Akshehir Katta masjidi

Masjid
Akshehir Katta masjidi turkcha: Akşehir Ulucami
Akshehir Katta masjidi
Mamlakat	Turkiya
Hudud	Markaziy Anadolu mintaqasi, Konya viloyati
Shahar	Akshehir
Joylashuvi	Dudukadın koʻchasi
Koordinatalar	38°21′22″N 31°24′42″E
Yoʻnalishi	sunniylik
Binokorlik sanasi	1213-yil
Minoralar soni	1
Minoralar soni	1
Holati	amaldagi

Akshehir Katta masjidi (turkcha: Akşehir Ulucami) – Turkiyaning Akshehir shahridagi tarixiy masjid.

Joylashuvi

Masjid Konya viloyatining Akshehir ilchesi (tuman), Dudukadın koʻchasida joylashgan.

Tarixi

Masjidning aniq qachon qurilgani maʼlum emas, minora poydevoridagi yozuvga koʻra, bino 1213-yil yoki undan oldinroq bunyod etilgan boʻlishi kerak. Masjid minorasi Abu Said Ibrohimning koʻrsatmasiga binoan qurilgan. Uning qurilish sanasi Koʻniya sultoni Kaykovus I ning hukmronlik (h. 1211–1220) davriga toʻgʻri keladi. Saljuqiylar hukmroni Alouddin Qayqubod I (1220–1237) davrida masjid kengaytirilgan. Keramika bilan qoplangan mehrob keyinchalik XV asrda qoʻshilgan boʻlishi mumkin. Bundan tashqari favvora va hovlidagi shodirvon ham XIX asrda Usmoniylar imperiyasi davrida yaratilgan. Favvoradagi yozuvga koʻra, u 1811-yilda chihanbeylilik Yarali Yusuf topshirigʻiga koʻra qurilgan.

Bino

Masjidning toʻrtburchak shaklidagi maydoni hovli va minorani hisobga olmaganda 1,200 m² (13,000 kv ft)ni tashkil qiladi. Shimoli-sharqiy tarafda joylashgan minoraning umumiy yer maydoni 4.8 m² (52 kv ft). Masjid qurilishida kesma va moloz toshlardan foydalanilgan.

Galereya

• 
  Mehrob
• 
  Shodirvon
• 
  Favvora