Abdulrahmon II

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish

Abdurrahmon ll, Abdurrahmon ibn Hakam ibn Hishom ibn Abdurrahmon ibn Muoviya ibn Hishom (792-22.09.852). Qurtuba amiri (822-852). 792-yil Toledoda tug'ilgan. Hakam ibn Hishom vafot etgach, taxtga uning o'g'li Abdurrahmon o'tirdi. Abdurrahmon franklar xavf solayotgan shimoliy hududlarga e'tibor qaratdi. 823-yili Abdulkarim ibn Abdulvohid ibn Mug'iys boshchiligida katta qo'shin jo'natdi. Qo'shin janglarda g'alaba qozonib Qurtubaga katta o'ljalar bilan qaytdi. Bu mag'lubiyatdan so'ng franklar musulmonlar bilan urushni davom ettirishdan tiyilishdi. Abdurrahmon ll 837-yilda xristianlar va yahudiylar o'rtasidagi ixtilofdan foydalanib Toledoni qaytarib oldi. Abdurrahmon ll franklarga qarshi urushni davom ettirdi. Normannlar 843-yili Andalusiyaning g'arbiy qismini talon-taroj qildi. Ular vikinglar bo'lib dengizda hukmron edilar. Normannlar hujum qilgan vaqtda musulmonlarning floti yo'q edi. Abdurrahmon ll dengizdan bo'ladigan xavfni bartaraf etish uchun flot tuzishga buyruq berdi. 852-yil 22-sentabrda Abdurrahmon ll vafot etdi.

Adabiyotlar[tahrir | manbasini tahrirlash]

  • Shodmon Vohidov, Alisher Qodirov "Sharqning mashhur sulolalari";
  • OʻzME. Birinchi jild. Toshkent, 2000-yil