Тилла қўнғизлар
 | ||
|---|---|---|
 
| ||
| Биологик классификация | ||
|
Тилла қўнғизлар (Бупрестидаэ) -қўнғизлар оиласи. Танасининг уз. 3–100 мм. Кўпинча ялтироқ тусда. Тилла қўнғизлар ёзнинг иссиқ ойларида учади. Ўсимликлар танаси, барги ва гулларида (айрим майда турлари) учрайди. Ўсимлик тўқималари билан озикланади. Личинкалари оқ рангли, оёқсиз; пўстлоқ остида, бута ҳамда дарахтлар ёғочида ва ўтларда ривожланади. 12 мингдан ортиқтури бор. Ўзбекистонда 120 тури учрайди. Ер юзида (айниқса, тропик мамлакатларда) кенг тарқалган. Кўпчилик Тилла қўнғизлар (катта қарағай Тилла қўнғизлари, кўк Тилла қўнғизлар, терак Тилла қўнғизлари) ўрмон ўсимликларини, қора Тилла қўнғизлар мевали дарахтларни зарарлайди. Бухоро Тилла қўнғизлари, тўқай Тилла қўнғизлари Ўрта Осиё эндемиги. Тўқай Тилла қўнғизлари ва Сулаймон Тилла қўнғизлари Ўзбекистон Қизил китобига киритилган.
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Бу андозани аниқроғига алмаштириш керак. |
