Шина

Шина (нем.) (техникада) — автомобил, трактор ва бошқалар машиналарнинг ғилдираги гардишига кийгизиладиган резина ёки резина тўқимали пневматик қобиқ; ғилдиракнинг йўл билан тишлашишини таъминлайди, нотекис йўллардаги туртки ва зарбаларни юмшатади. Камерасиз ва камерали турлари мавжуд. Камерали Шина, асосан, камера, покришка ва борт лентасидан иборат. Шина каркас, протектор, ёстиқсимон қатлам (брекер), ён деворлар ва бортлардан ташкил топади. Каркас покришка учун асос вазифасини бажаради ва корд қатламларидан ясалади. Покришка камерага насос ёрдамида юборилган ҳаво босимига қаршилик кўрсатади ва уни шикастланишдан сақлаб туради. Камерасиз шинада ҳавонинг ички босими таъсирида покришка бортлари ғилдирак гардиши четларига зич тегиб туради, бу эса зарур герметикликни (ҳавонинг сизиб чиқмаслигини) таъминлайди.

Шина машинанинг тормоз йўли узунлигига, ёнилғи сарфига ва бошқалар омилларга сезиларли таъсир кўрсатади. Вазифасига қараб, Ш.лар енгил автомобиллар ва юк автомобилларига, қишлоқ хўжалиги машиналари (тракторлар, пахта териш машиналари ва бошқалар) га, йўл қурилиш машиналарига, мотоцикллар ва велосипедларга мўлжалланган хилларга бўлинади. Авиация, бир релсли (монорелсли) транспорт ва бошқалар учун мўлжалланганлари махсус Ш.лар ҳисобланади.

Шина кўп қатламли резинатўқимачилик маҳсулоти бўлиб, асосан, каучук,2. Шиналардаги резина, кимёвий толалар ва арматура материаллари (кордлар)дан автоматпоток линияларида тайёрланади.

Шунингдек қаранг

• Каучук
• Резина