) „yirik siyosiy aralashuv“ tufayli diskvalifikatsiya qilindi. Bu qaror quyidagi oqibatlarga olib keldi: Albaniya milliy terma jamoalari rasmiy oʻyinlarda ishtirok eta olmay qoldi, federatsiya vakillari FIFAning rasmiy tadbirlaridan chetlatildi va Albaniya hakamlari FIFA tomonidan tasdiqlangan oʻyinlarda hakamlik qila olmaydigan boʻldi[3]. Keyinchalik siyosiy aralashuvlarga oid masalalar oydinlashtirilgach, taqiq bekor qilindi. Shundan soʻng, 2008-yil 27-may kuni Albaniya terma jamoasi Polshaga qarshi oʻrtoqlik uchrashuvini oʻtkazdi.
FSHF ning amaldagi prezidenti Armand Duka ushbu lavozimda 2002-yildan buyon faoliyat yuritmoqda. U 2010-yilda boʻlib oʻtgan saylovlarda uchinchi muddatga qayta saylangan[4].
2009-yilda FSHF bilan Albaniya hukumati oʻrtasida „Qemal Stafa“ stadioni mulkchiligiga oid mojaro yuzaga keldi. UEFA stadionni FSHF tasarrufiga berishni tavsiya qildi, chunki faqat shundagina unga zarur investitsiyalar kiritish imkoniyati yuzaga kelar edi[5]. 2011-yil fevral oyida hozirgi stadion oʻrniga quriladigan yangi stadion boʻyicha qaror qabul qilindi. Qurilish qiymati 60 million yevro deb belgilandi. Yangi stadionning mulkchilik ulushi quyidagicha taqsimlandi: 75 foizi FSHFga, 25 foizi esa Albaniya hukumatiga tegishli boʻladi[6].
Ofislar
[tahrir | manbasini tahrirlash]
- Tirana (Shtab-kvaritra)
- Durrës (Hududiy ofis, 2011-yil ochilgan)[7]
- Shkodër (Hududiy ofis, 2015-yil ochilgan)
Prezidentlar
[tahrir | manbasini tahrirlash]| No. | Prezident | Lavozimdagi yillari | |||
|---|---|---|---|---|---|
| Albaniya sport federatsiyasi (1930–34) | |||||
| 1 | Izedin Beshiri | 1930-yil 6-iyun | 1931-yil aprel | ||
| 2 | Musa Juka | 1931-yil aprel | 1934-yil dekabr | ||
| Vllaznija Shqiptare (1934–45) | |||||
| 3 | Mirash Ivanaj | 1935-yil 13-avgust | 1935-yil 19-oktabr | ||
| 4 | Nush Bushati | 1935-yil 21-oktabr | 1936-yil 7-noyabr | ||
| 5 | Faik Shatku | 1937-yil yanvar | 1938-yil dekabr | ||
| Albaniya sport federatsiyasi (1945–62) | |||||
| 6 | Anton Mazreku | 1945-yil iyun | 1946-yil iyun | ||
| 7 | Kristo Papajani | 1947-yil mart | 1948-yil fevral | ||
| 8 | Kiço Janku | 1948-yil fevral | 1948-yil iyul | ||
| — | nomaʼlum | 1948-yil iyul | 1962-yil | ||
| Albaniya futbol federatsiyasi (1962–hozir) | |||||
| — | nomaʼlum | 1962-yil | 1970-yil | ||
| 9 | Zyber Konçi | 1970-yil | 1980-yil | ||
| 10 | Kristaq Miço | 1982-yil | 1988-yil | ||
| 11 | Eduard Dervishi | 1990-yil | 1997-yil | ||
| 12 | Miço Papadhopulli | 1997-yil | 2002-yil 6-fevral | ||
| 13 | Armand Duka | 2002-yil 1-mart | hozir | ||
Hozirgi homiylari
[tahrir | manbasini tahrirlash]- 2024-yil dekabr holatiga koʻra [8]
Bosh homiy
- Vodafone Albania
Texnik homiy
- Macron
Asosiy homiy
- SIGAL
Rasmiy homiy
- Western Union
- Altin Mici Atelier
- Karrota
- Credins Bank
- Uji Tepelenë
- ama Caffe
- Infinity Destinations
- Match Worn Shirt
- Via Hotels
- Abissnet
Yana qarang
[tahrir | manbasini tahrirlash]Manbalar
[tahrir | manbasini tahrirlash]- ↑ „Results hint at Albanian ascension“. UEFA (2015-yil 22-yanvar).
- ↑ „Foto e rrallë/ Ja si e ka pritur Ahmet Zogu ekipin kombëtar të futbollit“ (sq). Citynews (2015-yil 27-dekabr). 2018-yil 12-yanvarda asl nusxadan arxivlangan.
- ↑ „UEFA statement on Albania“. UEFA (2008-yil 20-mart).
- ↑ „Duka re-elected as Albanian FA president“. UEFA (2010-yil 10-mart).
- ↑ Bashkim Tufa.. „80 vjet futboll, Blater d he Platini në Tiranë“ (sq). Sport Ekspres (2010-yil 25-avgust).[sayt ishlamaydi]
- ↑ „Stadiumi i ri 60 milione euro“ (sq). FSHF.org (2011-yil 3-fevral). 2018-yil 12-yanvarda asl nusxadan arxivlangan.
- ↑ Inagurohet zyra e pare rajonale e FSHF-se ne Durres (Wayback Machine saytida 2017-12-10 sanasida arxivlangan) FSHF.org
- ↑ Current Sponsorships - FSHF