Этна

Этна (юн. — алангаламоқ) — Сицилия о.нинг шим.шарқий қисмидаги ҳаракатдаги вулкан, Италияда. Баландлиги 3340 м (Европада энг баланд вулкан). Шакли ясси конуссимон. Ён бағрида жуда кўп майда кратери, базалт ва андезитли лава оқимлари ҳамда қалин вулкан кули қатлами бор. Э. фаол вулкан. 1669 йилда қучли, 1983 йилда сўнгги бор отилган. 800–900 м баландликкача боғ ва токзор ҳамда далалардан, ундан юқориси бутазор ва ўрмонлардан иборат. Туризм ривожланган.