Qizjibek

Vikipediya, ochiq ensiklopediya
("Qizjibek"dan yoʻnaltirildi)
Jump to navigation Jump to search

"QIZJIBEK" — qozoq xalq eposi. Qozoq folklorining eng yetuk lirikepik asarlaridan. taxminan 17-asrlarda yaratilgan. Asarda Toʻlagan bilan Qizjibek oʻrtasidagi sof muhabbat ulugʻlangan, ozodlik uchun kurash, sevgiga sadoqat, vatanparvarlik, doʻstlik gʻoyalari ilgari surilgan. Asarning ilk nusxasi (Qadimgi qirgʻiz qoʻshigʻi "Qizjibek") 1887 yilda yozib olingan. "Q"ning turli yillarda yozib olingan 11 nusxasi Qozogʻiston FA Til va adabiyot institutida saqlanadi. Shulardan Qozogʻistonda yozib olingan va 1894 yilda Qozonda nashr etilgan "Qizjibek qissasi" varianti keng tarqalgan. Lekin hajmi va detallarining aniqligi jihatidan 1887 yildagi nusxasi "Q."ning boshqa variantlariga nisbatan mukammalroqhisoblanadi. "Q" qoʻp oqinlar repertuarida uchraydi. Oʻzbekistonda "Q"ning Ergash Jumanbulbul oʻgʻli tomonidan 1927 yilda yozilgan qoʻlyozma nusxasi Oʻzbekiston FA Til va adabiyot instituti folklor arxivida saqlanadi. Asar syujeti asosida Ye.G.Brusilovskiy "Q" operasini yaratgan (1974).