Aglomeratlash

Vikipediya, ochiq ensiklopediya
Jump to navigation Jump to search

Aglomeratlash (metallurgiyada) – mayda ruda va ruda konsentratlarini maxsus mashinalarda pishirib yirik bo‘laklar (aglomeratlar) hosil qilinadigan termik jarayon. Mashina bunkeriga (do‘lga) maydaligi 8 – 10 mm gacha bo‘lgan ruda, yoqilg‘i va koloshnik (qarang Marten peni) kukunlari aralashmasi to‘ldiriladi. Aralashma bunker-dozator orqali vintli aralashtiruvchiga uzatiladi. Aralashma maxsus namlagich yorda-mida ma’lum darajada namlangach, kon-veyer lentasining tagi teshik qutisiga uzatiladi. Bu qutiga to‘ldirilgan ara-lashma gorelka tagiga kelgach aralashma yonadi. Qutidagi temperatura 1100 – 1200° gacha ko‘tariladi. Temir oksidning bir qismi G‘eO gacha qaytarilgach, SiO2 bilan birikib, toshqol (shlak) hosil qiladi. Bu birikma eriydi va mayda materiallarni o‘zaro biriktirib, aglomerat hosil etadi. Qutidagi yoqilg‘ining yonishi uchun tagidan havo berib turiladi. Yonish mahsulotlari ventilyator vositasida mo‘ridan havoga chiqarib yuboriladi.

Adabiyotlar[tahrir]

  • OʻzME. Birinchi jild. Toshkent, 2000-yil