Aktivlik qatori

Vikipediya, ochiq ensiklopediya
Jump to navigation Jump to search

Aktivlik qatori, kuchlanishlar qatori – metallarning elektrolit eritmalaridagi normal potensiallarining ortib boradigan tartibda joylanishi: Li, K, Ca, Na, Mg, Al, Mn, Zn, Cr, Fe, Cd, Ni, Sn, Pb, H2, Cu, Hg, Ag, Pt, Au Aktivlik qatori ga taqqoslash maqsadida, metallardan tashqari, vodorod (potensiali nolga teng deb qabul qilingan) ham kiritiladi. Aktivlik qatori da muayyan o‘rinda turgan metall o‘zidan o‘ngda turgan (potensiali musbatroq) metallarni ularning birikmalaridan siqib chiqaradi. Mac, to‘tiyo (mis kuporosi) eritmasiga rux tashlansa, rux misni uning birikmasidan ajratib chiqaradi. Vodoroddan chapda turgan (potensiali manfiyroq) metallar vodorodni uning birikmasidan (mas, kislotadan) siqib chiqaradi. Tarkibida bir qancha metall tuzlari bo‘lgan eritma elektroliz qilinsa, katodda avvalo Aktivlik qatori da o‘ngda turgan metall ajralib chiqadi. Metallarning qotishmasida avval Aktivlik qatori da chapda turgan element korroziyalanadi. Metallmaslarning ham o‘ziga xos kuchlanishlar qatori mavjud.

Adabiyotlar[tahrir]

  • OʻzME. Birinchi jild. Toshkent, 2000-yil