Ҳенри де Тоулоусе-Лаутреc

Ҳенри де Тоулоусе-Лаутреc (1864.24.11, Алби 1901.9.9, Малроме, Бордо яқинида) — франсуз рассоми, постимпрессионизмнинг йирик намояндаси. 1881 йилдан асосан Парижда яшаган, Л. Бонн ва 1884 йилдан Ф. Кормондан таълим олган. Э. Дега, япон гравюрасидан таъсирланган. Илк асарларидаёқ ўта индивидуал образлар яратди (Э. Бернар портрета, 1885, Тейт галереяси, Лондон). 1880-йилларнинг 2ярмидан зиёлилар, оддий кишиларнинг ҳаёти ва эрмакларини, Париж театрлари, рақс заллари, кабаре, сирк лавҳаларини яратди, портрет ва композицияларида кинояли, ўта фош этувчанлик руҳи намоён бўлди: "МуленделаГалеттдаги бал", 1889; "МуленРуждаги рақс", 1890; "МуленРужда", 1892; "Хонанда Иветт Гилбер", 1894; "ДеМулен кўчасидаги салонда", 1894—95 ва бошқа Унинг каламтасвирининг ўткирлиги театр афишаларида ўз ифодасини топган. Шунингдек, қаламтасвирининг енгил ва ўйноқилиги, танланган ранглар ёрқинлиги билан эътиборни тортади ("Аристад Брюан ўз кабаресида", 1892; "Жанна Аврил", 1893 ва бошқалар). Услубий изланишлар Т.Л.ни модернизмга яқинлаштирди, бу графика асарлари (айниқса, рангли литографиялар)да кўзга ташланади. Кўплаб расмлари ва литография туркумлари жонли, таъсирчанлиги, муболағали шаржлари билан диққатга сазовор. Алби шаҳрида Т.Л. музейи ташкил қилинган.