Abdulloh ibn Xolid ibn Asid

	Abdulloh ibn Xolid ibn Asid; arabcha: عبد الله إبن خالد إبن أسيد‎‎
Shaxsiy maʼlumotlari
Tavalludi	Abdulloh ibn Xolid ibn Asid
Turmush oʻrtogʻi	Ummu Xolid bint Usmon; Ummu Said binti Usmon;
Munosabatlari	Attob ibn Asid (amakisi)
Bolalari	Xolid; Abdurahmon; Abdulaziz; Umayya; Ummu al-Julas; ismi nomaʼlum yana bir qizi;
Otasi	Xolid ibn Asid

Abdulloh ibn Xolid ibn Asid (arabcha: عبد الله إبن خالد إبن أسيد‎‎) – Umaviylar sulolasi vakili, xalifa Muoviya I hukmronligi davrida 673–675-yillarda Kufa hokimi boʻlib xizmat qilgan^[1].

Hayoti

Abdullohning otasi Xolid ibn Asid 629-yilda Makka fathi paytida Islomni qabul qilgan va 633-yilda Ridda urushlari vaqtida Yamoma jangida isyonchi arab qabilalariga qarshi kurashda halok boʻlgan^[2]. 673-yilda Ziyod vafotidan oldin Abdullohni Kufaga oʻzining oʻrinbosari etib tayinlagan^[3]. Ziyod vafot etgach, uning janoza namoziga Abdulloh imomlik qilgan. 675-yilga qadar Abdulloh Kufa hokimi lavozimida xizmat qilgan^[3]. Uning oʻgʻillaridan biri Umayya Ziyodning qizi Ramlaga uylangan^[3].

Abdulloh xalifa Usmon ibn Affonning (h. 644–656) ikki qizi Ummu Xolid va Ummu Saidga uylangan^[1]. Qizlaridan birini Usmonning nabirasi Abdulloh ibn Amrga turmushga bergan, ularning toʻrt oʻgʻil va ikki qizi boʻlgan. Ulardan biri Ummu Abdulloh xalifa al-Volid I ga (h. 705–715) turmushga chiqqan va undan Abdurahmon ismli oʻgʻil koʻrgan^[1]. Yana bir qizi Ummu al-Julas al-Hajjoj ibn Yusufga turmushga chiqqan, al-Hajjoj xalifa Abdulmalik (h. 685–705) hamda al-Volid I hukmronligi davrida Iroq va Sharqiy xalifalik hokimi boʻlgan^[4]. Abdullohning oʻgʻillari Xolid, Abdurahmon va Abdulaziz keyinchalik Umaviy xalifalari davrida Makka hokimi boʻlib xizmat qilgan. Oʻgʻli Xolid Basra hokimi, Umayya esa Xuroson hokimi etib tayinlangan.

Manbalar

↑ ^1,0 ^1,1 ^1,2 Ahmed 2010.
↑ Madelung 1997.
↑ ^3,0 ^3,1 ^3,2 Fariq 1966.
↑ Chowdhry 1972.

Adabiyotlar

Ahmed, Asad Q.. The Religious Elite of the Early Islamic Ḥijāz: Five Prosopographical Case Studies. University of Oxford Linacre College Unit for Prosopographical Research, 2010. ISBN 9781900934138.
Chowdhry, Shiv Rai (1972). Al-Ḥajjāj ibn Yūsuf (An Examination of His Works and Personality) (Thesis). University of Delhi.
Fariq, K. A.. Ziyād b. Abīh. London: Asia Publishing House, 1966. OCLC 581630755.
Madelung, Wilferd. The Succession to Muhammad: A Study of the Early Caliphate. Cambridge: Cambridge University Press, 1997. ISBN 0-521-56181-7.

[FOOTNOTEAhmed2010-1] 1,0 ^1,1 ^1,2 Ahmed 2010.

[FOOTNOTEMadelung1997-2] Madelung 1997.

[FOOTNOTEFariq1966-3] 3,0 ^3,1 ^3,2 Fariq 1966.

[FOOTNOTEChowdhry1972-4] Chowdhry 1972.

[1]

[2]

[3]

[4]