Калининград

Шаҳар Калининград Калининград Байроқ Герб Мамлакат РоссияРоссия Вилоят Калининград вилоятиКалининград вилояти Координаталари 54°43′0″Н 20°30′0″Э Ички бўлиниши 3 туман: Ленинград, Москва, Марказий Мер А.Г. Ярошук Асос солинган 1255-йил Аввалги номлари 1255-йилгача Тувангсте, 1946-йилгача Кёнигсберг 1991-йилгача "Куйбишев" Майдони 224,7 км² Маркази баландлиги 100 м Иқлим типи ўртача-континентал Аҳолиси ↗ 1.171.598 киши нафар (2013) Агломерация 690 000 Миллий таркиби Руслар — 87,4 % украинлар — 4,0 % белоруслар — 3,8 % арманлар — 0,7 % татарлар — 0,5 % литлар — 0,5 % олмонлар — 0,4 % поляклар — 0,3 % бошқалар — 2,4 % Этнохороним Калининградлик, Калининградликлар Вақт минтақаси УТCУТC +2 Телефон коди +7 4012 Почта индекслари 236ХХХ Автомобил коди 39 Расмий сайти http://www.klgd.ru/ (рус.)

Калининград (1946 йил 4 июлгача Кенигсберг) — Россия Федерациясидаги шаҳар, Калининград вилояти маркази. Михаил Калинин номига қўйилган. Преголя дарёсининг ҳар икки соҳилида. Болтиқ денгизи бўйидаги музламайдиган Балтийск порт шаҳри билан чуқур канал орқали боғланган. Темир йўл тугуни. Аҳолиси 413 минг киши (1990-йиллар ўрталари). Балиқ овлаш ва транспорт флоти базаси. Машинасозлик ва металлсозлик (кема тузатиш, вагонсозлик, "Электросварка", автоагрегат заводлари бор, балиқни қайта ишлаш жиҳозлари ишлаб чикарилади), селлюлоза-қоғоз, озиқ-овқат (шу жумладан, балиқни қайта ишлаш), енгил саноат корхоналари бор. 3 олий ўқув юрти (шу жумладан, университет), 2 театр, тарих-ўлкашунослик музейи, каҳрабо музейи мавжуд. Шаҳар яқинида денгиз бўйи иқлим курортлари жойлашган.

Калинградга 1255 йил қалъа сифатида асос солинган. 1525—1618 йилларда Пруссия герсоглиги пойтахти. 1701 йилдан Пруссия қироллиги таркибидаги мустаҳкам қалъа. 1758–1762 йилларда Шарқий Пруссиянинг рус генерал-губернаторлиги маркази. 1871 йилда Германия таркибига кирди. Кенигсберг 1945 йил апрел бошида шўролар армияси томонидан шафқациз бомбардимон қилиниши натижасида шаҳарда тарихий меъморий ёдгорликлар сақланмаган. Аҳолиси эса бутунлай кўчириб юборилган. 1945 йил Поцдам конференсияси карорига асосан, Кенигсберг атроф ҳудудлари билан бирга собиқ Иттифоқ таркибига ўтди. К. Калининград вилояти таркибида алоҳида иқтисодий раён мақомини олган.