Птолемей Клавдий

Қуадрипартитум, 1622

Птолемей Клавдий (тахминан 170 йил вафот этган) — юнон олими. Искандарияда астрономик кузатишлар олиб борган. П. "Алмагест" ва "Сурат ул-арз" номли машҳур асарлар муаллифи. "алмажистий" ўша давргача бўлган астрономия фани ютукларининг геоцен-трик системадаги баёнидир.

П.нинг "Географиядан қўлланма" асарида муҳим географик маълумотлар билан бирга кўплаб географик жойлар, жумладан, Ўрта Осиёнинг Бухоро, Самарқанд, Кўлоб, Кос, Бинкет, Шош, Зомин, Фороб, Фарғона каби шаҳар ва вилоятларининг географик координаталари келтирилган. П. асарлари Шаркда астрономия, мат. ва географиянинг ривожланишига катта таъсир кўрсатди. Беруний "Қонуни Маъсудий" асарини ёзишда П. асарларига асосланган. П.нинг математика, астрономияга бағишланган "Аналемма", "Планисферий", "Ўлчамлар ҳақида" ва бошқа асарлари маълум. Оптикага оид 5 жилдли рисоласи тамоман йўқ бўлиб кетган деб ҳисобланарди. 1801 йил унинг арабчадан лотин тилига қилинган тўлиқ таржимаси топилган.

Адабиёт

• Бронштен В. А., Клавдий Птолемей, М., 1988.